Jemes 2:19 - Buka Blahi Ka Cheke Holo

¹⁹ Nu te laseni iara na, keha naikno ka ghotilo cheke eghu koba, “Ghehati fatutuani ni kaisei God ngala.” Nu te chekeni iara na, naiture jaola fatutuani ni kaisei God. Nu fatutuani igne theome mala fakarhidi mare. Eghuteuna kate nomhini mare nanghagna God na, mare thono mhaghu nodi fara.

Jemes 2:19 ပူးပေါင်းရင်းမြစ်များ

Luku 4:34

“Sei! Ghema Jisas gna Nasaret! Mala faꞌunha ghami ghehati sagho ia? Iagho jau mala mei fadiꞌa ghami ghehati neku sini! Iara lase nighohi, iagho thofno mae blahi nogna God!”

Nonomho Te Keli Teke Risoi Mae Mak 1:24

“Jisas, mae gna Nasaret, mala faꞌunha ghami ghehati neku sagho ia? Iagho jau mala mei fadiꞌa ghami ghehati neku sini! Iara lase nighohi iagho thofno mae blahi nogna God!”

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Mae Khuru 16:17

Gaꞌase igne mei ke leghumi ghehati nei mae Pol. Naꞌa ne cheke eghu fabiꞌo, “Mae igre, mare nogna mae gloku God te au kligna! Mare toutonuni ka ghotilo nogna puhi God te mala fakarhi ghami ghotilo na!”

Diutronomi 6:4

“Fanomho, Israel! Lord noda God tahati na, mana kaisei God kolho te mala tarai nei pogho soruni teu tahati na.

Galesia 3:20

Eghume mae Moses tangomana te hata cheke fari hoteigna God nei naikno. Nu God thegna ngala teke eni nhaꞌa cheke balugna mae Ebraham. Eghuteuna tahati laseni u nhaꞌa cheke teke eni God ka mae Ebraham na glepo ke biꞌo fara uluni u vetula teke tusu lao ka mae Moses ia.

Profet Isaia 44:8

Ghotilo nogu naikno iara ra, ghotilo thosei mhaghu nei nanga nomi eghu! Iara neke toutonuhi ka ghotilo gobigna lepo nate thakle mei ginau re. Ghotilo mala toutonudi glepo te chekedi iara igre. Ba? Kaisei god au aheva nga te jateula iara teuna? Iara theome laseni. Kaisei iara ngala te jateula nomi thina rheta mala poru teu ghotilo na.”

Mae Khuru 19:15

Nu naitu na ne cheke eghu ka mare, “Iara laseni mae Jisas, nei iara jaola lasenila eigna mae Pol. Nu ghotilo mae iheire eghu sia?”

Nonomho Te Keli Teke Risoi Mae Mak 5:7

Eghuteuna mae Jisas ne cheke eghu, “Iagho naitu, jifla mei ka mana!” Aonu, mana ne eha eghu fabiꞌo, “Jisas, Thugna God ka maloa kligna! Iagho ginauna na faꞌunha ghau iara sia? Ka nanghagna God iara tore mala thosei para ghau iara!”

Profet Sekaraea 14:9

Lord ginauna King ka nauthoglu igne. Ka narane tuana, Lord ngala God na, eghuteuna naikno te gnafa heva te heva ka nauthoglu igne ginauna pogho soru ka mana kolho.

Profet Isaia 46:9

Ghotilo ghathodi glepo teke edi tifa ra. Eghuteuna te mala laseni ghotilo na, kaisei iara ngala God na, theo kaisei god ahevanga te jateula iara teuna.

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Profet Isaia 43:10

Igne chekegna Lord. Mana neke cheke eghu, “Ghotilo maemi Israel ra mala toutonu eigu iara! Iara neke vahi ghami ghotilo mala nogu naikno gloku iara, eghuteuna ghotilo ginauna mala lase ghau nei fatutuani ghau eghu iara. Eghuteuna ghotilo ginauna thofno laseni te iara ngala God na. Theo kaisei god aheva nga teke kulu au teke karha nga iara na. Eghuteuna ke leghu na ginauna na jaola theo kaisei god na teke hata sapegu iara na.

Ululahu Timoti 2:5

Eigna jare na kaisei God ngala. Eghuteuna kaisei nabrou ngala te tangomana naiknore te tei thoke ka God na. U nabrou tuana ka mae Jisas Kraes, mae ihei jaola te kaisei naikno.

Nonomho Te Keli Teke Risoi Mae Mak 12:29

Mae Jisas ne cheke eghu ka mana, “Uve, vetula te biꞌo lahu na igne, ‘Ghotilo naiknomi Israel ra, ghotilo famane fanomho fakeli. Lord noda God na mana kaisei Lord kolho.

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Profet Isaia 45:6

Eghume, naikno te gnafa ka nauthoglu igne, funu ke maghati tei posa ke mosu na mare ginauna laseni te kaisei iara ngala God na.

Letas Teke Riso Tei Mae Pol Ka Khiloau Rom 3:30

naugna God na kaisei ngala. Eghuteuna mana ginauna kafe toghodi gnafa iheire te fatutuani ni Kraes, neubane mae Jiu ba theome Jiu, mala doglo ke ulugna mana.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Letas Teke Rioriso Mae Jud 1:6

Eghuteuna ghotilo ke ghatho fapulo dila hatimare mae engel. God neke tusu ranghidi nolaghi biꞌo. Nu keha ka mare theome magnahagheni nolaghi igne ne rikhani nodi famane namono nafnakno na. Aonu God ne reridi ka chen te maku ne koko laodi ka namono te romno fara na. Mare na ofou ka namono tuana ghilei thokeni narane biꞌo te mala fatedire.

Jemes 2:8

Tahati la iu'ijunihi u vetula te thono ulu fara ka grioriso te blahi na igne, “Namhani kheramu fofodu na jateula iagho te namha nigho themu eghu.” Te eni ghotilo igne na, ghotilo thono doglo fara, naugna ghotilo ne leghuni unha te chekeni ka nogna vetula God na.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.

Nonomho Te Keli Teke Risoi Mae Mak 7:9

Aonu mae Jisas ne cheke eghu, “Ghotilo laseni fara puhi te mala tuthughu nogna vetula God na, mala leghudi kolho nomi puhi farirhiu themire.

Mae Khuru 24:25

Nu mae Filiks ne mhaghu nogna fara kate chekeni mae Pol eigna nakarha te doglo, nei puhi te mala reireghi fakelini nakarhada na, nei narane God nate fatedi naikno te gnafare. Aonu mae Filiks ne cheke eghu ka mae Pol, “Ghema, la kelihi, tei silagho. Jame au vido te snagla meuna, iara ginauna nake kilo nigho iagho.”

Profet Jona 4:4

Lord ne cheke eghu, “Jona, theome keli te diꞌatamu iagho na.”

Profet Jona 4:9

Lord ne cheke eghu ka mana, “Ba, doglou kolho te diꞌatamu iagho eigna gaju vaen igne na?” Mae Jona ne cheke eghu, “Uve, doglou kolho te diꞌatagu iara na, eghume iara magnahaghei lehe nogu kolho!”