Jemes 2:20 - Buka Blahi Ka Cheke Holo

²⁰ Ghotilo thono iho fara! Te fatutuani ni kolho ghotilo God nu theome eni ghotilo kaisei glepo te keli ranghini ihei teuna, u nafnata fatutuani tuana theome tutuani kolho.

Jemes 2:20 ပူးပေါင်းရင်းမြစ်များ

Jemes 2:26

Eghume, mae ihei te khogla cheke eghu kolho mana fatutuani ni God teu nu theome eni kaisei glepo te keli ranghini kheragna fofodu na teuna, nogna fatutuani mana tuana theome tutuani kolho. Khogla jateula thini naikno te theome phaphanga tela lehehi ia eghu.

Jemes 2:17

Jateula tuana eghu mae ihei te chekeni kolho ne fatutuani ni God teu nu theome toghoni kheragna fofodu na teuna. Nogna fatutuani mana tuana theome tutuani nei theome mala fakarhini mana eghu.

Proveb 12:11

Mae ihei te loku heta ka nagare na, mana ginauna au ghegna kmana gano. Nu mae te theome gaoghatho fakeli na, mana ginauna na fiti loku heta ka thua nafnata gloku nate theome toghoni mana na.

Letas Teke Riso Tei Mae Pol Ka Khiloau Rom 1:21

Mare lasenihi God, nu mare theome ghatho tahuni nei theome cheke fakelini eghu mana. Unha teke ghathodi mare re theo nafudi kolho, eghuteuna nagnafadire thofno jafra fara.

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Taetus 1:10

Iara magnahaghe nigho te vahidi keha mae mala baubatu, naugna gognaro na kmana mae velepuhi chaichaghi au jare ka moumolu Krit. Mae velepuhi chaichaghi igre mare theome magnahaghei te leghuni chekegna ihei na, nu hatimare edi kmana thoutonu chaichaghi te theo nafudi kolho igre ranghidi naiknore. Kmana mae ka hatimare mae velepuhi igre mare au ka tothoghei mae te magnahaghedi naikno khiloau re te mala leghudi nodi vetula mae Jiu re.

Ululahu Timoti 1:6

Nu keha naiknore la tei snivihi ka glepo igre nei chekedi koba glepo te theo nafudire.

Kolose 2:8

Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Profet Jeremaea 2:5

Lord ne cheke eghu, “Unha neku iara ka kuꞌemi ghotilo tifa ra site tei koko ghau iara ghotilo gnea? Mare neke tarai ka mumuju god te theo nakarha tadi. Eghuteuna mare jateula mumuju god teke sari thedi tura neku neke jaola neke theo nafudi kolho.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Letas Teke Riso Tei Mae Pol Ka Khiloau Rom 3:28

Tahati lasenihi God na fadogli ghita ke ulugna thegna, naugna tahati ne fatutuani, theome eigna te leghuni tahati nogna vetula mae Moses na.

Letas Teke Riso Tei Mae Pol Ka Khiloau Rom 9:20

Nu nogu cheke tughu iara na, iagho ihei sia te mala cheke fapulo ka God na? Iagho naikno kolho! Gaoghathogu iara na igne. Tapera teke hohoro mare ka glose na theome tangomana teke cheke eghu fapulo ka mae ihei teke hohorogna na, “Naugna unha sagho teke hohoro eghu ghau iara gnea?”