Jenesis 13:14 - Buka Blahi Ka Cheke Holo

¹⁴ Ke leghugna jifla tela teihi mae Lot na, Lord ne mei cheke eghu ka mae Ebram, “Ebram, filo tongana sagho ka vido biꞌo ana. Filo lao ke maghati nei ke mosu nei ke raru nei ke mhata eghu.

Jenesis 13:14 ပူးပေါင်းရင်းမြစ်များ

Profet Isaia 49:18

Ghotilo filo tafri mala filoni unha nate eni gognarogne! Kherami ghotilore ginauna nake pulo mei! Iara Lord mae ihei te karha te tifa te chekeni ka ghotilo igne, ghotilo ginauna glealeꞌa fara ka mare, jateula gaꞌase te tarabana te mala tolaghi, eghuteuna naꞌa glealeꞌa ka glepo te lalaoni naꞌa ra eghu.

Diutronomi 3:27

Iagho haghe ka thogele Pisga. Eghuteuna iagho filo thongana ka vido te gnafa are. Filo fakeli ka gobigna lepo te filodi iaghore, naugna iagho ginauna theome tangomana te kasa ka Khoꞌu biꞌo Jordan.

Profet Isaia 60:4

“Ghotilo fadoglo haghe pha'umi are mala efra tafri, eghuteuna ghotilo ginauna filodi thumi nalhaꞌu teke karha ka vikemi ghotilora nake pulo mei funudi ka vido te khaba. Eghuteuna mare ginauna papa mei jateula sua eghu thumi gaꞌase ghotilore.

Jenesis 28:14

Vikemu iagho igre ginauna na kmana fara jateula gaughavu glose eghu heva heva ke mosu ba ke maghati ba ke mata ba ke raru eghu ka nauthoglu igne. Eghuteuna naikno te gnafa ka nauthoglu igne ginauna na tore ghau iara mala fablahidi jateula te fablahidi iara vikemu iagho gre eghu.

Jenesis 13:10

Mae Lot filo laodi vido glose te au pari ka sare gna khoꞌu Jordan te tei posa ka namono Soa. Mana laseni jare na kmana khoꞌu nei famane glose fara jateula nagare Eden nei jateula kantri Ijep eghu. Ka narane igne Lord theome roꞌedi ngau phei namono biꞌo Sodom ghe Gomora te au ka sare teuna.

Diutronomi 34:1

Aonu mae Moses jifla ka sare biꞌo Moab ne tei apla ka thogele Pisga, eghuteuna mana haghe kligna ka thogele Nebo ka keha phile Khoꞌu biꞌo Jordan funu Jeriko. Kate au teu jare na, Lord ne fakakhana ka mana glose te gnafa ke lamna nohi Kenan. Mana fakakhana vido te gnafa funu ka nohi Gilead ke maghati Jordan tei posa ke raru Dan.