Jenesis 13:13 - Buka Blahi Ka Cheke Holo

¹³ Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Jenesis 13:13 ပူးပေါင်းရင်းမြစ်များ

Fapea Pita 2:10

U fate tuana tulao maladi iheire te tapla jafra ka nakhibo te magnahagheni fara thedi, nei maladi iheire te filo faparini nogna nolaghi God. Mae velepuhi chaichaghi igre thono patugama fara, nei mare magnahaghei te leghudi kolho nagnafadi thedire. Eghume mare theome mhaghu te cheke fadiꞌadi engel di klignare.

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Letas Teke Riso Tei Mae Pol Ka Khiloau Rom 1:27

Jaola mae nalha'ure lilisei puhi te mala thuru fodu ka gaꞌase na, eghuteuna mare magnahagheni fara kolho te thuru tafri kolho fari nalhaꞌu na. Mae igre eni fara puhi te diꞌa na fari thedi. Eghuteuna ka puhi igre God neke fatedi naikno igre, leghudi puhi te thofno jafra fara teke eni mare thedi na.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Matiu 9:13

Jateula tuana eghu, iara gne theome mei mala kilodi naikno te doglohi ke ulugna God te mala leghu ghau iara na. Nu iara gne mei mala kilodi kolho naikno te diꞌare mala hogri nagnafa. Ke pulo si ghotilo mala hironi u gaoghathogna chekegna God igne, ‘Iara theome magnahaghedi nomi fafara ghotilo re, nu iara magnahaghei ghami ghotilo te kokhonidi nei taji fakelidi teu naiknore!’ ”

Jenesis 18:20

Aonu Lord ne cheke eghu, “Iara neke nomhidi kmana puhi te thono diꞌa fara te edi naikno di Sodom ghe Gomora gre.

Jone 9:31

Tahati kafe laseni God na theome fanomho ka nogna tharai mae te diꞌa na nei toghoni mana eghu. Nu God na fanomho ka ihei te pogho soruni nei leghuni teu mana na ngala.

Matiu 9:10

Ke leghugna igne, mae Jisas ne tei ghamu ka sugagna mae Matiu na. Kmana mae te diꞌa te salo takis nei keha mae te diꞌa langau eghu ne kafe mei gnokro ka tevo na baludi mae Jisas nei nogna mae fanomhore.

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Ululahu Samuel 15:18

Eghuteuna kate kuru nigho mana teke tei magra ka naiknodi Amalek ra, mana neke cheke eghu, ‘Iagho tei ka naiknodi Amalek ra mala goigoni fahui naikno te diꞌa tuare. Nei iagho mala magra heta mala ghilei kafe lehe fahui mare.’

Jenesis 38:7

Nu puhigna mae Er igne thofno diꞌa fara ka tathagna Lord na, aonu Lord ne fate faleheni mana.

Jenesis 15:16

Gramu iagho re ginauna na theome ghosei ke pulo mei ka namono igne. Mare nake pulo mei ka namono igne kate thokeni mare fati phagusu na. Naugna naiknodi Amor gre ginauna kulu edi kmana glepo te diꞌa fara ka namono igne. Ke leghugna igne, iara ginauna na paradi nei kuru fajifladi eghu naikno tuare ka namono igne.”

Jenesis 10:9

Mana kaisei mae lase hili bosu fara ke ulugna Lord. Naugna igne naiknore cheke eghu eigna kaisei mae, “Mae igne jateula mae Nimrod eghu lase hili bosu fara ke ulugna Lord.”

Jenesis 6:11

Ka narane tuare, God ne filodi naiknore ne kafe diꞌa fara naugna mare ne khuru magra nei faꞌau aknu fari thedi heva heva. Kaisei mae Noa ngala te doglo fara ka tathagna God na.

Jone 9:24

Hatimare ne fapea kilo meini mae teke dofu tifa na ne cheke eghu ka mana, “Ghema, iagho mei agne mala nhaꞌa cheke ke ulugna God, mala chekeni iagho unha te tutuani na! Ghehati laseni mae te fakelidi phei tathamu iagho gre mana kaisei mae diꞌa fara puhigna na.”

Jenesis 39:9

Agne na theo kaisei mae te jateula iara teu ka te loku ka suga igne na. Mae Potifa theome lhotini kaisei glepo ka iara. Mana neke theome cheke ranghi ghau iara te mala thuru balumu iagho na, theo fara, naugna iagho khetogna mana. Iara theome tangomana te eni kaisei puhi te diꞌa ranghini mana. Jame te eni iara puhi te diꞌa tuana ranghini mana na, iara tapla jafra ka nakhibo ke ulugna God eghu.”

Naba 32:23

“Nu jame te theome edi ghotilo na, ghotilo jateula te eni puhi te diꞌa ranghini Lord eghu. Eghuteuna ghotilo jaola thofno laseni eigna Lord te ginau para ghami ka puhi te diꞌa te edi ghotilo re.

Jenesis 19:13

Naugna ghepa ginauna na roꞌeni namono igne. Lord la nomhidihi thua nafnata puhi te diꞌa fara te edi ka namono igne re, eghume mana neke kuru mei ghami ghepa mala roꞌeni namono igne.”

Ululahu Samuel 2:17

Igne nakhibodi phei thugna mae Eli te thono diꞌa fara ka tathagna Lord na igre, naugna phiamae igre theome ghatho tahuni nogna fafara mana na.

Profet Jeremaea 23:14

Nu gognarona iara jaola filodi mae profet di Jerusalem igre. Mare jaola thofno diꞌa fara salaꞌudi keha mae profet tifa ra. Mare theome leghuni puhigna tholaghi na, eghuteuna nakarhadire fodu ka chaichaghi. Mare toghodi naikno te diꞌa puhidire mala theome gnafa mare kate eni puhi te diꞌa na. Naiknodi Jerusalem igre kafe diꞌa hui jateula phei namono biꞌo Sodom ghe Gomora tifa ra eghu.”