Jenesis 12:11 - Buka Blahi Ka Cheke Holo

¹¹ Kate tei rhegna kantri Ijep gne mae Ebram ne cheke eghu ka khetogna na, “Sarai, iagho kaisei famane gaꞌase fara.

Jenesis 12:11 ပူးပေါင်းရင်းမြစ်များ

Jenesis 26:7

Hatimare mae nalhaꞌu gna namono tuana ne ghusna ka mae Isak eigna Rebeka ne cheke eghu, “Ba? Ghema, khetomu iagho si thau ignea?” Mae Isak mhaghudi mare glahula faleheni neu ne cheke eghu ka mare, “Theo. Thau igne thofno gregagu iara.” Naugna Rebeka gne kaisei famane gaꞌase fara.

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Jenesis 29:17

Lea gne phei tathagnare e famane fara. Nu Resel gne famane gaꞌase fara uluni Lea.

Jenesis 12:14

Kate tei mae Ebram ghe Sarai Ijep na, maedi Ijep gre ne filoni khetogna mae Ebram gne famane gaꞌase tutuani fara. Aonu mare ne cheke eghu fari thedi, “Tore, gaꞌase ana famane fara fifilogna na!”

Famane Khoje 1:14

Kheraguo, thinimu iagho na siri keligna fara jateula sisi ke lamnagna nagare En-Gedi eghu.

Fapea Samuel 11:2

Kaisei narane, fei grafi, mae Devet dofra haghe ne tei faghaghafa ke tagru suga. Eghuteuna, kate au teu mana ke tagru suga na, mana ne filo teini kaisei gaꞌase apu neu. Gaꞌase igne thono famane fara.

Jenesis 20:2

Eghuteuna jare mae Ebraham ne cheke eghu ka naiknore, “Sera gne gregagu iara.” Aonu mae Abimelek mae king gna jare na nomhini igne ne chekedi nogna mae glokure ne tei hata Sera na ka mana.

Jenesis 24:16

Rebeka gne kaisei famane gaꞌase majaghani fara. Naꞌa kaisei gaꞌase khupi kolho, theome thuru ngau kaisei mae balugna. Aonu naꞌa ne soru ka khoꞌu seu na ne toho nogna botol na neke pulo haghe.

Jenesis 6:2

Gaꞌase igre biꞌo haghe ne thono famane fara ka tathadi nogna tothoghei engel God re. Mare ne vavahi gaꞌase te magnahaghedi thedi re ne tolaghi.

Jenesis 20:13

Kate cheke God ka iara te mala jifla kokoni sugagna mae kmagna na, iara neke tei tafri ka keha vidoi, eghuteuna iara neke cheke eghu ka Sera, ‘Igne puhi te keli jame te eni iagho ranghi ghau iara ka vido te gnafa aheva te tei tapa na, iagho mala cheke eghu ka naiknore, Ebraham gne thabusigu iara.’ ”

Ululahu Kings 1:4

Gaꞌase igne thono famane fara, eghuteuna naꞌa ne reireghini king, nu king neke theome thuru balugna naꞌa.

Proveb 29:25

Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.