Jenesis 10:22 - Buka Blahi Ka Cheke Holo

²² Igre nanghadi teke thugna mae Sem re, mae Elam, mae Asura, mae Apaksad, mae Lud nei mae Aram.

Jenesis 10:22 ပူးပေါင်းရင်းမြစ်များ

Profet Isaia 66:19

“Mare ginauna laseni te fakakhana iara glepo igre mala filoni mare. Nu iara ginauna kurudi iheire te karha nga teu igre mala tei ka kantri te khaba igre: Spen, Libia, nei Lida aheva te au mae iheire te lase magra ka phaloho, nei jare Tubal nei Gris, aheva naiknore theome nomhini ngau nanghagu iara na, nei jaola theome filoni ngau naphaegna nogu nolaghi biꞌo iara na. Eghuteuna mare ginauna toutonuni nogu nolaghi biꞌo iara na.

Mae Khuru 2:9

Tahati gne funuda ka namono Pasia, Midia, Ilam, Mesopotemia, Judia, Kapadosia, Pontas nei Esia,

Profet Jeremaea 25:25

nei king di Simri, Elam nei Media,

Profet Isaia 22:6

Hatimare mae soldiadi Elam, mare saghe ka chariot balu nodi phaloho nei jata. Soldiadi ka namono Kira igre, mare hata nodi greoreo re tarabana mala magra.

Profet Isaia 21:2

Lord neke fakakhana mei ka iara kaisei mifi. Ka mifi igne iara neke filodi naikno te majora, naikno te chaichaghi, nei edi puhi te thono diꞌa fara ranghidi keha naiknore. Aonu iara ne nomhini Lord na ne cheke eghu, “Ghotilo armi gna kantri Elam, ghotilo tei magra Babilonia! Ghotilo armi gna Media, ghotilo tei kegra ligohodi nodi namono phei kantri tuare mala theome tangomana mare te jifla na! Iara ginauna fahuini nafnata puhi te eni koba naiknodi Babilonia te fadiꞌa nagnafadi, nei fatanhidi teu keha naiknore.”

Profet Isaia 11:11

Ka narane tuana, Lord ginauna fakakhana nogna nolaghi na mala ke hata fapulo nogna naiknore ka nodi thofno namono re, naikno te au teu Asiria, Ijep, Sudan, Elam, Babilonia, Hamat nei ka moumolu te au ka nhorora Mediterenian.

Thoutonu Eigna Mae Job 1:17

Eghuteuna kate cheke teu mana na, keha mae gloku na mei ne cheke eghu, “Funei! Keha maedi Kaldia edi thilo tothoghei ne mei magra ka ghehati. Mare aknu falehe nou mae gloku iagho ra, nei hata nou kamel iagho ra. Iara thegu kolho rikha te mei cheke ka iagho na.”

Fapea Kings 15:19

Ka narane tuare, King Pul gna Asiria ne mei Israel mala magra ka mare. Nu King Menahem ne tusu lao tolufulu fati thogha kilo silva ka King Pul, keha nanghagna mana na, mae Tiglat-Pilesa, mala snakreni mae Menahem te mala funei fruni di naiknodi Israel.

Naba 23:7

Aonu mae Balam ne cheke fajiflani u nonomho igne, “Mae funei Balak na neke atha fajifla ghau iara funu Siria mala mei agne neku. Mana cheke ka iara mala tibridi iara tharakna gna mae Jekob na. Mae funei gna Moab na neke atha fajifla ghau iara funu ka thogele ke maghati. Mana cheke ka iara mala cheke fadiꞌadi naiknodi Israel re.

Jenesis 9:26

Mae Noa jaola ne cheke eghu, “Tahati cheke fakelini Lord mae ihei Sem te pogho soru ranghini! Mae Kenan gne mala nogna mae sneka kolho mae Sem.

Luku 3:36

Mae Sela gne neke thugna mae Kainan. Mae Kainan gne neke thugna mae Afasad. Mae Afasad gne neke thugna mae Sem. Mae Sem gne neke thugna mae Noa. Mae Noa gne neke thugna mae Lamek.

Jenesis 10:21

Mae Sem gne neke mae ke biꞌogna mae Jafet. Mae Sem neke au thugna, eghuteuna mana jaola neke kuꞌedi thugna mae Eber re.

Jenesis 11:10

Igne susurei eigna tharaknagna mae Sem na. Phei finogha ke leghugna nabritha biꞌo na, mae Sem ne thokeni kaisei gobi finogha ne au kaisei thugna nalhaꞌu nanghagna na mae Apaksad. Mae Sem neke au keha thugna neke lehe nga kate thokeni namno gobi finogha gnahi na.

Naba 24:22

Nu kate mei naiknodi Asua gre te lolhoku ghami na, ghotilo ginauna ke nodi mae gloku mare, eghuteuna mare ginauna goigoni ghami ghotilo.”

Profet Esikiel 32:24

“Mae soldia funudi Elam igre jaola teihi pari ka nodi namono mae te lehe ra. Mae iheire te lehe ka magra ra nodi bekure au lithui jare. Kani karhadi tekure mae igre neke famamhaghudi fara naiknore, eghuteuna gognarona mare lehe jateula khuma mata eghu kolho, eghuteuna thuru soru ka beku igre. Mare mamaja jateula mae iheire jaola teke lehe ka magra ra eghu.

Profet Daniel 8:2

Ka mifi igne, iara kegra neu ke lamna bara ka namono biꞌo Susa ka provins Elam, eghuteuna iara kegra neu rhegna khoꞌu Ulai.