Jemes 4:9 - Buka Blahi Ka Cheke Holo

⁹ Ghotilo theome nabami te maꞌe nei gleale'a teuna, nu ghotilo nabami na au diꞌanagnafa nei tanhi eghu, naugna ghotilo au nakhibo biꞌo fara.

Jemes 4:9 ပူးပေါင်းရင်းမြစ်များ

Matiu 5:4

Keli tadi iheire te au diꞌanagnafa, mare ginauna nake gleꞌau. Naugna God ginauna fameomegodi.

Proveb 14:13

Neubane maꞌe tahati, diꞌanagnafa na theome tei koko ghita na. Nu kate gnafa gleale'a na, diꞌanagnafa na theome gnafa.

Luku 6:25

Puhi biꞌo ka ghotilo naikno te boho nomi gognaro gre! Naugna ghotilo ginauna nake rofou! Eghuteuna puhi biꞌo ka ghotilo te maꞌe gognaro gre! Naugna ghotilo ginauna nake tanhi biꞌo nei diꞌanagnafa eghu!

Nodi Khoje Hatimare Mae Jiu 119:67

Kani theome para ghau iara nga teku iagho na, iara neke leghuni nabrou te jafra na, nu gognaro na, iara thofno leghuni chekemu iagho te tutuani na.

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Profet Esikiel 7:16

Eghuteuna iheire te karha nga teure, ginauna rikha tei holo ka thogele ro, eghuteuna mare ginauna tanhi jateula balhu te tanhi ka gloha ra eghu ka diꞌanagnafa edi nakhibodi re.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Thoutonu Eigna Mae Job 30:31

Gognarona, iara nomhidi koje ghita diꞌanagnafa, eghuteuna kate ifu mare phoposa na fanomhodi re jateula te tanhi eghu kolho.”

Luku 6:21

Ghotilo te rofo gognaro ra, ghotilo tangomana te gleale'a na. Naugna ghotilo ginauna nake bohou. Ghotilo te tanhi gognaro ra, ghotilo tangomana te gleale'a na. Naugna ghotilo ginauna nake maꞌeu.

Lamentations 5:15

Ghehati theome tangomana te glealeꞌa na. Tifa na ghehati neke tangomana te ragi nei glealeꞌa teuna, nu gognarona ghehati au diꞌanagnafa nei tanhi eghu kolho.

Profet Jeremaea 31:13

Ka narane igne, goro gaꞌase majaghani re ginauna ragi balu gleale'a, eghuteuna mae majaghani nei mae biꞌo teure ginauna jaola loku fodu mala ragi nei gleale'a eghu baludi. Iara ginauna fameomego nagnafadi mala theome diꞌanagnafa, nu mala gleale'a nodi fabrahu kolho mare eghu.

Profet Jeremaea 31:9

Ka narane te atha fajifladi iara re, naikno igre ginauna tanhi nei tarai eghu ka iara nake pulo mei. Iara ginauna na baubatudi mei ka vido te au khoꞌu te keli, eghuteuna iara ginauna atha meidi ka nabrou te doglo mala theome uka mare. Iara ginauna eni igne, naugna iara jateula kmadi eghu vikegna Israel, eghuteuna vikegna Israel igne jateula thugu nalhaꞌu teke kulu karha ra eghu iara.

Eklesiasti 2:2

Thono fameomekro kolho jame te fiti maꞌe leuleghu narane na. Eghuteuna unha te gleale'ani naikno igne, glepo tuana ginauna theome toghoni nakarhagna mana na.

Nodi Khoje Hatimare Mae Jiu 119:71

Thofno keli fara teke au papara iara na, mala lasedi iara nou vetula iagho re.

Nodi Khoje Hatimare Mae Jiu 119:136

Kate filodi iara naikno te theome leghudi nou famane farirhiu iagho re, iara ne diꞌa nagnafagu fara ne tanhi.

Nehemaea 8:9

Kate nomhidi naiknore cheke ka Vetula na igre, mare diꞌanagnafa ne tanhi fabiꞌo. Nu iara mae Nehemaea gavana gna Juda balugna Pris Esra nei mae Livaet mae iheire te toghodi naiknore te mala laseni Vetula igne, ghehati ne cheke eghu ka naiknore, “Narane igne blahi fara ka Lord noda God. Eghume ghotilo thosei diꞌanagnafa nei tanhi eghu.”

Matiu 21:41

Hatimare mae pris nei hatimare mae biꞌo teure ne cheke eghu ka mana, “Mana na kafe falelehe naikno te diꞌa tuare. Eghuteuna mana na snakre lao ka keha mae delei nagare tuana. Mare ginauna na tusu fapulo ka mana unha teke nabagna mana ka narane te ghanogna nagare tuana.”