Jemes 5:14 - Buka Blahi Ka Cheke Holo

¹⁴ Jame kaisei ka ghotilo fogra biꞌo fara, mana kilo fodudi mae biꞌo ka khiloau are mala taofini ka oel te blahi nei taraini eghu ka nanghagna Lord.

Jemes 5:14 ပူးပေါင်းရင်းမြစ်များ

Nonomho Te Keli Teke Risoi Mae Mak 6:13

Mare ne bruedi kmana naitu nei ghiha oel ka kmana naikno te fogra re neke keli fapulo.

Mae Khuru 28:8

Kmagna mae Pablias na fogra biꞌo balu reka nei kabru thi'a. Aonu mae Pol ruma ka chogho na ne tarai, eghuteuna mana taofini neke keli fapulo.

Nonomho Te Keli Teke Risoi Mae Mak 16:18

Mare ginauna na loku mogo te faghughumhu, ba koꞌu phinu raha, mare ginauna na theome lehe. Mare ginauna habo khamedire ke klignadi naikno te fogra re, eghuteuna naikno te fogra re ginauna nake keli fapulo.”

Fapea Kings 5:11

Nu kate nomhini mae Naman cheke igne, mana ne thono diꞌatagna fara neke funu figri. Eghuteuna mana ne cheke eghu, “Iara jau na jifla mana kosi filo ghau, eghuteuna ngafa mei ke klignadi thubugu iara gre, eghuteuna kiloni nanghagna Lord nogna God na mala fakeli ghau neu sia!

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.

Mae Khuru 15:4

Kate posa mare Jerusalem na, hatimare mae khuru, nei hatimare mae biꞌo ka khiloau, nei naikno fatutuani eghu re kubaedi nei taji fakelidi. Aonu, mae Pol, mae Banabas nei mae teke tei baludi phiamare eghu re ne toutonudi unha te edi God ka mare re.

Mae Khuru 14:23

Mae Pol ghe mae Banabas ne vavahi keha mae te fatutuani ni Lord te mala mae baubatu ka soasopaigna khiloau. Eghuteuna snakre laodi ka Lord ka dangna nei tharai.

Mae Khuru 9:40

Mae Pita ne cheke ka naiknore mala kafe jifla ka chogho na. Aonu, mana ne tuturupuku ne tarai. Eghuteuna mana ne figri ka gaꞌase tela lehehi na ne cheke eghu, “Tabita, kegra haghe!” Naꞌa ne dofra haghe ne filoni mae Pita, ne gnokro haghe.

Fapea Kings 4:33

Aonu mana ruma ka chogho na ne bobotho grengatha na. Eghuteuna mana ne tarai ka Lord.

Ululahu Kings 17:21

Eghuteuna mae Elija ne thuru ke kligna gna mae sitei na thilo fata. Mana ne tarai ka Lord, “Lord, nogu God, iagho ke tusu fapulo nakarha na ka mae sitei igne.”

Mae Khuru 11:30

Mare ne salo keha sileni ne tusu lao ka mae Banabas ghe mae Sol, ne hata ne tei ka goro mae biꞌo te mala baubatu gna khiloau Jerusalem.