Jenesis 1:27 - Buka Blahi Ka Cheke Holo

²⁷ Aonu God ne vuavuha naikno, gaꞌase ghe nalhaꞌu mala jateula thegna eghu.

Jenesis 1:27 ပူးပေါင်းရင်းမြစ်များ

Matiu 19:4

Mae Jisas ne cheke eghu ka mare, “Uve, ghotilo iu'ijunihi kau grioriso te blahi ia, ‘Ka fufunu gna nauthoglu igne, God neke vuavuha nalhaꞌu ghe gaꞌase.

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Nonomho Te Keli Teke Risoi Mae Mak 10:6

Nu funu ka vuvuha na, God neke edi repa nalhaꞌu ghe gaꞌase.

Efesus 4:24

Uve, ghehati neke farirhiu ghami ghotilo mala au ka thofno puhi majaghani, eigna God neke vuavuha ghami ghotilo mala leghuni puhigna thegna na mala thofno doglo nei blahi eghu.

Nodi Khoje Hatimare Mae Jiu 139:14

Iara cheke fakeli nigho iagho naugna u nafnata puhi teke vuavuha ghau iara iagho igne thofno keli fara nei jajaglo ana eghu fara. Ka gaoghathogu fateo iara na, iara thofno laseni eidi gobigna lepo te edi iara ra e thofno keli fara.

Profet Isaia 43:7

God neke kafe vuavuhadi mare gnafa mala nogu naikno iara, eigna iara magnahaghedi mare mala ke pulo mei mala kilo fnaknoni nanghagu iara na.”

Kolose 1:15

Mae Kraes gne thofno thotoghale gna God mae ihei tahati te theome filoni na, nei thofno Thugna God, pha'udi glepo vuavuha fateo.

Profet Malakai 2:15

“Nu kate eni repa nhaꞌa cheke igne, God loku fodudi repa mala jateula kaisei thini nei kaisei gaoghatho eghu ngala repa. Naugna unha si God te eni ignea? God neke eni igne mala au sua vuragha ghotilo neku, eghuteuna goro sua igre mala goro thugna God. Eghume ghotilo mala reireghi fakelini nakarhagna thegna na, thosei huhughuni nhaꞌa cheke teke eni ghotilo ka narane teke loku fodu ghami God.

Jenesis 2:18

Aonu Lord God ne cheke eghu, “Theome keli mae igne te au sopa thegna na. Iara ginauna na vuavuha kaisei kheragna mana mala toghoni mana.”

Kolose 1:26

Ka fufunu gna nauthoglu na te ghilei posa gognaro gne, cheke igne neke poru ka naikno te gnafare, nu gognaro na God la falalasehi ka nogna naiknore.

Kolose 3:10

Eghuteuna ghotilo la hatahi u nakarha majaghani na. Tutuani, God loku fabrahu ke lamnami ghotilo mala tuthughu ghotilo jateula thegna eghu nei togho ghami mala lase fakelini mana.

Diutronomi 4:32

“Ghotilo fariuriu ghusnadi thoutonu eidi gobigna lepo teke edi teke mei tifa funu ka narane God teke vuavuha naikno ka nauthoglu igne te ghilei mei posa gognarogne. Ghotilo fariuriu ghusnadi keha god delei heva heva ka nauthoglu igne eidi glepo biꞌo teke edi ka nauthoglu igne.

Eklesiasti 7:29

Igne ngala unha te laseni iara na, God neke toghodi naiknore mala doglo, nu tahati leghudi kolho thua nafnata puhi te diꞌa re.

Jenesis 2:7

Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.

Jajis 21:22

Jame kmadi nei kheradi teu gaꞌase igre neke mei cheke ka ghehati, eghuteuna ghehati ginauna na cheke eghu ka mare, ‘Ghathoni si ghotilo vikegna Israel ia eghuteuna snakredi gaꞌase igre mala au ka vikegna Benjamin. Naugna ka magra ka maedi Jabes Gilead ia, tahati neke theome hata naba gaꞌase maladi mare. Eghuteuna naugna ghotilo neke theome snakre laodi gaꞌase igre ka vikegna Benjamin, ghotilo theome huhughuni nhaꞌa cheke teke eni tahati ia.’ ”

Profet Jeremaea 29:6

Ghotilo mae nalhaꞌu ra tolaghi mala au kmana thumi nalhaꞌu nei gaꞌase eghu. Te keli na ghotilo mala kmana nei vuragha eghu jare Babilonia.