Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jemes 2:23 - Buka Blahi Ka Cheke Holo

23 Eghuteuna igne ne horoghoto ka grioriso te blahi ia, “Mae Ebraham neke fatutuani ni God. Naugna igne God ne cheke eghu, ‘Mae Ebraham gne kaisei mae doglo fara ke ulugu iara.’ ” Naugna igne God kiloni mae Ebraham kheragna thegna.

အခန်းကိုကြည့်ပါ။ ကော်ပီ




Jemes 2:23
22 ပူးပေါင်းရင်းမြစ်များ  

Mae Ebram ne fatutuani ni nogna cheke Lord na, eghuteuna Lord ne kiloni mana kaisei mae te doglo ke ulugna mana.


“Nu ghotilo naiknomi Israel, teke karha mei ka vikegna mae kheragu iara mae Ebraham. Iara neke vahi ghami ghotilo mala thofno nogu naikno gloku iara.


Nomi God, iagho neke khi fajifladi naikno teke kulu au ka namono igne, eghuteuna iagho neke snakre lao namono igne ka kuꞌemi ghehati ra mala au fabrahu tagna. Naikno tura vikegna Ebraham kheramu iagho ia.


U grioriso te blahi na cheke eghu eigna mae Ebraham, “Mana neke fatutuani ni God. Naugna igne God ne cheke eghu, ‘Mae Ebraham gne kaisei mae doglo fara ke ulugu iara.’ ”


Lord ne cheke balugna Moses jateula kaisei mae te cheke teu balugna mae kheragna ra neu. Leuleghu fata kate cheke te gnafa phia mare na, Moses figri ke pulo ka nodi vidore. Nu Josua mae majaghani thugna Nun igne, mana tangomana te toghoni Moses, mana au fabrahu kolho lamna ka suga tapuale ikoi igne.


God theome tangomana te susukudi nogna naikno teke kulu vavahi mana tifa re. Ghotilo lasenihi thoutonu eigna mae Elija ka grioriso te blahi ia, eigna mana neke susukudi naiknodi Israel re neke cheke faheta eghu ka God,


Nu igne theome tutuani, naugna u grioriso te blahi na cheke eghu, “U gaoghatho te mala eni nafnata puhi te diꞌa na funei frunidi naikno te gnafa ka nauthoglu igne.” Naugna igne tahati naikno te fatutuani ni mae Jisas Kraes ra ngala te tangomana hatini unha teke nhaꞌa chekeni God ka naikno te fatutuani re.


Mae te lase ghau iara igne tangomana te cheke ka God eigna nogu puhi biꞌo iara na, jateula mae te tore glepo malagna mae kheragna ra eghu.”


Naugna kau grioriso te blahi na God neke cheke eghu ka mae Fero, “Iara vahi nigho iagho mala King, naugna iara magnahaghei te falalase ka iagho nogu nolaghi na mala lase ghau naikno te gnafa ka nauthoglu igne.”


Mae Jisas ne cheke eghu ka naiknore, “Gognarogne, grioriso te blahi te iu'ijuni iara te nomhini ghotilo igne la thofno horoghoto fara.”


Jaola hatimare ne tupijuru balugna mae Jisas phia mae teke blau. Kaisei mae fei nhetagna nei kehana fei mairigna.


Ghotilo neke iu'ijunihi grioriso te blahi te cheke eghu ia: “ ‘U thina teke tirodini mae iheire te horo suga na, kela kegra haghe kaisei thina ulu fara ka suga na.


Glepo igre tutuani fara, naugna grioriso te blahi na cheke eghu, “Iara vavahi kaisei thina te keli fara mala fakegra hagheni jateula kaisei thina te ulu tulao ka Sugablahi Jerusalem. Eghuteuna ihei te fatutuani ni mana na, mana ginauna theome mamaja.”


Grioriso te blahi te gnafa igre, God neke cheke ka naiknore mala rioriso leghuni nogna gaoghatho thegna na. Grioriso te blahi igre thofno keli fara mala farirhiu ghita unha te tutuani nei mala filo glanidi unha te jafra ka nakarhada, nei fadogli ghita nei farirhiu ghita mala eni koba unha te doglo ke ulugna God.


“Uve, kheraguro, u cheke teke chekeni mae Tharunga te Blahi ka mae Devet eigna mae Judas tifa ia la horoghotohi gognaro na. Naugna mae Judas gne neke baubatudi mae iheire teke tei lokini mae Jisas ia.


Eghume, ghotilo la lasenihi igne. Mae ihei te doglo ke ulugna God na, mana doglo ka glepo te keli te edi mana re. Igne u fagaglana gna nogna fatutuani mana na. Nogna fatutuani kolho mana na theome nabagna, naugna theo kaisei fagaglana te mala fatutuani ni na.


Mae Asaraea thugna mae Natan, mana mae biꞌodi hatimare mae funei ka provins. Mae Sabud thugna mae Natan, mana mae pris mala tufa gaoghatho ka king.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ