Jemes 5:13 - Buka Blahi Ka Cheke Holo

¹³ Jame kaisei ka ghotilo au puhi biꞌo, mana tarai ka God. Eghuteuna jame kaisei ka ghotilo au gleale'a, mana koje kilo fnaknoni God.

Jemes 5:13 ပူးပေါင်းရင်းမြစ်များ

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Efesus 5:19

Eghuteuna kate khapru te koje na, ghotilo mala koje ka Sam nei ka himu nei keha khoje te tusu mei mae Tharunga te Blahi na. Ghotilo koje nei kilo fnaknoni Lord ka nagnafamire.

Profet Jona 2:2

“Lord, kate thoke ghau iara hoholo na, iara eha ari ka iagho, eghuteuna iagho fanomho mei ka iara ne cheke tughu ghau. Funu ka thiꞌagna beku na, iara tanhi ari ka iagho eghuteuna iagho nomhini naoglagu iara na.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Profet Jona 2:7

“Lord, iara ghatho nigho ka vido te namo lehe iara igne. Nogu tharai iara na ari posa ka nou Sugablahi iagho na.

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Thakle 14:3

Kaisei gobi phiatutu fati thogha naikno igre mare kegra ke ulugna God mae ihei te gnokro teu ka nogna sape nafnakno nei ke uludi fati glepo te karhare nei hatimare mae biꞌo ka khiloaure. Eghuteuna naikno igre ne kojeni kaisei khoje majaghani. God neke foli fajifladi naikno igre ka naikno te gnafa ka nauthoglu igne. Mare ngala te tangomana te kojeni khoje igne.

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Matiu 26:30

Ke leghugna igne, mae Jisas baludi nogna mae fanomhore koje kaisei himu mala kilo fnaknoni God. Mare jifla ne tei ka Thogele Gaju Olivi.

Profet Daniel 5:4

Kate koꞌu teuna, mare ne kilo fnaknoni nodi mumuju god teke horo ka gol, silva, bras, aean, gaju nei thina.

Nodi Khoje Hatimare Mae Jiu 118:5

Kate au iara ka hoholo na, iara eha lao ka mana, aonu mana nomhini te eha iara na ne atha fasnagli ghau iara ka hoholo.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Thakle 7:10

Aonu mare ne eha eghu fabiꞌo, “Noda God te gnokro teu ka nogna sape nafnakno mae King na balugna Lam, phiamare mala fakarha ghita.”

Ululahu Korin 14:26

Kheraguro, igne unha te ghathoni iara na. Kate khapru ghotilo te mala tarai na, ghotilo te gnafa na mala kafe totogho. Kaisei naikno mala koje, eghuteuna keha na mala farirhiu, eghuteuna keha na mala chekeni unha teke falalase God tagna na, eghuteuna keha na mala chekeni chekegna God ka soasopai nafnata chekei, eghuteuna keha na mala rurutha gaoghathogna cheke tuana. Gloku te gnafa igre mala toghoni nodi fatutuani naikno te gnafare.

Luku 23:42

Mae glalama igne figri ne cheke eghu, “Jisas, kate mei iagho balu nou nolaghi te mala King na, ghatho ghau iara eghu.”

Profet Maeka 4:5

Naiknodi kantri falithui ghita igre theome gnafa te tarai nei leghudi nodi god. Nu neubane eghu, Lord noda God, tahati na theome gnafa te tarai nei leghuni mana fabrahu.

Nodi Khoje Hatimare Mae Jiu 105:2

Tahati koje mala kilo fnaknoni mana. Uve, tahati mala toutonudi glepo biꞌo teke edi mana re.

Nodi Khoje Hatimare Mae Jiu 95:2

Tahati tei ka Sugablahi mala cheke fakelini nei kilo fnaknoni eghu mana ka khoje.

Nodi Khoje Hatimare Mae Jiu 18:6

Kate au diꞌanagnafa na iara eha fabiꞌo ka nogu God mala togho ghau. Mana au neku ka sugagna na neke nomhini naoglagu iara na.

Thoutonu Eigna Mae Job 33:26

Aonu mae igne tangomana na teke tarai ka God, eghuteuna God ginauna kelitagna ka mana. Eghuteuna mae igne ginauna glealeꞌa fara kate tei kegra mana ke ulugna God, naugna God neke fakelini mana mala theome lehe.

Ululahu Kronikols 16:9

Tahati koje mala kilo fnaknoni mana. Uve, tahati mala chekedi glepo biꞌo teke edi mana re.

Profet Isaia 65:14

Nogu mae gloku iara re ginauna glealeꞌa nei koje eghu, nu ghotilo ginauna na thofno diꞌanagnafa nei tanhi eghu.

Ululahu Korin 14:15

Eghume unha nate eni iara na? Uve, iara ginauna tarai ka God balugna tharungagu na, nu iara ginauna jaola tarai balugna gaoghathogu na. Eghuteuna iara ginauna koje ka God balugna tharungagu na, nu iara ginauna jaola koje balugna gaoghathogu na.

Jemes 5:10

Ke ghathodi si ghotilo hatimare mae profet teke chekeni chekegna God na tifa ra. Neubane naiknore ne edi kmana nafnata puhi te diꞌa ka mare, mare kegra heta ka nodi fatutuani na.