Jenesis 10:25 - Buka Blahi Ka Cheke Holo

²⁵ Mae Eber gne neke au phei mae thugna. Kaisei na nanghagna na mae Pelek, gaoghathogna cheke “Pelek” teu igne “fnota” eghu ka cheke Hibru na. Naugna kani karha nga teku mana na naiknogna nauthoglu gne neke fnota ka kmana vike ikodi. Eghuteuna nanghagna mae tahigna mana na mae Joktan.

Jenesis 10:25 ပူးပေါင်းရင်းမြစ်များ

Ululahu Kronikols 1:19

Eghuteuna phei nalhaꞌu teke karha ka mae Eba re igre: Kaisei mae teke kulu karha na mare kiloni mae Pileg, gaoghathogna nangha Pileg teu igne fnota eghu. Naugna ka narane teke karha mana igne naikno gna nauthoglu igne neke fnota. Eghuteuna mana kiloni fapea thugna na mae Joktan.

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.

Diutronomi 32:8

God mae ihei te haghe fara igne neke tufa vido glose ka soasopai naikno mala au tagna. Mana ei nodi nohi keha naiknore. Eghuteuna mana ne lilisei nodi nohi naiknodi keha kantri are leghuni nabadi nodi god.

Jenesis 10:32

Igne thura gaga teke jifla mei ka hatimare goro thugna mae Noa re. Naikno te iko tongana ke lamnagna nauthoglu na igre neke funudi ka vike igre, ke leghugna nabritha biꞌo ia.

Jenesis 10:21

Mae Sem gne neke mae ke biꞌogna mae Jafet. Mae Sem neke au thugna, eghuteuna mana jaola neke kuꞌedi thugna mae Eber re.

Jenesis 10:26

Mae Joktan gne neke kmadi mae Almodad, mae Selep, mae Hasamavet, mae Jera,

Jenesis 10:5

Naikno te au ka moumolu te iko tongana ka nhorora na igre vike neke karha mei ka thugna mae Jafet. Soasopai gna tharakna igre ne vuragha ne thovu ne gnokro soru ka nodi soasopaigna vido glose nei au nodi soasopaigna cheke.

Thoutonu Eigna Mae Job 15:19

God ne snakre lao namono igne ka mae biꞌo ra, eghuteuna theo kaisei naikno aheva nga teke au te mala goigonidi mare na.