Jenesis 1:22 - Buka Blahi Ka Cheke Holo

²² God ne fablahidi ne cheke eghu ranghidi, “Ghotilo soasopaigna nafnata glepo te au ke lamnagna thongna na igre ginauna na vuragha mala fodu ke lamna thongna. Eghuteuna ghotilo nanghaji ra mala vuragha ke lamnagna nauthoglu igne.”

Jenesis 1:22 ပူးပေါင်းရင်းမြစ်များ

Jenesis 8:17

Hata jifla balumi glepo tautagu te gnafa nei nanghaji te gnafa teu te au ka vaka na igne. Thua nafnata glepo igre ginauna na kmana thudi nei ginauna na vuragha e thovu ka nauthoglu igne eghu.”

Nodi Khoje Hatimare Mae Jiu 107:38

Mana fablahidi koba naiknore, mala vuragha e thovu nei mala kmana nodi buluka eghu.

Thoutonu Eigna Mae Job 40:15

“Filo sagho ka glepo tautagu te biꞌo te kilo mare Behemot igne, uve, iara ngala teke vuavuha na glepo igne balumu iagho. Naꞌa ghamu buburu kolho jateula buluka eghu.

Jenesis 1:28

God ne fablahidi ne cheke eghu ka repa, “Ghopa mala au sua kmana mala reireghidi glepo te gnafa te au ka nauthoglu na igre. Iara neke lilisei sasa nei nanghaji nei thua nafnata glepo te tautagu teu ka nauthoglu na igre mala reireghidi ghopa.”

Thoutonu Eigna Mae Job 42:12

Aonu Lord ne fablahini mae Job eigna fapea vido ka nakarhagna mae Job, salaꞌuni vido ulu lahu ka nakarhagna mana na. Eghume gognarona mana au nabotho fati thogha sipu, eghuteuna namno thogha kamel, eghuteuna phei thogha buluka, eghuteuna kaisei thogha dongki.

Jenesis 9:1

Aonu God ne fablahini mae Noa baludi mae thugnare, ne cheke eghu, “Au sua kmana mala fodu nauthoglu gne.

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Nodi Khoje Hatimare Mae Jiu 128:3

Khetomu iagho na ginauna jateula gaju te ure sisi ia eghu na au kmana thugna, eghuteuna goro sua igre ginauna na jateula gaju ikodi te kotu faligohoni pesigna gaju biꞌo na ia eghu na gnokro faligohoni tevo na balumu iagho.

Nodi Khoje Hatimare Mae Jiu 107:31

Eghume, mare ne tegioni God eigna nogna namha biꞌo mana ranghidi mare na, nei eidi glepo te biꞌo teke edi mana te toghodi mare re.

Levitikas 26:9

“Eghuteuna iara ginauna fablahi ghami ghotilo, mala au kmana thumi ghotilo, jateula teke chekeni iara ka nhaꞌa cheke teke eni iara balumi ghotilo ia eghu.

Jenesis 35:11

Eghuteuna God ne cheke eghu ka mana, “Iara God mae ihei te nolaghi fara. Iagho na au kmana thumu nate karha mei ke leghu ka vikemu iagho. Iagho ginauna mala ku'edi naikno ka namono te kmana gre nei hatimare mae king gre na jaola karha ka vikemu iagho.

Jenesis 30:30

Tifa na iagho neke theome kmana nou sipu jateula tuana neku. Neke theo fara ngala. Nu neke theome kmana kolho. Eghume kate mei te au iara agne balumu iagho gognaro gne, iagho aola au nou kmana sipu nga eghu, naugna Lord ne toghodi nogu gloku iara te edi ranghi nigho iagho gre. Nu gognaro na iara magnahaghei te mala loku ranghidi kolho tharaknagu thegu gne.”

Jenesis 30:27

Mae Laban ne cheke eghu ka mana, “Uve, igne unha nate chekeni iara ka iagho na. Iara neke magnahaghei laseni gaoghathogna Lord na, nu igne unha teke laseni iara na eghu, Lord neke fablahi ghau iara, naugna iagho neke loku ranghi ghau iara.”

Jenesis 1:21

Aonu God ne vuavuha sasa, thege, khakau, khirio, nei vavula ba keha nafnata glepo te tao tafri ka thongna. God jaola ne vuavuha soasopaigna nafnata nanghaji te flalo tafri ka maloa gne eghu. God ne filodi glepo te keli igre ne glealeꞌa fara.

Jenesis 1:23

Rafi soru nei hamerane haghe. Igne falima narane na.