Jenesis 12:18 - Buka Blahi Ka Cheke Holo

¹⁸ Aonu mae king ne eha meini mae Ebram ne cheke eghu ka mana, “Ba, unha puhi site eni iagho ranghi ghau iara gnea? Naugna unha neke theome chekeni nga iagho Sarai gne te khetomu iagho na?

Jenesis 12:18 ပူးပေါင်းရင်းမြစ်များ

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Ululahu Samuel 14:43

Aonu king ne ghusna eghu ka mae Jonatan, “Unha teke eni iagho na?” Eghuteuna mana ne cheke eghu, “Iara neke jaꞌi lao khodo na neke ghamu katha jurukuli kolho. Iara na au agne mala lehe.”

Josua 7:19

Eghuteuna mae Josua ne cheke eghu ka mae Ekan, “Ghema, iagho gognarona kegra ke ulugna God, noda Lord tahati maeda Israel! Iara magnahaghei nigho iagho te cheke thakledi unha teke edi iaghore. Iagho thosei pophoru kaisei glepo ka iara.”

Eksodas 32:21

Moses ne cheke eghu ka Eron, “Unha teke edi naikno gre ka iagho na mala batudi iagho ka nakhibo biꞌo te thono diꞌa fara igne?”

Jenesis 44:15

Mae Josep ne cheke eghu ka mare, “Unha nafnata puhi na site eni ghotilo ka iara ignea? Ba, ghotilo theome lase ghau ngala iara tangomana te lasedi fagaglana nei gaoghathodi mifi gre teu gne sia? Iara laseni ngala unha te eni ghotilo na.”

Jenesis 31:26

Aonu mae Laban tei ka mae Jekop ne cheke eghu ka mana, “Ghema, unha site eni iagho ka iara gnea? Iagho chaghi ghau iara ne hata fedeleidi thugu gaꞌase iara gre ne jateula naikno teke sneka ka u magra neu.

Jenesis 4:10

Aonu Lord ne cheke eghu ka mae Kein, “Thono diꞌa fara unha te eni iagho ranghini mae tahimu na. Filo sagho! Dadara gna mae tahimu iagho na la tanhi hi ka iara te mala foli fapuloni unha najafra teke eni iagho na.

Jenesis 3:13

Aonu Lord God ne cheke eghu ka Ivi, “Ba, Ivi mala unha sagho te eni puhi ignea?” Naꞌa ne cheke eghu, “Mogo na neke cheke famaemahe ghau iara neke chaghi ghau iara mala ghamu iara sisi gna gaju na neku.”

Jenesis 12:19

Teke chekeni iagho ka iara na ne gregamu themu neku sia, naugna igne neke hata nga iara mala khetogu neku. Ba unha puhi site eni iagho ka iara ignea, ghema? Igne teu khetomu na! Hata tei delei!”

Jenesis 20:3

Nu kaisei bongi mae Abimelek ne mifi, God ne mei cheke eghu ka mana, “Gaꞌase te hata iagho igne la tolaghihi, eghume iagho ginauna na lehe eghu.”

Jenesis 29:25

Kate dofra haghe hamerane te filoni Lea na mae Jekop ne tei ka mae Laban ne cheke eghu ka mana, “Unha puhi site eni iagho ranghi ghau iara ignea? Iara neke loku heta ka nou gloku iagho ra malagna Resel gne neku, eghuteuna iagho ne chaghi ghau iara neu.”

Jajis 2:2

Eghuteuna ghotilo thosei ke eni kaisei nhaꞌa cheke baludi naikno te au ka namono Kenan igne, eghuteuna ghotilo ginauna paꞌe soru nodi olta naikno bongihehe are.’ Nu ghotilo theome edi kolho unha teke chekedi iara ka ghotilo ra. Naugna unha site edi ghotilo glepo igrea?

Fapea Samuel 3:24

Aonu mana tei ne filoni king, ne cheke eghu, “Mae Abna neke mei filo nigho iagho agne. Eghuteuna iagho snakre teini kolho mana ka pharikeli. Ba? Naugna unha te eni iagho igne? Puhi te eni iagho igne theome doglo.