Jenesis 12:10 - Buka Blahi Ka Cheke Holo

¹⁰ Ka narane tuare jare na ne theo gano fara, eghuteuna mae Ebram balugna nogna vike na ne tei au Ijep.

Jenesis 12:10 ပူးပေါင်းရင်းမြစ်များ

Jenesis 43:1

Rofo na biꞌo fara jare ka kantri Kenan.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Mae Khuru 7:11

“Aonu kaisei behu biꞌo fara ne thokedi namono te gnafa Ijep nei Kenan. Igne ne paradi fara naiknore kate theo gna gano na. Eghuteuna mae kuꞌeda tahati re jaola neke paradi kate theome filoni gano na.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Profet Jeremaea 14:1

Lord ne cheke eghu ka mae Jeremaea ka narane te theome nakhete na:

Nodi Khoje Hatimare Mae Jiu 107:34

Eghuteuna mana na edi glose igre mala fodu ka solt mala theo kaisei glepo te kotu jare na. Naugna naikno te au ka vido tuana ra ne diꞌa fara puhidire.

Nodi Khoje Hatimare Mae Jiu 105:13

Leuleghu fata na mare tugha tafri leuleghu namono neke theome au snoto ka namonodi na, mare jifla ka keha nohi na mala tei ka keha nohi na eghu tafri kolho.

Nodi Khoje Hatimare Mae Jiu 34:19

Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Fapea Kings 6:25

Mare au neu jare ne ghilei thoke mei narane te theo gano ka namono biꞌo igne. Aonu gano re theome naba sileni te mala folidi re, naugna foligna gna gano na thono haghe fara. Kaisei phaꞌugna dongki na, mare foli ka nhana salei silva, eghuteuna kaisei kapu bini na, mare foli ka glima silva.

Fapea Kings 4:38

Kaisei fata, narane te theo gano na ne thoke mei ka kantri Israel. Eghuteuna naiknore ne theome naba ghedi gano. Eghuteuna ka narane igre mae Elisa neke pulo Gilgal. Kaisei narane keha mae profet mei ne thafoni mana jare, eghuteuna mare gnokro soru ne fanomho ka mana. Mana ne chekeni kaisei nogna mae gloku mala nhaꞌa lao suspen biꞌo na ka khaꞌaghi na mala gahu susupu maladi hatimare mae profet.

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Thoutonu Eigna Rut 1:1

Ka narane ame kegra king nga Israel teuna, vido te theo gano ka kantri tuana na ne thoke mei. Aonu mae Elimelek, kaisei maegna ka namono Betlehem ne tei au keha finogha ka kantri Moab. Mana ne jifla baludi khetogna nei thugna nalhaꞌu teure ne tei au jare. Nanghagna khetogna mae Elimelek na Naomi, eghuteuna nanghadi phei mae thugna mana re, mae Malon ghe mae Kilion. Naiknodi ka vikegna Efrata, ka namono Betlehem ka provins Juda. Mare au neu jare Moab ne ghilei lehe mae Elimelek. Naomi au soru jare baludi phei mae thugna re.

Jenesis 47:13

Glehe rofo na ne biꞌo fara ne theo gano heva te heva na. Vido te theo gano te rofo fara igne ne raꞌe ne diꞌa fara Ijep nei jaola ka kantri Kenan.

Jenesis 42:5

Aonu thugna nalhaꞌu mae Jekop, mae ihei te kilonila mae Israel gne, ne teila baludi keha naikno te tei foli wit Ijep gre, naugna vido te theo gano igne ne tei thokela Kenan.

Jenesis 41:56

Kate theo gano heva te heva na, mae Josep ne tothora sugadi gano re mala mei foli ghedi naiknore. Eghuteuna keha naikno ka keha vido nauthoglu re ne meila ngau Ijep mala foli gano ka mae Josep, naugna rofo igne la thofno diꞌa fara heva te heva na.