Jemes 4:15 - Buka Blahi Ka Cheke Holo

¹⁵ Eghume ghotilo jame khogla cheke eghu kolho, “Jame magnahagheni God na, tahati ginauna na karha fabrahu mala eni glepo igne.”

Jemes 4:15 ပူးပေါင်းရင်းမြစ်များ

Proveb 19:21

Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Hibru 6:3

Theo, tahati ginauna na farirhiu glepo te majaghani gognaro gre naba te lasedi goro mae biꞌo, eghu te thofno snakreni God te mala eni tahati na.

Lamentations 3:37

Ba, ihei tangomana te eni kaisei glepo jame te theome snakreni Lord na? Thono theo fara!

Mae Khuru 18:21

Nu kate namo jifla te tei na, mae Pol ne cheke eghu ka mare, “Jame te nogna gaoghatho God na, iara ginauna nake pulo mei mala ke filo ghami ghotilo.” Aonu mana saghe ka vaka ne jifla kokoni Efesus.

Letas Teke Riso Tei Mae Pol Ka Khiloau Rom 1:10

Tutuani, leuleghu fata kate tarai na iara jaola toreni God mala tothora nabrou ranghi ghau te mala ari filo ghami ghotilo jare na. Te leghuni gaoghathogna God na, leghu lahu na iara ginauna na tangomana te ari posa ka ghotilo na.

Ululahu Korin 16:7

Iara theome magnahaghei te filo ghami gognaro na naugna iara au katha vido kmoꞌei kolho. Gaoghathogu na iara magnahaghei te ari au faraugha balumi ghotilo, eghu jame te snakre ghau Lord na.

Letas Teke Riso Tei Mae Pol Ka Khiloau Rom 15:32

Eghuteuna jame te magnahagheni God na, iara ginauna ari filo ghami. Tutuani fara, iara ginauna gleale'a fara te filo ghami nei gnafa fakeli nogu balumi ghotilo.

Ululahu Korin 4:19

Nu jame te magnahaghei ghau iara God na, iara ginauna theome raugha ari ka ghotilo. Eghuteuna ka narane tuana iara ginauna na nomhidi nodi cheke fahaehaghe mae te fahaehaghe tuare, nu jaola iara ginauna ari filoni unha nafnata nolaghi te au ka mare na.

Jemes 4:16

Nu ghotilo fahaehaghe fara eidi unha edi ghotilo glepo igre. Te eni tahati nafnata cheke tuana eigna noda gloku nathuꞌu na thono jafra fara.