Jemes 5:16 - Buka Blahi Ka Cheke Holo

¹⁶ Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Jemes 5:16 ပူးပေါင်းရင်းမြစ်များ

Proveb 15:29

Lord na theome fanomho ka nogna tharai ihei te eni puhi te diꞌa na. Nu mana fanomho ka nogna tharai ihei te doglo na.

Matiu 21:22

Eghume, jame fatutuani ghotilo na, God ginauna tusu ari unha te toreni ghotilo ka tharai na.”

Jone 9:31

Tahati kafe laseni God na theome fanomho ka nogna tharai mae te diꞌa na nei toghoni mana eghu. Nu God na fanomho ka ihei te pogho soruni nei leghuni teu mana na ngala.

Nodi Khoje Hatimare Mae Jiu 34:15

Lord na reireghidi iheire te au doglo eghuteuna fanomho ka nodi tharaire.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Profet Jeremaea 33:3

Tutuani fara! Jame te eha mei ghotilo ka iara mala togho ghami teuna, iara ginauna nomhi ghami nei togho ghami eghu ghotilo. Eghuteuna iara ginauna chekeni glepo te thofno keli fara te theome tangomana kaisei naikno teke laseni tifa na.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Mae Khuru 19:18

Kmana naikno fatutuani ne funu cheke thakledi nakhibodire ke uludi keha naiknore nei kafe chekedi glepo te diꞌa teke edi thedi tifa re.

Ululahu Tesalonika 5:17

Tarai koba.

Thoutonu Eigna Mae Job 42:8

Eghume ghotilo na hata tei fitu buluka nalhaꞌudi nei fitu sipu nalhaꞌudi, eghu tei ka mae Job. Eghuteuna ghotilo falelehe glepo igre mala fafara te thofno krono fara. Eghuteuna mae Job nogu mae gloku iara igne ginauna tarai mei ka iara eimi ghotilo. Eghuteuna iara ginauna nomhidi nogna tharai mana re. Neuba ghotilo ne jafrahi, nu iara ginauna na theome para ghami ghotilo. Ghotilo theome cheke fadoglo eigu iara jateula mae Job eghu.”

Jenesis 20:17

Lord ne theome snakredi khetogna nei nogna gaꞌase gloku eghu mae Abimelek gre te au sua na. Igne ke tughugna puhi teke eni mae Abimelek ka Sera khetogna mae Ebraham na. Aonu mae Ebraham ne toreni God mala ke fakarha fapuloni mae Abimelek, khetogna nei nogna gaꞌase gloku teu mana re neke tangomana teke au sua na.

Proveb 28:9

Jame iagho te theome fanomho ka unha te chekeni ka vetula na, Lord ginauna theome fanomho ka nou tharai iagho na.

Fapea Kronikols 30:20

Aonu Lord ne nomhini nogna tharai King Hesekaea na ne hata koko nakhibodi naiknore mala gae ka tathagna mana na.

Naba 11:2

Naiknore ne tanhi ka mae Moses mala toghodi, aonu mana ne tarai ka Lord, eghuteuna khaꞌaghi biꞌo na ne lehe soru.

Hibru 12:13

Tei fabrahu ka nabrou te doglo glahula keha naikno ka khiloau gne theome nheta ka nodi fatutuani na, mare ginauna heta nei theome snivi ka nogna nabrou God na.

Ululahu Tesalonika 5:25

Kheraguro, tarai mei ghami.

Matiu 3:6

Mare ne cheke thakledi nakhibodire, eghuteuna mae Jone ne faꞌapublahidi mare ka Kho'u Jordan.

Hibru 13:18

Tarai ghami koba. Ghehati mala laseni nagnafamire te gae fara naugna ghehati magnahaghei te edi koba glepo te kelire.

Hibru 11:7

Mae Noa fatutuani ni God neke leghuni God ka teke cheke mana eigna u nabritha. Neubane theome filodi unha nate thoke mei ginauna, mana ne leghuni God ne hohoro kaisei mola biꞌo mala fakarhini thegna nei tharakna. Kate eni igne, mana falalase naiknogna nauthoglu gne diꞌa fara. Eghuteuna jaola God te chekeni na mae Noa gne kaisei mae doglo fara ke ulugna God naugna mana ne fatutuani.

Letas Teke Riso Tei Mae Pol Ka Khiloau Rom 5:19

Tifa na mae Adam neke huhughuni chekegna God na. Naugna tuana, naikno te gnafare ne kafe leghuni mana ne tapla jafra ka puhi nakhibo. Ke leghu na, mae Jisas ne leghuni chekegna God na, eghuteuna naikno te gnafa te leghuni mana re ginauna kafe doglo ka tathagna God na.

Letas Teke Riso Tei Mae Pol Ka Khiloau Rom 3:10

Eigna tuana mare cheke eghu ka grioriso te blahi na, “Tutuani fara, jare na theo kaisei naikno kolho te doglo na.

Josua 10:12

Ka narane igne, Lord ne toghoni mae Josua balu armi gna Israel ne uluni vikegna mae Amo. Eghume, mae Josua ne tarai eghu ka Lord ke uludi naiknore, “Naprai, iagho kegra snoto mala agha soru ke kligna Gibeon. Glaba, iagho kegra snoto mala agha soru ke kligna glogu Aijalon.”

Hibru 11:4

Tifa na mae Ebol neke fatutuani ni God, naugna igne nogna fafara mana na ne keli fara uluni nogna fafara mae thabusigna mae Kein. Eigna te fatutuani mae Ebol, God filo glani mana kaisei mae te doglo fara eghuteuna God neke cheke fakelini nogna fafara mana na. Neubane lehehi mana tifa, chekegna mana na chekeu ngala ka tahati gognaro gne naugna unha teke eni mana tifa igne farirhiu ghita tahati fabrahu eigna fatutuani ni God.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Jenesis 19:29

Aonu kate roꞌedi te gnafa namono teke au ka sare na igre, God neke ghathoni unha teke toreni mae Ebraham eidi naikno te doglo ra ne fakarhi ni mae Lot. Nu mana ne roꞌeni namono aheva teke augna mana na.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Ululahu Kings 13:6

Aonu King Jeroboam ne cheke eghu ka mae profet igne, “Iara magnahaghei nigho iagho te toreni God, nou Lord, mala togho ghau iara mala ke keli fapulo iara khamegu gne!” Aonu mae profet ne leghuni nogna cheke King na ne tarai ka Lord, eghuteuna khamegna King na neke keli fapulo jateula teke ululahu ia neu.

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Ululahu Samuel 12:18

Aonu mana ne tarai ka Lord, eghuteuna ka narane tuanala, Lord ne kuru mei fila balu nakhete, eghuteuna naiknore ne mhaghu nodi fara ka Lord ghe mae Samuel.

Eksodas 17:11

Kate tusu haghe mae Moses khamegna re, hatimare mae Israel gre ne heta ghedi fara ne uluni u magra na. Nu kate lisei soru mae Moses khamegna re, hatimare mae Amalek gre neke funu uludi mae Israel gre.

Eksodas 9:33

Mae Moses ne jifla ka mae king ne tei ke kosigna namono biꞌo na. Mana ngafa haghe khame gnare ne tarai ka Lord. Aonu maloa na neke theome gafu ka gromno, eghuteuna nakhete thina aes na neke hui.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Kolose 1:9

Naugna mana neke farirhiu ghami nei togho ghami mala fatutuani ni mae Jisas, ghehati tarai ghami ghotilo fabrahu funu ka narane te nomhini ghehati igne eimi ghotilo na. Ghehati toreni God mala fodu ghotilo ka gaoghatho te keli nei glalase te keli, eghume ka nogna thotogho mae Tharunga te Blahi na ghotilo mala lase fakelini unha te magnahagheni God na.

Luku 9:6

Aonu mae khurure jifla ne tei ka namono te gnafare mala toutonuni Nonomho te Keli na, nei mala ke fakarha fapulodi naikno te fogra re.

Fapea Samuel 19:19

Eghuteuna mae Simei ne cheke eghu, “Nogu funei, iara magnahaghei nigho iagho te hata fadelei nakhibogu iara ra. Thosei ghathodi najafra biꞌo teke edi iara ranghi nigho ka narane teke jifla iagho Jerusalem. Thosei ke tughu fapulo puhi te diꞌa teke edi iara tura.

Ululahu Samuel 12:17

Ghotilo laseni, narane mala ukli wit ka nagare na, eghuteuna jame te nakhete na, ginauna na goigonidi gano re. Neubane eghu ngau, iara ginauna tarai ka Lord mala kuru mei fila nei nakhete eghu mana. Eghuteuna kate thoke mei phei glepo igre na, ghotilo ginauna filo glani teke eni ghotilo kaisei glepo te diꞌa ka tathagna Lord na kani teke toreni ghotilo kaisei king ia.”

Profet Jeremaea 42:2

Mare ne cheke eghu ka mana, “Iagho fanomho ka unha te toreni ghehati igne. Toreni Lord nou God, mala kafe togho ghita tahati gnafa te aunga teu gre. Tifa na tahati neke kmana, nu gognarona tahati la katha bua kolho.

Nonomho Te Keli Teke Risoi Mae Mak 1:5

Ka narane tuana, kmana naiknodi Jerusalem nei naiknodi ka keha namono ka Provins Judia eghu ne mei fanomho ka mana. Mare ne mei cheke thakledi nakhibodire ka mae Jone ne apublahi ka mana ka Kho'u Jordan.

Mae Khuru 8:24

Mae Simon ne cheke eghu ka mae Pita ghe mae Jone, “Phia mae, iara magnahaghei ghami ghopa te tarai ghau iara ka Lord. Tarai mala theome thoke ghau iara glepo te diꞌa te chekedi ghopa gre!”

Ululahu Samuel 1:12

Hana tharai heta fabrahu ka Lord, eghuteuna mae Eli ne filo tutu ka phepeo gna naꞌa na.