Jemes 5:19 - Buka Blahi Ka Cheke Holo

¹⁹ Kheraguro, mae ihei tela tei kokonihi thofno chekegna God na, ghotilo ke toghoni mana mala ke pulo mei.

Jemes 5:19 ပူးပေါင်းရင်းမြစ်များ

Galesia 6:1

Kheraguro, jame kaisei naikno khiloau tapla jafra ka nakhibo, ghotilo naikno te leghuni nogna baubatu mae Tharunga te Blahi ra mala toghoni mana mala ke au doglo. Eghuteuna ghotilo toghoni mana ka puhi faꞌamama, nu fiofilo ghami na eghunu khasi ghami u najafra teke eni mana tuana eghu.

Matiu 18:15

Mae Jisas ne cheke eghu, “Jame kaisei mae kheramu iagho ka khiloau eni fadiꞌa ranghi nigho kaisei glepo, iagho tei cheke ka mana eigna unha teke eni fadiꞌa mana ranghi nigho iagho na. Ghopa eni poru glepo igne farihoteimi themi. Te magnahaghei fanomho fakeli mana ka iagho na, iagho toghoni mana mala ke fofodu fapulo ghopa.

Jemes 5:20

Iara magnahaghei ghami te mala thofno lase fakelini igne: God ginauna na hata fadelei nakhibogna mana re nei fakarhini mana eghu ka glehe. Naugna ghotilo neke toghoni mana neke koko fahui nakhibogna mana re mala figri mana ka thofno nakarha te keli na. Me gnafa. Iara, mae Jemes.

Luku 22:32

Nu iara tarai eimu iagho mala theome blogho iagho ka nou fatutuani na. Eghuteuna kate figri mei iagho ka iara na, iagho ke toghodi mae kheramu are mala ke heta fapulo mare nodi fatutuani na ka iara.”

Profet Esikiel 34:16

Iara ginauna tei hirodi nogu sipu te snivi ra, teke tei jafra ra, teke tei tafri kolho ra, eghu mala ke pulo mei reꞌe. Eghuteuna iara ginauna nake pipiha thubu teke fnera ra mala tangomana reꞌe teke keli fapulo na eghuteuna teke nigra ra ginauna nake nheta fapulo. Nu iara ginauna aknu falehe te blokha nei nheta teu igre, naugna iara mae mala reireghi sipu ka puhi te doglo.

Fapea Pita 3:17

Nu ghotilo kheraguro, ghotilo lasedihi u cheke igre. Reireghi fakeli ghami themi, na eghunu korho fadelei ghami nodi cheke mae te theome leghu vetula igre eghu, te eghu na ghotilo ginauna theome au heta ka mae Jisas.

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Profet Esikiel 34:4

Ghotilo theome toghodi kolho iheire te nigra mala ke nheta fapulo. Eghuteuna ghotilo theome pipiha thubudi iheire te ghoreho mala ke keli fapulo. Ghotilo theome hirodi kolho iheire te snivi mala ke hata fapulo meidi. Nu ghotilo paradi kolho mare.

Profet Isaia 3:12

Lord neke cheke eghu, “Gognarona goro gaꞌase kolho nate funei fruni ghami ghotilo na, nei goro sua gre goigoni ghami ghotilo nogu naikno iara gre. Eghuteuna nomi mae mala baubatu ghotilore ginauna batu ghami ghotilo mala leghuni ghotilo puhi te theome doglo na.”

Ululahu Timoti 6:21

Keha naiknore la leghunihi puhi chaichaghi igne la jifla kokonihi khiloau na. Iara toreni nogna khokofakasai God mala au balumi ghotilo. Me gnafa. Iara, mae Pol.

Proveb 19:27

Thuguo, te tirou fanomho iagho ka nogu farirhiu iara igre na, iagho ginauna leghudi puhidi mae te diꞌa re.

Nodi Khoje Hatimare Mae Jiu 119:118

Iagho neke figri lao thagrumu na ka iheire te tirodi leghudi nou vetula iagho are. Nodi saosagro te diꞌa are ginau theo nafudi kolho.

Nodi Khoje Hatimare Mae Jiu 119:21

Diꞌatamu sagho ka naikno te thonu fahaehaghedi fara are, nei paradi iheire te theome leghudi teu nou cheke iaghore are.

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Jemes 3:14

Nu jame kaisei mae ne lalasehi eghu ka gaoghathogna thegna na, eghuteuna fodu ka puhi goghotu nei fangiringiri ka kheragna fofodure, ba ghathoni kolho thegna teuna, mana theome mae glalase, nu mana kaisei mae chaichaghi kolho.

Fapea Timoti 2:18

Phei mae igre tei kokonihi thofno fatutuani na. Naugna te chekeni phei mae igre na tahati ginauna theome kegra fapulo kolho, naugna tahati naikno khiloau gre neke kegra fapulohi. Nafnata farirhiu igne roꞌedi kolho nodi fatutuani keha naikno khiloaure.

Hibru 5:2

Mae pris biꞌo na mala kokhonidi nei toghodi eghu iheire te loku jafra naugna mare theome laseni unha te eni fadiꞌa na. Mana eni igne naugna mana thegna na jaola nigra ke ulugna God.

Jemes 1:16

Uve kheraguro, eghume thosei batu fadelei ghami.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.