Jenesis 1:26 - Buka Blahi Ka Cheke Holo

²⁶ Aonu God ne cheke eghu ka mae Thugna ghe Tharunga te Blahi, “Tatilo na vuavuha naikno mala jateula theda eghu. Mare ginauna au nodi nolaghi ke klignadi sasa te tao tafri ka thongna na igre nei nanghaji te flalo tafri ka maloa na igre nei soasopaigna nafnata glepo te tautagu ka nauthoglu na igre eghu.”

Jenesis 1:26 ပူးပေါင်းရင်းမြစ်များ

Kolose 3:10

Eghuteuna ghotilo la hatahi u nakarha majaghani na. Tutuani, God loku fabrahu ke lamnami ghotilo mala tuthughu ghotilo jateula thegna eghu nei togho ghami mala lase fakelini mana.

Efesus 4:24

Uve, ghehati neke farirhiu ghami ghotilo mala au ka thofno puhi majaghani, eigna God neke vuavuha ghami ghotilo mala leghuni puhigna thegna na mala thofno doglo nei blahi eghu.

Jenesis 3:22

Aonu Lord God ne cheke eghu, “Naikno gre la jateula tatilo lau sigre la lasenihi unha te keli na nei unha te diꞌa na eghu. Eghume gognaro na tatilo na theome snakredi repa mala tei namo ka gaju te tusu lao karha na ka naiknore. Na glahu ghamu repa sisi gna gaju igne nu karha fabrahu eghu.”

Jenesis 5:1

God neke vuavuha nalhaꞌu ghe gaꞌase mala jateula thegna neku. Eghuteuna ka narane tuana, God neke fablahidi neke kilodi “naikno.” Uve, igne u susurei gna vikegna mae Adam na.

Nodi Khoje Hatimare Mae Jiu 100:3

Ghotilo mala filo glani mana eigna Lord na mana God. Tahati nogna mana, naugna mana neke vuavuha ghita. Tahati nogna naikno mana te fiofilo ghita jateula nogna sipu.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Profet Isaia 64:8

Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.

Kolose 1:15

Mae Kraes gne thofno thotoghale gna God mae ihei tahati te theome filoni na, nei thofno Thugna God, pha'udi glepo vuavuha fateo.

Jemes 3:9

Foflo gne tahati mala cheke fakelini noda Lord God, eghuteuna tahati jaola ke cheke fadiꞌa dila keha naikno teke hohoro la God ka thotoghale gna thegna na.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Ululahu Korin 11:7

Mae nalhaꞌu na theome mala toku tafru pha'ugna na kate tarai ba toutonuni chekegna God na, naugna mana jateula thotoghale gna eghu God, nei fagaglana gna nogna nolaghi God te thakle ka mana na. Nu gaꞌase na fagaglana gna nogna nolaghi khetogna na te thakle ka naꞌa na.

Eklesiasti 7:29

Igne ngala unha te laseni iara na, God neke toghodi naiknore mala doglo, nu tahati leghudi kolho thua nafnata puhi te diꞌa re.

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Ululahu Jone 5:7

Thiloi igre mala cheke eigna mae Jisas:

Jemes 3:7

Funu tifa te posa gognaro gne, naikno na tangomana te kafe oho nanghaji, ba mogo, ba sasa, ba bosu mhata te mhaumhaghu ka namhata na are.

Profet Isaia 6:8

Aonu Lord God ne cheke eghu, “Ihei nate kuruni iara na? Eghuteuna ihei nate tei toutonuni chekegu iara na?” Iara ne cheke eghu, “Iara au teu ao! Kuru tei ghau iara!”

Nodi Khoje Hatimare Mae Jiu 149:2

Tahati vikegna mae Jekop, ba mae Israel ra, tahati glealeꞌa naugna Lord neke vuavuha ghita. Uve, tahati nogna naikno mana te au Saion ra, tahati glealeꞌa naugna mana ngala noda mae King tahati na.

Jenesis 11:7

Mei ghopa mala soru goigonini tatilo nodi cheke mare igne, mala fari ihoi mare kate cheke fari thedi na.”

Profet Jeremaea 27:6

Eghume gognarona iara lisa lao nomi kantri ghotilo igre ke parigna nogna nolaghi nogu mae gloku iara, king Nebukadnesa, king gna Babilonia. Eghuteuna iara jaola tusu lao nolaghi igne ka mana mala funei frunidi gobigna lepo te tautagu ka namhata na are.

Thoutonu Eigna Mae Job 35:10

“Nu mare theome kilo tei kolho ka God mae ihei teke vuavuhadi mare na. Eghuteuna ka gromno na mare theome eha tei ka God mae ihei teke tusu lao khoje ka mare.

Jone 5:17

Nu mae Jisas ne filo glanidi gaoghathodi mare re ne cheke eghu ka mare, “Mae Kmagu iara na theome gnafa ka gloku. Eghume iara na loku la.”

Mae Khuru 17:20

Glepo te chekedi iagho gre thofno majaghani fara ka ghehati. Ghehati magnahaghei te laseni gaoghathogna u farirhiu igne.”

Thoutonu Eigna Mae Job 5:23

Vido aheva nate loku nagare iagho tagna na, ginauna na theo kaisei thina tagna. Eghuteuna khuma mata re ginauna theome mei kathu falehe nigho.

Jenesis 2:19

God hata glose ne vuavuha glepo te tautagu te gnafa ka nauthoglu na igre nei nanghaji te gnafa teu te au ka maloa na igre. God hata ne mei ka mae nalhaꞌu na mala fangangha mana. Unha nangha te lilisei lao mana ka soasopai gna glepo te tautagu ba ka nanghaji teu igre na, tuare ngala nanghadire. Nu mae Adam ne theome filoni kaisei kheragna te mala toghoni na.

Profet Isaia 45:18

Lord na mana God mae ihei teke vuavuha maloa baludi gobigna lepo te au ke lamnagna, eghuteuna mana jaola neke eni famaku nauthoglu igne mala au fabrahu tifa tifa. Mana neke theome eni nauthoglu igne mala fiti au kolho neku, theo, mana neke eni nauthoglu igne mala au naikno tagna. Lord neke cheke eghu, “Iara ngala Lord na. Theo kaisei god ahevanga.

Thoutonu Eigna Mae Job 39:11

Neuba ne nheta fara naꞌa, iagho theome tangomana te ronuni naꞌa thegna te mala edi nou gloku iagho re.

Famane Khoje 1:11

Iara ginauna ei dedenge ka gol malamu iagho nei khekeve silva.