Jemes 2:13 - Buka Blahi Ka Cheke Holo

¹³ Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Jemes 2:13 ပူးပေါင်းရင်းမြစ်များ

Matiu 5:7

Keli tadi iheire te namhadi nei lolokelidi teu keha naiknore. Naugna God ginauna jaola nake namhadi nei lolokelidi eghu mare.

Matiu 6:15

Te theome hata fadelei ghotilo najafradi keha naiknore, mae Kmami ghotilo te au kligna na ginauna jaola theome hata fadeleidi najafra teke edi ghotilo re.”

Proveb 21:13

Jame te theome fanomho iagho ka naikno te kumare, ginauna na theo kaisei naikno nate fanomho la ka iagho na.

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Nodi Khoje Hatimare Mae Jiu 18:25

God, ihei te au balumu fabrahu, iagho na au balugna mana fabrahu. Ihei te eni puhi te doglo na iagho tabani mana ka puhi te doglo.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Nodi Khoje Hatimare Mae Jiu 85:10

God namhadi fabrahu nogna naiknore, naugna igne mare mala fatutuani nei leghuni eghu God. Uve, iheire te doglo puhidire God ginau tusu ranghidi u pharikeli.

Profet Jeremaea 9:24

Nu jame ihei te magnahaghei fahaehaghe na, mana fahaehagheni kolho te lase ghau iara Lord. Iara na namhadi fabrahu naikno te au ka nauthoglu igne, nei eni ranghidi fabrahu puhi te doglo na. Igre unha te magnahaghedi iara re.”

Jajis 1:7

Mana ne cheke eghu, “Tifa na, iara neke jaola neke kusu koko geghesu biꞌo khamedi fitusalei king, eghuteuna mare au fadiꞌa jateula khuma te ghamu phike gano ke parigna nogu tevo iara na ia eghu. Gognarona God kela tughu fapulo unha teke eni iara ka mare na.” Mare atha ne teini mana Jerusalem, aonu ke leghu, mana ne lehe jare.

Profet Esikiel 33:11

Iagho cheke eghu ka naiknodi Israel: Ghotilo naiknomi Israel. Iara cheke fadoglo ari ka ghotilo ka nanghagna nogu Lord God mae ihei te karha te tifa: Iara theome gleꞌa te filodi naikno te diꞌa igre te lehe ka nakhibodi re. Iara magnahaghei te filodi mare teke tughu nagnafa nei koko nakhibo eghu, mala hatini mare thofno nakarha na. Ghotilo naiknomi Israel, fanomho. Ghotilo figri tagru ka puhi te diꞌa te edi ghotilo are mala ke pulo mei ka iara! Naugna unha si ghotilo te magnahaghei lehe gnea?

Jenesis 42:21

Kate tarabana teu mala ke pulo ka namono di na teu igne, mare ne cheke eghu fari thedi, “Tahati gne kabru eidi unha najafra teke edi theda ranghini mae thabusida igne. Tahati neke filoni mana teke tanhi nei eha neku ka tahati mala toghoni teku, nu tahati neke tiroda fanomho ka mana neku. Naugna igne tahati gognaro na kabru tughudi unha teke edi tahati ka mana ra eghu.”

Jemes 5:4

Fanomho mei ka iara ghotilo ia! Igne keha fagaglana eigna puhi te salo fodu sileni ghotilo malami themi kolho na. Ghotilo chaghidi nei theome tabadi eghu kolho nomi mae glokure. Eghuteuna God mae ihei te nolaghi na ngala te nomhidi nodi natanhi nei diꞌanagnafa teu nomi mae gloku ghotilo re.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Profet Isaia 27:11

Kate kafe lehe te khoko soru pari gregedi gaju igre na, goro gaꞌasere ginauna mei uge mala nodi gaju. Lord neke toghodi naikno te au ka namono igne, nu naugna mare ne theome filo glanini mana, mana ginauna na theome kokhonidi nei keli ranghidi eghu mare.

Fapea Kronikols 28:11

Gognarona ghotilo fanomho mei ka iara! Lord na diꞌatagnahi ka ghotilo! Ghotilo ke kuru fapulodi kherami teke hata teke mei ghotilo are.”

Proveb 22:16

Kaisei mae chaghini mae te kuma na mala tangomana mana te dedei na, eghuteuna keha mae na tufa namha ka mae te dedei na, phei mae igre ginauna na kafe kuma.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Jajis 5:27

Sisera ne khoko soru pari rhegna ghahegna gaꞌase igne, eghuteuna mana ne lehe ka vido aheva teke khoko soru mana na.