Jemes 3:18 - Buka Blahi Ka Cheke Holo

¹⁸ Mae ihei te au nogna gaoghatho te keli na mana tangomana te fadoglidi phei mae te magra farihoteidi thedi na. Eghuteuna mae igne ne doglo ke ulugna God, naugna mana ne toghodi phei mae igre mala au fakeli. Igne jateula kaisei mae te hata gano ka nagare ia eghu naugna tifeiro na mana neke joꞌu sisi.

Jemes 3:18 ပူးပေါင်းရင်းမြစ်များ

Matiu 5:9

Keli tadi iheire te loku eigna na au muana ke lamnadi iheire te magra. Naugna God ginauna kilodi goro thugna.

Profet Hosia 10:12

Iara cheke ka ghotilo naiknomi Israel nei Juda mala lilisei ghotilo puhi te diꞌa te edi ghotilore. Eghuteuna ghotilo mala ke leghuni puhi te doglo na mala tarai tutuani ka iara jateula mae ihei te loku ka nagare majaghani te joꞌu gano te karha nei ure teu ra eghu. Gognarogne nomi narane ghotilo mala ke pulo mei ka iara nomi Lord nei nomi God eghuteuna mana ginauna fablahi ghami.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Galesia 6:8

Mae ihei te joꞌu ranghini thegna puhi te diꞌa na, puhi glehe nate jifla mei ka tuana ginauna. Nu mae ihei te joꞌu puhi te keli, te keli tagna mae Tharunga te Blahi na, u karha fei tifa na ginauna jifla mei ka unha teke joꞌu mana tuana.

Proveb 11:30

Puhigna mae te keli na, fakakhana nakarha te keli na. Eghuteuna ihei te autagna gaoghatho te keli na, toghodi keha naiknore mala athini karha na.

Hibru 12:11

Ka narane te para ghita God na, tahati theome gleale'a nu tahati kabru gheda fara. Eghuteuna, ke leghugna igne, kate gnafa farirhiu ghita God ka puhi igne na, tahati ginauna na au ka pharikeli nei au doglo ke ulugna mana eghu.

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Jemes 1:20

Naugna ihei te diꞌatagna na, mana theome tangomana te eni unha te doglo ke ulugna God na.

Jone 4:36

Eghuteuna mae ihei te atha gano na mana atha nogna taba eigna nogna gloku na, u gano te salo fodu naiknore igre nate athani mare u karha fei tifa na. Eghume, mae ihei teke joꞌu na, nei mae ihei teke pulei na eghu phiamare na kafe gleale'a fodu.

Profet Emos 6:12

Hose na theome tangomana te chari ke kligna phegu, eghuteuna naikno na theome tangomana te joꞌu gano lamna thongna. Nu ghotilo tughu puhi te doglo na ka puhi fameomekro, eghuteuna tughu puhi te famane na mala ke jaola ke tughu ka glepo te raha mala ke diꞌa fara salaꞌui.

Proveb 11:28

Ihei te rouronu kolho ka sileni na, mana ginauna gnhagha jateula buburu eghu. Nu nakarhagna ihei te doglo na ginauna jateula khakla gaju te karha keligna ia eghu.

Nodi Khoje Hatimare Mae Jiu 92:14

Neuba mare ne kueku'ehi, mare ginauna heta fabrahu jateula gaju gna tifa te maku karha te ure teura eghu.