Jemes 2:14 - Buka Blahi Ka Cheke Holo

¹⁴ Kheraguro, theome keli kaisei mae te cheke eghu kolho na, “Iara fatutuani ni God” teu, nu theome eni kolho mana kaisei glepo te keli teu te mala fagaglana gna nogna fatutuani na. Nafnata fatutuani tuana theome mala fakarhini mana.

Jemes 2:14 ပူးပေါင်းရင်းမြစ်များ

Luku 6:49

Nu mae ihei te nomhidi chekegu iara re, nu theome leghudi teuna, mana jateula ngau kaisei mae te theome dokha te tei pari fara te babana nogna suga na ia eghu. Aonu kate soru nakhete na eghuteuna mei neu nabritha na ka suga tuana, suga tuana na ghosei grofo. Eghuteuna suga tuana ginauna phaꞌe dofini kolho.”

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Fapea Pita 1:5

Naugna ka gaoghatho igne, ghotilo hati nhetami na mala loku famaku ka fatutuani igne, eghuteuna fariuriu hata puhi te keli nei glalase te keli.

Jemes 2:26

Eghume, mae ihei te khogla cheke eghu kolho mana fatutuani ni God teu nu theome eni kaisei glepo te keli ranghini kheragna fofodu na teuna, nogna fatutuani mana tuana theome tutuani kolho. Khogla jateula thini naikno te theome phaphanga tela lehehi ia eghu.

Hibru 11:17

Mae Ebraham neke fatutuani ni God. Naugna igne mana neke snakreni thofno thugna kaisei ngala mae Isak mala fafara ka God kate fariuriuni mana. Neuba tifa na God neke nhaꞌa cheke eghu ka mae Ebraham, “Vikemu iagho na ginauna fufunu ka mae Isak,” mae Ebraham neke tarabana mala fafara mae thugna Isak.

Hibru 13:9

Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Jemes 2:18

Nu jame kaisei mae ka ghotilo cheke eghu, “Tahati naikno khiloau gre, kehare mala fatutuani ni God kolho, eghuteuna kehare mala toghodi keha naiknore eghu.” Te chekeni iara na, jame kaisei mae cheke eghu mana kaisei mae fatutuani nu mana theome edi gloku te mala toghodi keha naiknore teuna, mae tuana theome fatutuani ni God kolho. Mae ihei te thofno fatutuani ni God na, mana theome khogla cheke eghu kolho, nu mana edila unha te kelire mala toghodi keha naiknore.

Mae Khuru 8:21

Iagho theome tangomana te loku balumi ghehati ka nogna gloku God gne, naugna nagnafamu iagho na theome doglo ke ulugna God.

Matiu 5:20

Te chekeni iara ka ghotilo gognaro na, te jateula nakarhadi hatimare mae velepuhigna vetula nogna mae Moses nei hatimare mae Farasi teu ghotilo te theome keli na, ghotilo ginauna theome nabami te ruma ka naikno te funei frunidi God re.”

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Ululahu Timoti 1:5

Jame te leghuni mare nogu cheke iara na, mare ginauna namhadi keha naiknore. U namha igne neke jifla mei ka nagnafa te thofno gae nei ka gaoghatho te doglo nei ka thofno fatutuani.

Ululahu Tesalonika 1:3

Ghehati cheke fakelini God Kmada eidi gloku te keli teke edi ghotilo naugna nomi fatutuani nei namha. Ghehati jaola cheke fakelini God eigna ghotilo te kegra maku fabrahu ka nomi grouronu ka noda Lord Jisas Kraes.

Galesia 5:13

Uve kheraguro, God neke kilo ghami ghotilo mala au snagla! Theome snagla mala eni ghotilo kaisei najafra, nu snagla mala namha nei fari totoghoi eghu.

Ululahu Korin 15:2

Eghuteuna God ginauna fakarhi ghami ghotilo ka Nonomho te Keli igne. Nu ghotilo mala loku famaku ka cheke teke toutonu ranghi ghami iara igne, na eghunu fiti fatutuani kolho ghotilo eghu.

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Jemes 2:16

Eghuteuna kaisei mae ka ghotilo na cheke eghu ka mana, “Kubae ghema! God fablahi nigho. Tei sagho mala hiro gheu gano nei nou pohe eghu themu mala totoku branau.” Nu ghotilo theome toghoni kolho mana kaisei glepo! Ba, unha eghu ghotilo gaoghathomi na, chekemi ghotilo re ngala nate toghoni mana re? Theo!

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Mae Khuru 8:13

Mae Simon thegna na jaola ne fatutuani ne apublahi. Mana ne au fanamo fara rhegna mae Filip. Kate filodi mana u kofubobhoi nei glepo te nolaghi fara teu te edi mae Filip gre, mae Simon ne thono jaglo nogna fara.

Profet Jeremaea 7:8

Ghotilo fatutuanidi cheke te chaichaghi fara igre. Nu cheke te theo nafudi igre theome mala togho ghami ghotilo.

Ululahu Korin 16:22

Jame ihei te theome namhani Lord na, iara magnahagheni mae tuana ginauna mala fnota fabrahu ka God tifa tifa. Nomi Lord, mei iagho!

Letas Teke Riso Tei Mae Pol Ka Khiloau Rom 2:25

Jame te leghuni ghotilo unha te chekeni ka vetula na igre, nomi puhi ghotilo te tohi fagaglana te mala laseni te nogna naikno God na thofno au gaoghatho te keli tagna. Nu jame te huhughuni ghotilo u vetula na, nafnata puhi te tohi fagaglana igne theo kaisei gaoghatho te keli kolho tagna.

Luku 3:11

Mana ne cheke eghu ka mare, “Mae ihei ka ghotilo te au phei nogna phoko na tufa kehana ka mae ihei te theo kaisei nogna na. Mae ihei te au ghegna gano na tufa ka mae te theo kaisei ghegna gano na eghu.”

Jemes 1:16

Uve kheraguro, eghume thosei batu fadelei ghami.