Jenesis 12:15 - Buka Blahi Ka Cheke Holo

¹⁵ Eghuteuna kate filoni naꞌa na, hatimare mae nogna ofisa mae king gna Ijep na mare ne cheke eghu ka mae king, “Mae funei, kaisei gaꞌase te famane fara na naꞌa mei au agne!” Aonu hatimare ne hatani Sarai ne tei ka sugagna mae king na mala khetogna mana.

Jenesis 12:15 ပူးပေါင်းရင်းမြစ်များ

Jenesis 20:2

Eghuteuna jare mae Ebraham ne cheke eghu ka naiknore, “Sera gne gregagu iara.” Aonu mae Abimelek mae king gna jare na nomhini igne ne chekedi nogna mae glokure ne tei hata Sera na ka mana.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Profet Jeremaea 46:17

Mare ginauna nhaꞌa lao kaisei nangha majaghani ka king gna Ijep, ‘Foflo biꞌo te theo nogna nolaghi te mala toghodi nogna naiknore!’

Proveb 29:12

Mae lida te fanomho ka chaichaghi na, nogna mae gloku te gnafa mana ka gavman na igre ginauna kafe diꞌa hui.

Proveb 6:29

Filo sagho, mae te thuru balugna khetogna keha mae na, papara biꞌo ginauna thokeni mana.

Nodi Khoje Hatimare Mae Jiu 105:4

Tahati ari namo ka Lord mala togho ghita mana, nei mala pogho soruni mana fabrahu.

Fapea Kings 18:21

Iagho rouronu ka king gna Ijep te mala togho nigho na? Nu tuana jateula kaisei fora ikoi te kodo iagho tagna, eghuteuna klopa me fnera iagho khamemu na tagna teu ra eghu kolho. Tuana unha te eni king gna Ijep ka ihei te rouronu ka mana na.

Ululahu Kings 3:1

King Solomon ne eni kaisei nhaꞌa cheke balugna king gna Ijep. Te mala rheta fakeligna nhaꞌa cheke igne, King Solomon ne tolaghi ka thugna gaꞌase king. Mana hata gaꞌase igne ne tei au Jerusalem ka namonogna Devet ne ghilei gnafa nogna suga na, nogna Sugablahi Lord na, nei bara thina te falithuini Jerusalem.

Eksodas 2:15

Kate nomhini king eigna igne, mana fariuriu mala aknu faleheni mae Moses, nu mae Moses rikha ne tei ka nohi Midian. Kaisei fata, kate gnokro teu Moses rhegna kaisei seu na,

Eksodas 2:5

Kaisei narane thugna gaꞌase king na tei ka khoꞌu na mala apu baludi nogna gaꞌase glokure. Kate apu teu naꞌa na, nogna gaꞌase naꞌare nolo tafri neu rhegna khoꞌu igne. Naꞌa ne filo teini kharaꞌo igne thao neu fari hotei buburu. Aonu naꞌa ne kuru teini kaisei nogna gaꞌase gloku mala tei atha mei kharaꞌo igne ka naꞌa.

Jenesis 41:1

Salaꞌu phia finogha ke leghugna igne mae king gna Ijep na ne mifi. Nogna mifi mana na ne eghu agne, kate kegra teu mana ka gerigna Khoꞌu biꞌo Nael,

Jenesis 40:2

Mae king na ne diꞌatagna fara ka phei nogna mae gloku igre.

Profet Esikiel 32:2

“Maegna ka nauthoglu. Iagho tanhi fabiꞌo nei koje diꞌanagnafa eghu ka king gna Ijep. Iagho cheke eghu ka mana: “ ‘King! Iagho gaoghathomu na ne jateula kaisei lion farihoteidi naiknodi keha kantri are eghu, nu theo kolho eghu. Iagho jateula kaisei nasava te bosa chopu ka khoꞌura eghu kolho.

Profet Jeremaea 25:19

Eghuteuna iara na tusu lao kapu waen igne ka mae king gna Ijep baludi nogna mae biꞌo, nogna mae mala baubatu, nogna naikno,

Jenesis 12:14

Kate tei mae Ebram ghe Sarai Ijep na, maedi Ijep gre ne filoni khetogna mae Ebram gne famane gaꞌase tutuani fara. Aonu mare ne cheke eghu fari thedi, “Tore, gaꞌase ana famane fara fifilogna na!”

Jenesis 26:7

Hatimare mae nalhaꞌu gna namono tuana ne ghusna ka mae Isak eigna Rebeka ne cheke eghu, “Ba? Ghema, khetomu iagho si thau ignea?” Mae Isak mhaghudi mare glahula faleheni neu ne cheke eghu ka mare, “Theo. Thau igne thofno gregagu iara.” Naugna Rebeka gne kaisei famane gaꞌase fara.