Jemes 4:13 - Buka Blahi Ka Cheke Holo

¹³ Fanomho fakeli ghotilo ia. Thosei cheke eghu koba, “Gognaro ba nathuꞌu tahati na tei ka kaisei namono biꞌo mala au jare kaisei finogha. Eghuteuna tahati ginauna na loku heta mala hata sileni biꞌo.”

Jemes 4:13 ပူးပေါင်းရင်းမြစ်များ

Proveb 27:1

Iagho thosei cheke fahaehagheni unha nate eni iagho nathuꞌu na, iagho theome laseni unha nate thoke mei ginauna.

Eklesiasti 2:1

Iara cheke eghu ka nagnafagu thegu na, “Iara ginauna fariu riudi gobigna lepo te keli igre mala laseni unha nate glealeꞌani iara na.” Nu puhi igne jaola theo nafugna kolho.

Profet Esikiel 7:12

La thoke mei narane ia, narane te mala paradi iara naikno te gnafare la meihi! Naikno te sabiri glepo ba naikno te foli glepo teu igre ginauna na theome glealeꞌa ba diꞌanagnafa kolho ka glepo te edi mare re.

Profet Isaia 24:2

Ka narane igne, naiknore ginauna kafe au papara. Neubane mae pris ba mae kolho, phiamare mala kafe au papara. Neubane mae funei ba mae gloku kolho, phiamare mala kafe au papara. Neubane nakrupe ba gaꞌase gloku kolho, repa mala kafe au papara. Neubane mae mala maket ba mae mala foli, phiamare mala kafe au papara. Neubane mae mala tore kaoni ba mae mala snakreni kaoni na, phiamare mala kafe au papara. Neubane mae dedei ba mae kuma, phiamare mala kafe au papara.

Jemes 5:1

Fanomho fakeli ghotilo naikno te dedei ra. Gognaro na ghotilo tanhi nei diꞌanagnafa eghu naugna God ginauna na fate ghami ghotilo eidi glepo diꞌa te eidi ghotilo are.

Ululahu Korin 7:30

Eghuteuna iheire te diꞌanagnafa ka nauthoglu igne ra, mala au jateula iheire te gleale'a fara ra eghu. Iheire te gleale'a fara ra, mala au jateula ihei te diꞌanagnafa eghu. Eghuteuna iheire te dedei ka nauthoglu igne ra, mare mala au jateula ihei te kuma eghu eigna iheire te dedei ka nauthoglu igne ra mare na theome edi glepo igre tifa tifa. Tutuani, tahati te gnafa na mala snagla gaoghathodare mala loku ranghini Lord. Naugna nauthoglu te filoni tahati gognaro gne, la namo sala'u arihi.

Profet Isaia 5:5

Iara ginauna chekeni ka ghotilo unha nate eni iara ka nagare igne. Iara ginauna paꞌe soru bara igne mala mei naikno nei buluka eghu mala tapla ke kligna gna.

Jenesis 11:7

Mei ghopa mala soru goigonini tatilo nodi cheke mare igne, mala fari ihoi mare kate cheke fari thedi na.”