Jenesis 10:19 - Buka Blahi Ka Cheke Holo

¹⁹ Namonodi naikno te au Kenan gre e funu Saedon tei posa Gerara nei Gasa. Eghuteuna tei posa Sodom, Gomora, Adma nei Seboim ghilei tei posa Lasa.

Jenesis 10:19 ပူးပေါင်းရင်းမြစ်များ

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Profet Jeremaea 25:20

ba naikno phosa te mei au ka kantri Ijep. Eghuteuna iara na tusu lao waen igne ka mae king gna kantri Usi, ka mae king gna kantri Filistia te au ka namono Askelon, Gasa, Ekron nei naikno te au faleghu ka namono Asdod,

Jajis 16:1

Kaisei narane, Samson ne tei Gasa, kaisei nodi namono naiknodi Filistia. Kate au teu Samson Gasa na, mana ne filoni kaisei gaꞌase vine, eghuteuna mana tei ne thuru balugna naꞌa.

Diutronomi 32:8

God mae ihei te haghe fara igne neke tufa vido glose ka soasopai naikno mala au tagna. Mana ei nodi nohi keha naiknore. Eghuteuna mana ne lilisei nodi nohi naiknodi keha kantri are leghuni nabadi nodi god.

Jenesis 26:1

Keha fata te theo gano jateula teke eni ka narane gna mae Ebraham tifa igne teuna ne thoke mei ka namono Kenan. Aonu mae Isak jifla ne tei ka namono Gerara mala filoni mae Abimelek, mae king gna Filistia.

Jenesis 20:1

Mae Ebraham jifla ka namono Mamre ne tei au Negev, fari hoteidi phei namono Kedes ghe Sur. Ke leghugna igne mae Ebraham ne hata Sera khetogna na ne tei au ka namono Gerara.

Jenesis 18:20

Aonu Lord ne cheke eghu, “Iara neke nomhidi kmana puhi te thono diꞌa fara te edi naikno di Sodom ghe Gomora gre.

Mae Khuru 8:26

Kaisei fata, nogna engel Lord na ne cheke eghu ka mae Filip, “Tarabana gho mala tei ke mata ka nabrou te mei funu Jerusalem te mala soru namono Gasa.” Nabrou igne tei sala'u ka namono nagou.

Jenesis 10:20

Naikno te gnafa igre neke gragna mae Ham.

Josua 19:28

nei Abdon, nei Rehob, nei Hamon, nei Kana, eghuteuna riju tei posani namono biꞌo Saedon.

Fapea Kronikols 14:13

Asa balugna nogna armi na ne ngolhidi mare ne ghilei tei posa ka namono Gerara. Eghuteuna naugna kmana ka mare te lehe na, armigna Kus igne ne glaꞌe soru ne theo nodi nolaghi te loku fodu mei teke magra na. Lord ne toghoni nogna armi na ne goigonini fara armigna Kus. Eghuteuna hatimare mae soldia di Juda igre ne hata kmana glepo te keli ka mare.

Profet Isaia 23:4

Ghotilo naiknomi Saidon ra! Ghotilo ginauna mamaja nomi fara! Naugna nomi god thongna ghotilo te rouronuni fara ghotilo te jateula idomi nei kmami teu ghotilo igne la tirogna ghamihi ghotilo. Mana neke cheke eghu, “Iara theome tangomana nate bukla te au sua nalhaꞌu nei gaꞌase teu na. Iara na theome ke bukla nei nake theome au sua eghu.”

Profet Jeremaea 47:1

Lord neke tusu lao cheke igre ka profet Jeremaea eigna kantri Filistia ame mei magra nga king gna Ijep ka namono biꞌo Gasa.

Profet Esikiel 28:21

“Maegna ka nauthoglu. Filo tei sagho ka namono Saedon, eghuteuna cheke ranghini ginauna groꞌe.

Diutronomi 2:23

Eghuteuna jateula igne neu namono te au rhegna Thongna Mediterenian, naiknodi Krit igre hata kasa ne au tagna. Tifa te mei na, namono igre nodi namono vikegna Avim, nu naiknodi Krit igre neke aknu falehedi neke gnafa, eghuteuna mare neke hata kasa ka mare nodi namono mare igre ne tei posa ke mata Gasa.)

Jajis 6:4

Naoka igre tangomana te mei au ka vido igne. Eghuteuna mare goigonidi nagare te gnafa igre ghilei tei posa namono Gasa ke mosu thongna. Mare theome snakreni kaisei glepo te au te mala ghamu naiknodi Israel. Eghuteuna mare jaola blau sipu, buluka, nei dongki nei theo ngala me nhaꞌa faleghu mala ghamu teu mae Israel re.

Ululahu Samuel 13:18

Eghuteuna keha tothoghei na ne leghuni ne tei nabrou ke mosu Bet-Horon. Eghuteuna fatilo tothoghei na ne tei ka thogele aheva mare tangomana te filo soru ka glogu Seboim ke maghati namono nagou.

Fapea Kronikols 14:12

Aonu King Asa hata armigna Juda igne ne tei magra ka armigna Kus, aonu Lord ne toghoni Juda mala uluni mare magra igne. Eghuteuna soldia di Kus igre ne kafe rikha.

Thoutonu Eigna Mae Job 38:20

Ba, iagho tangomana te falaseni kolho vido aheva te tei thokeni naphae ghe gromno na? Ba, iagho laseni nabrou mala leghuni teke figri repa na?

Profet Isaia 23:11

Lord ngafa haghe khamegna na ke kligna nhorora mala goigonidi keha kantri igre. Mana cheke faheta mala mei mae naoka mala goigoni di namono nei vido mala poru teu ka kantri Fonisia.