Jemes 4:3 - Buka Blahi Ka Cheke Holo

³ Nu kate tore ghotilo ka God na, mana na theome tusu ari ka ghotilo. Naugna gaoghathogna te tore ghotilo na thono jafra fara. Ghotilo khogla toreni kolho glepo te mala eni ghotilo puhi te diꞌa te magnahagheni themi na.

Jemes 4:3 ပူးပေါင်းရင်းမြစ်များ

Ululahu Jone 5:14

Tahati thofno laseni igne, mana ginauna na nomhi ghita kate toreni tahati unha te leghuni gaoghathogna.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.

Jemes 4:1

Kheraguro, naugna unha site magra koba ghotilo fari themi gnea? Ghotilo magra koba fari themi naugna nafnata gaoghatho te magnahaghei glepo malami themi kolho igne site biꞌo ka nagnafami ghotilo grea.

Profet Maeka 3:4

Eghuteuna ghotilo mae lidami Israel ginauna tanhi ka Lord mala togho ghami, nu mana theome cheke tughu ghami ghotilo. Eghuteuna mana ginauna theome nomhidi nomi tharai ghotilo re, naugna ghotilo ne leghudi kolho puhi te diꞌa re!

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Proveb 21:13

Jame te theome fanomho iagho ka naikno te kumare, ginauna na theo kaisei naikno nate fanomho la ka iagho na.

Thoutonu Eigna Mae Job 35:12

Naugna naikno te diꞌa re fahaehaghe fara, God theome cheke tughu ka mare.

Profet Sekaraea 7:13

“Kate eha iara ka mare na, mare tirodi fanomho. Aonu kate eha mei mare ka iara na, iara jaola tirogu fanomho ka mare.

Luku 15:13

“Theome kmana narane ke leghugna igne, mae ke iko na ne boiboli ne tei ka namono delei. Jare mana ne chochoghei fahui gobigna lepo teke khotodi mana re ka puhi te theo nafugna.

Nonomho Te Keli Teke Risoi Mae Mak 10:38

Mae Jisas ne cheke eghu ka phiamare, “Glepo te toreni ghopa ka iara igne, ghopa theome laseniu gaoghathogna na. Ba, ghopa tangomana te au papara ka nafnata nate au papara iara igne?”

Matiu 20:22

Mana ne cheke eghu ka retilo, “Ghotilo theome laseni unha te toreni ka iara na. Ba tangomana ngau si ghopa te au papara ka nafnata nate au papara iara gnea?” Phiamare ne cheke eghu ka mana, “Uve, ghepa tangomana.”

Profet Jeremaea 11:14

“Jeremaea, iagho thosei taraidi naikno igre, eghuteuna iagho thosei tanhi mei ka iara ka nanghadi mare. Iagho thosei tore ghau iara mala toghodi mare, naugna iara ginauna na theome fanomho ka narane te eha mei mare ka vido te thoke mei ka mare puhi biꞌo igne.

Proveb 21:27

God na tirognani nogna fafara mae te diꞌa na. Mana tirognani tulao jame te eni mana kate au mei gaoghatho te diꞌa na.

Proveb 1:28

“Ka narane igne ghotilo ginauna kilo ghau iara mala togho ghami, nu iara ginauna na theome mei. Eghuteuna ghotilo ginauna fariuriu mala deni ghau iara, nu ghotilo ginauna theome filo ghau iara.

Profet Jeremaea 14:12

Neuba mare ne dangna gano ne theome ghamu fagaglanagna nodi diꞌanagnafa na, eghuteuna neuba mare ne tanhi mei ka iara mala toghodi neu, nu iara ginauna na theome fanomho ka mare. Eghuteuna jame te gahu fafara mare te tusu mei wit te keli ka iara na, iara ginauna theome gleale'adi naikno igre. Iara ginauna kurudi mae naokare mala mei aknu falehedi, eghuteuna grofo nei fogra biꞌo eghu ginauna thokedi mare.”

Nodi Khoje Hatimare Mae Jiu 18:41

Mare neke eha naikno mala mei toghodi neku, nu theo kaisei naikno te mei fakarhidire. Mare neke tanhi ka God, nu God neke tirogna nomhidi mare.

Profet Jeremaea 11:11

Aonu Lord ne cheke eghu, iara ginauna na goigonidi mare, eghuteuna theo kaisei naikno ka ghotilo nate rikhani puhi biꞌo igne. Neuba mare ne tanhi ka iara, iara na theome fanomho ka mare.

Luku 15:30

Nu mae thumu iagho igne neke falulhuvu fateo nou sileni iagho re ka naikno vine. Kate ke pulo mei mana ka suga na iagho ke falelehe buluka te blokha malagna mana.’

Ululahu Kings 3:11

Aonu God ne cheke eghu ka mana, “Iara keli tagu fara ka iagho, naugna iagho theome toreni nakarha brahu na, ba dedei na, ba te mala falehedi iara nou naokare. Nu iagho toreni kolho gaoghatho te keli na mala tangomana iagho te funei frunidi naiknore ka puhi te doglo.

Luku 11:10

Naugna ihei te tore glepo ka God na, God ginauna na tusu ranghini mana, eghuteuna ihei te mei te hiro glepo ka God na, mana ginauna na ludeni, nei ihei te kikidi ka nogna grengatha God na, God ginauna na tora ranghini mana.