Jemes 2:9 - Buka Blahi Ka Cheke Holo

⁹ Nu te vahini kolho ghotilo mae ihei te magnahaghei themi, naugna ne mae biꞌo mana teuna, ghotilo thono jafra fara ngala. Naugna ghotilo ne theome leghuni nogna vetula God te thono ulu fara na.

Jemes 2:9 ပူးပေါင်းရင်းမြစ်များ

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Jone 8:9

Kate nomhini nogna cheke mae Jisas igne, mae biꞌodi mae Jiure ne megei nga ne sopa thei. Hatimare mae biꞌo kulu tei, eghuteuna, mae majaghani re leghu lahu. Kate kafe tei te gnafa mare na, thegna gaꞌase na ngala kegra teu balugna mae Jisas na.

Ululahu Jone 3:4

Ihei te tapla jafra ka nakhibo na, mana huhughuni fara nogna vetula God na, naugna nakhibo na huhughuni vetula na.

Letas Teke Riso Tei Mae Pol Ka Khiloau Rom 3:20

Theo kaisei naikno te doglo ka tathagna God na, jame te leghuni kolho mana vetula na. Naugna vetula na mala falalase kolho nakhibodare.

Jone 16:8

Eghuteuna, kate mei mae mala totogho na, mana ginauna falalase fakeli ka naiknogna nauthoglu igne eigna nakhibo, eigna ihei te doglo ke ulugna God na, nei eigna ihei God nate fateni na.

Jone 8:46

Ba mae ihei ka ghotilo te filo ghau iara te eni unha glepo te diꞌa na? Te chekeni iara tutuani na, naugna unha me theome fatutuanidi ghotilo unha te chekedi iara re?

Letas Teke Rioriso Mae Jud 1:15

Mana ginauna fatedi naikno diꞌa te gnafa ka nauthoglu gne, eghuteuna paradi fara naikno te theome leghuni mana re, naugna mare ne edi glepo te diꞌare nei cheke fadiꞌani mana.”

Galesia 2:19

Nu iara tirogu leghuni vetula na naugna iara gognaro na thofno laseni vetula te theo kaisei nolaghi te mala fakarhi ghau iara ka nakhibo na. Eghume ka vetula na iara la lehehi.

Ululahu Korin 14:24

Nu jame mana mei kate toutonuni ghotilo chekegna God na, cheke igre ginauna toghoni mana mala filo glanidi nakhibognare. Cheke igre ginauna fateni mana,

Diutronomi 1:17

Eghuteuna kate fatedi naiknore, ghotilo fate ka puhi te doglo, thosei phile ka ihei nga. Neubane mae biꞌo ba fiti mae kolho, ghotilo thosei mhaghuni ihei, nu fatedi naiknore ka puhi te naba ka gaoghathogna God. Eghuteuna jame kaisei puhi biꞌo fara, te theome naba ghotilo te fadoglini na, ghotilo ginauna hata mei ka iara, eghuteuna iara ginauna fadoglini puhi tuana.”

Mae Khuru 10:34

Mae Pita ne funu cheke eghu, “Tutuani fara kheraguro, gognaro na iara thofno laseni igne, God na theome tangomana te kafe pileni ihei na naugna naikno te gnafare kafe nanaba ngala ka God.