Jemes 5:11 - Buka Blahi Ka Cheke Holo

¹¹ Eghuteuna te ghathoni tahati te chekeni na mare thono keli tadi fara naugna mare kegra heta fabrahu ne ghilei thoke ka narane leghu lahu na. Eghuteuna ghotilo neke nomhi nila eigna mae Job ia. Kmana nafnata puhi biꞌo thokeni mana, nu mana biꞌo nogna fatutuani na ka God. Eghuteuna ke leghudi puhi igre Lord neke toghoni mana neke tusu ranghini mana gobigna lepo te keli teke magnahaghedi mana re. Naugna Lord na kafe namha ghita nei kokhoni ghita nei magnahaghei toghodi eghu nogna naikno te gnafare.

Jemes 5:11 ပူးပေါင်းရင်းမြစ်များ

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Eksodas 34:6

Mana mei ne tei salaꞌu ke ulugna Moses, eghuteuna mana ne cheke eghu, “Iara Lord! Nei iara God. Leuleghu fata na iara kokhonidi naiknore, eghuteuna iara keli fara ka mare. Iara theome ghosei diꞌatagu, eghuteuna leuleghu fata na iara namhadi nogu naiknore nei ghatho tahudi fara mare.

Matiu 10:22

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna fakarhidi iheire te au famaku ka nodi fatutuani na ghilei thokeni narane te gnafa gna naꞌau papara na.

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Thoutonu Eigna Mae Job 2:10

Nu Job ne cheke eghu, “Iagho thosei cheke fameomekro jateula tuana eghu! Kate tusu mei God glepo te keli ka tahati na, tahati kelitada kate hata na. Naugna unha site khuru cheke tahati kate tusu mei mana puhi biꞌo ka tahati grea?” Neuba puhi biꞌo te diꞌa fateote'o igre ne thokeni Job, Job theome cheke diꞌa.

Ululahu Pita 1:13

Eghume gognaro na ghotilo tarabana fabrahu nagnafamire mala leghuni Lord nei filo fakeli eghu. Eghuteuna farerheta gaoghathomire ka glepo te keli God nate tusu ranghi ghami ka narane ke pulo meigna mae Jisas Kraes.

Luku 6:36

Ghotilo lolokeli nei kokhonidi eghu naikno te gnafare jateula mae Kmami ghotilo te au kligna te lolokeli nei kokhonidi teu naikno te gnafare.”

Lamentations 3:22

Nogna namha Lord na theo ka khusu gna. Puhi te kokhoni ghita nei keli ranghi ghita teu mana igne au fabrahu tifa tifa.

Nodi Khoje Hatimare Mae Jiu 103:8

Puhigna God na thono keli fara, mana theome tangomana te ghosei te diꞌatagna na. Nu mana namhadi nei kokhonidi eghu fara naiknore.

Naba 14:18

Tifa na, iagho neke nhaꞌa cheke eghu, ‘Iara ngala Lord na, eghuteuna iara theome tangomana te ghosei diꞌatagu na. Leuleghu fata na iara ghatho tahudi koba nogu naiknore. Iara ginauna atha fadelei nakhibodi nei puhi te diꞌa teu ka nogu naiknore. Nu iheire naikno te edi glepo te diꞌare, iara ginauna paradi mare baludi thudi, gradi, fapea gradi, nei fatilo gradi teu te ginau karha mei ke leghudi mare re.’

Hibru 10:39

Nu tahati gne theome naikno mala figri fapulo mala au ka glehe te theo gnafagna. Theo. Tahati naikno mala fatutuani ni God mala au ka karha tifa tifa.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Efesus 2:4

Nu neuba, tahati nabada te lehe naugna u nakhiboda, God neke kokhoni ghita fara nei namha ghita fara.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Ululahu Kronikols 21:13

Mae Devet ne cheke eghu ka profet Gad, “Tutuani fara! Iara la thofno diꞌanagnafagu fara ka cheke igne! Nu iara theome magnahaghei papara te jifla mei ka gaoghathogna naikno na. Jame te keli na lisa lao ka Lord mae ihei te au nolaghi fateote'o na mala vahini unha papara te nabami ghehati na, naugna God na tangomana te kokhonidi koba naiknore.”

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Profet Jona 4:2

Aonu mana ne tarai eghu, “Lord, kani au teku iara ka nogu kantri ia, iara lase nighohi te atha fadelei iagho nakhibodi naiknore. Ka puhi igne te fariu riu rikha te tei iara Spen ia. Iara kulu lase nigho iagho te keli fara nei kokhonidi teu naiknore. Iagho theome ghosei diꞌatamu, eghuteuna iagho ghatho tahudi fara naiknore. Uve, iagho tarabana fabrahu te mala atha fadelei nakhibodi naiknore, eghuteuna iagho theome mala paradi mare.

Profet Joel 2:13

Nafnata puhi te reku pohe ghotilo te mala laseni naiknore te diꞌanagnafa ghotilo igne theome naba kolho. Ghotilo mala diꞌanagnafa kate tutuani te jifla mei ka thofno nagnafami fateote'o eidi nakhibomi are. Ghotilo mala ke pulo mei ka Lord, nomi God. Naugna Mana keli fara nei kokhonidi eghu naiknore. Mana theome ghosei diꞌatagna, nu mana ghatho tahudi naiknore. Uve, mana tarabana koba te mala hata fadelei nakhiboda re, theome mala para ghita.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Isaia 63:7

Iara ginauna toutonuni puhigna Lord te ghatho tahu ghita fabrahu nogna naiknore. Iara ginauna cheke fakelini mana eidi glepo te keli teke edi mana ra. Mana fakakhana te kokhoni ghita tahati naiknoda Israel, mana jaola fakakhana nogna namha te theo ka huigna.

Eklesiasti 7:8

Jame kaisei mae eni fahui nogna gloku na, mana tangomana te glealeꞌa na uluni narane teke fufunu gna nogna gloku na. Jame nagnafamu iagho na theome ghosei diꞌatagna, igne keli fara uluni te fahaehaghe fara iagho na.

Nodi Khoje Hatimare Mae Jiu 119:132

Filo kokhoni mei ghau iara sagho, jateula te edi koba iagho ka iheire te namha nigho ra eghu.

Nodi Khoje Hatimare Mae Jiu 116:5

Noda Lord God tahati na thofno mae keli fara. Uve, mana lolokelidi ne kokhonidi eghu naiknore.

Nodi Khoje Hatimare Mae Jiu 103:13

God na jateula tahati te kokhonidi thudara eghu e kokhoni ghita tahati naikno te ghatho tahuni mana na.

Nodi Khoje Hatimare Mae Jiu 94:12

Lord God, mae ihei te tusu lao iagho nou cheke na tagna nei farirhiuni nou famane farirhiu iagho re tagna teuna, mana keli tagna fara.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Nodi Khoje Hatimare Mae Jiu 78:38

Neuba mare ne eghu ngau, God na kokhoni nognadi fara, aonu mana ne hata koko nakhibodire ne theome paradi. Kmana fata mana diꞌatagna ka mare, nu mana loku fapulo diꞌatagna na.

Nodi Khoje Hatimare Mae Jiu 37:37

Filo tutu laoni sagho mae te keli nei doglo teu puhigna ana. Mana au blagna nogna kolho baludi keha naiknore. Vikegna mana re ginauna au fabrahu tifa tifa.

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Thoutonu Eigna Mae Job 1:2

Mana au fitu thugna nalhaꞌu nei thilo thugna gaꞌase.

Nehemaea 9:17

Mare tirodi fanomho ka iagho, eghuteuna mare ghatho ihodi kofubobhoi teke edi iagho ka mare ra. Mare patugama fara, eghuteuna mare figri tagru nigho, gognarona mare vahini kaisei mae mala batudi ke figri mala naikno sneka Ijep. Nu iagho God tarabana mala hata koko nakhibodi naiknore. Leuleghu fata na iagho kokhonidi naiknore, eghuteuna iagho keli fara ka mare. Iagho theome tangomana te ghosei te diꞌatamu na, eghuteuna leuleghu fata na iagho namhadi nei ghatho tahudi eghu fara naiknore. Mare eni kaisei mumuju sua buluka nalhaꞌugna, ne cheke eghu, ‘Ghotilo maemi Israel ra! Igne noda god tahati na, mae ihei teke batu fajifla ghita Ijep!’ Eghuteuna mare edi thua nafnata glepo te diꞌa te mala goigoni nigho. Nu neuba ngau, iagho theome tei kokodi mare.

Fapea Kronikols 30:9

Jame teke pulo mei ghotilo ka Lord, eghuteuna iheire teke hata kherada tahati ra teke tei au ka keha kantri delei ra, mare ginauna nake kokhonidi nake snakre fapulo meidi. Lord nomi God ghotilo igne thofno keli fara, eghuteuna mana tangomana te kokhonidi naiknore. Eghuteuna jame teke pulo mei ghotilo ka mana na, mana ginauna kelitagna fara ka ghotilo te au balugna mana na.”

Profet Daniel 9:9

Neuba ghehati ne theome keli ranghi nigho iagho, iagho kokhoni ghami ghehati fabrahu kolho, nei hata fadelei nakhibomi ghehati re.

Nodi Khoje Hatimare Mae Jiu 145:8

Lord na thofno keli fara, nei kokhoni ghita eghu. Mana theome ghosei diꞌatagna, naugna nogna namha mana ranghi ghita tahati na thono biꞌo fara.

Nodi Khoje Hatimare Mae Jiu 51:1

God, kokhoni ghau iara, eigna nou namha nei nou lolokeli teu iagho ranghidi naiknore thofno biꞌo fara. Hata fadeleidi sagho puhigu iara te diꞌa gre.

Nehemaea 9:31

Nu nou lolokeli iagho ranghidi naiknore thono biꞌo fara, eghume iagho theome figri tagrudi nei theome snakredihi te mala goigonidi re. God, leuleghu fata na iagho kokhonidi naiknore, nei iagho magnahaghedi fara mare!

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Jemes 1:2

Kheraguro, kate au teu ghotilo ka nauthoglu gne, ghotilo na thafodi kmana nafnata puhi biꞌo. Nu kate mei nafnata puhi biꞌo igre ka ghotilo na, ghotilo gleale'a.

Ululahu Pita 3:14

Nu jame keha naiknore para ghami ghotilo eigna te eni ghotilo unha te doglo na, keli fara, ghotilo keli tami kolho. Eghume ghotilo thosei mhaghudi naikno te para ghami re nei thosei nanga nomi fara eghu ka mare.

Luku 11:10

Naugna ihei te tore glepo ka God na, God ginauna na tusu ranghini mana, eghuteuna ihei te mei te hiro glepo ka God na, mana ginauna na ludeni, nei ihei te kikidi ka nogna grengatha God na, God ginauna na tora ranghini mana.