Jenesis 1:29 - Buka Blahi Ka Cheke Holo

²⁹ God ne cheke eghu, “Iara lisa ari ka ghopa thua nafnata gaju ba sisi ba buburu teu igre mala hata ima ghopa.

Jenesis 1:29 ပူးပေါင်းရင်းမြစ်များ

Jenesis 9:3

Tifa na iara neke tusu ari sisi nei khuromu mala ghemi ghotilo neku, nu gognaro na iara jaola tusu ari ka ghotilo buluka nei nanghaji ba thua nafnata glepo te tautagu mala ghamu ghotilo.

Nodi Khoje Hatimare Mae Jiu 24:1

Nauthoglu nei thua nafnotu fateo te au ke lamnagna igre nogna Lord, eghuteuna naikno te au tagna re jaola nogna mana.

Mae Khuru 17:28

Jateula kaisei mae neke cheke eghu tifa, ‘Tahati karha nei tahati nonolo balugna God naugna tahati kaisei balugna mana ka nauthoglu igne.’ Eghuteuna kaisei mae glalase ka ghotilo neke rioriso eghu, ‘Naugna tahati te gnafa na goro thugna mana.’

Mae Khuru 14:17

Neubane eghu ngau, mana leuleghu fata na lolokelidi naiknore nei fatakleni thegna ranghidi. Uve, mana neke tusu ranghi ghami ghotilo nakhete te soru mei kau maloa gne, nei nhigra mala fabruara gano. Mana jaola tusu ranghi ghami ghotilo kmana gano, nei faglealeꞌadi nagnafami ghotilo re.”

Nodi Khoje Hatimare Mae Jiu 147:9

Mana tusu lao ghedi gano buluka, nei faghamudi sua nanghaji ka vido te rofo te magnahaghei ghedi gano na.

Nodi Khoje Hatimare Mae Jiu 136:25

Mana tangomana te tusu lao gano ka naiknore mala ghamu e boho. Mana ne namha ghita tahati tifa tifa.

Matiu 6:11

Tusu mei ranghi ghami gano te nabagna narane igne.

Thoutonu Eigna Mae Job 36:31

Ka nakhete, God reireghidi naiknore, eghuteuna mana tusu mei kmana gano te keli ka mare.

Jenesis 2:16

Lord God neke cheke eghu ka mana, “Iagho tangomana te ima sisidi gaju te gnafa te au ka nagare na igre.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Profet Hosia 2:8

Nu naꞌa theome lasedi gano, nei oel, nei waen, eghu te hata naꞌa are neke tufa iara ka naꞌa. Eghuteuna silva, nei gol teu te lalaoni naꞌa are jaola neke tufa iara ka naꞌa. Naꞌa theome laseni kolho silva nei gol eghu te lalaoni naꞌa te tarai ka mumuju Baal igre, iara teke tufa ka naꞌa re.

Profet Isaia 33:16

Nafnata naikno igne nate au fakeli ka kaisei vido te rheta te mala poru ka thogele holoro, eghuteuna mana ginauna au kmana ghegna gano nei khoꞌu eghu. Uve, mana ginauna au nogna gobigna lepo te magnahaghedi manare.

Nodi Khoje Hatimare Mae Jiu 146:7

Mana toghodi fabrahu iheire te au papara, nei faghamudi iheire te rofo. Eghuteuna hata fajifladi iheire te au ka suga sosolo ka khamedi hatimare mae naoka.

Nodi Khoje Hatimare Mae Jiu 115:16

Kligna na nogna namono Lord kolho, nu nauthoglu igne mana neke tusu ranghini naikno.

Nodi Khoje Hatimare Mae Jiu 111:5

Mana tusu lao gano koba ranghidi iheire te ghatho tahunire, naugna mana theome ghatho ihoni nogna nhaꞌa cheke teke mana ka tahati na.

Ululahu Timoti 4:3

Nafnata naikno igre cheke ka keha naiknore theome keli te tolaghi ba te ima kmana nafnata gano na. Nu God neke vuavuha gano igre mala ima tahati. Naugna tahati te fatutuani ni God nei laseni nogna cheke te tutuani na, tahati tangomana te ima gano igre balu kilo fafnaknoni God.

Jenesis 6:21

Iagho ginauna na jaola atha mei naba gano ka vaka na malami ghotilo nei nanghaji nei bosu nei saba nei cheche teu te gnafa are eghu.”