Jenesis 12:4 - Buka Blahi Ka Cheke Holo

⁴ Aonu mae Ebram ne thofno leghuni unha te chekeni Lord na ne jifla Haran. Eghuteuna mae Lot ne tei balugna mana. Mae Ebram ne fitu salei glima finogha gna.

Jenesis 12:4 ပူးပေါင်းရင်းမြစ်များ

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Mae Khuru 7:4

“Aonu mae Ebraham ne jifla Kaldia ne tei au Haran. Ke leghugna te lehe kmagna mae Ebraham na, God neke kuru meini mana ka namono te au teu tahati gognaro gne.

Hibru 6:15

Mae Ebraham ne theome babaꞌo ne ofo neu ne ghilei hatini unha teke nhaꞌa cheke ranghini God na.

Jenesis 16:3

Sarai ne snakreni nogna gaꞌase gloku na ka mae Ebram mala jateula khetogna eghu mana. Ka narane igne mae Ebram auhi Kenan nabotho finogha.

Jenesis 16:16

Ka narane te karha mei mae Ismael ka Hega igne mae Ebram la nhana salei namno finogha gna hi.

Jenesis 25:7

Mae Ebraham gne neke kaisei gobi fitu salei glima finoghagna.

Jenesis 28:10

Mae Jekop jifla ka namono Bereseba ne tei Haran.

Jenesis 13:5

Ka narane tuare mae Lot ne tei balugna mae Ebram. Mae Lot gne jaola au nogna kmana sipu, buluka nei naikno kmana eghu balugna.