Jemes 1:26 - Buka Blahi Ka Cheke Holo

²⁶ Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Jemes 1:26 ပူးပေါင်းရင်းမြစ်များ

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.

Nodi Khoje Hatimare Mae Jiu 141:3

Lord God, fadoglidi nogu cheke fateote'o gre.

Ululahu Pita 3:10

Eigna te chekeni ka grioriso te blahi na, cheke eghu, “Ihei te magnahagheni nakarha te keli nei magnahaghei gleale'a leghu narane teuna, mana thosei cheke diꞌa nei thosei chekeni kaisei chaichaghi eghu.

Efesus 5:4

Jaola, theome keli te nomhidi ka ghotilo te chekedi u nafnata cheke te diꞌa ba cheke glalama ba nafnata cheke muamugna te thona. Glepo igre theome doglo te edi ghotilo re. Nu te keli na ghotilo mala cheke fakelini God.

Proveb 19:1

Mae te kuma, nu doglo nakarhagna na teuna, mana thofno keli fara uluni mae te fameomekro na balugna nogna cheke te diꞌa na.

Nodi Khoje Hatimare Mae Jiu 34:13

mana thosei cheke diꞌa nei chaichaghi eghu.

Proveb 10:31

Nogna cheke naikno te doglo na mana chekeni gaoghatho te keli na. Nu mare ginauna korho fajifla glapi gna naikno te chaichaghi na.

Proveb 10:19

Naikno te khuru cheke na, ginauna edi kmana cheke fadiꞌa. Nu naikno te theome khuru cheke na, autagna gaoghatho te keli.

Kolose 4:6

Leuleghu fata na nomi chekere mala keli nei doglo eghu fabrahu te mala toghodi keha naiknore. Eghuteuna God ginauna togho ghami ghotilo te mala tangomana te cheke tughu ka puhi te doglo ka naikno te gnafare.

Jemes 1:22

Ghotilo mala leghuni koba u chekegna God na. Eghuteuna te cheke eghu ghotilo na, “Ghehati la nomhinihi chekegna God na” teu ghotilo, nu tiromi leghuni unha te chekeni mana na teuna, ghotilo chaghi ghami kolho themi.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Proveb 16:25

Keha mae jau ghathoni nabrou te leghuni mare igne thofno keli kolho eghu. Nu theo eghu. Nabrou te leghuni mare igne mala tei ka glehe.

Luku 8:18

Naugna te eghu tuana me, ghotilo faghano fanomho fakeli ka cheke igre. Naugna mae ihei te au nogna glepo na, God ginauna nake tusu ranghini mana keha glepoi. Nu mae ihei te theo nogna glepo na, neubane katha ikoi kolho te au ka mana na, God ginauna nake hata fadelei ka mana.”

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.

Proveb 14:12

Keha naiknore te ghathoni na, mare ne thofno leghuni nabrou te doglo na eghu. Nu theo eghu, nabrou te leghuni mare igne mala lehe.

Diutronomi 11:16

“Nu filo fakeli ghami eghu, glahu chaghi ghami keha mae mala figri tagruni Lord, eghuteuna loku ranghidi nei pogho sorudi eghu keha god delei.

Galesia 2:6

Iara theome nanga noguni nafnata mae biꞌo te baubatu ka khiloau na, naugna ka God na naikno te gnafare kaisei nanaba ngala. Nu mae biꞌo ka khiloau te ghatho tahudi fara naikno igre, mare theome cheke ka iara mala eni kaisei glepo te nhogri.

Nonomho Te Keli Teke Risoi Mae Mak 7:7

Pogho soru te edi mare ka iara igre theo nafudi, naugna mare farirhiudi naiknore mala leghudi kolho nodi vetula teke hohoro haghe thedire.’ ”

Profet Isaia 44:20

Nu neuba, mae igne theome laseni unha te eni na. Eghuteuna gaoghatho te jafra na batu fadiꞌani mana. Mana jateula mae te ghamu nakrofu ra eghu kolho. Mana theome tangomana te fakarhini thegna na, ba te cheke eghu na, “Mumuju te hata iara igne theome god tutuani, kaisei vido gaju kolho!”

Proveb 21:26

Mae te thodo na ghaoghatho fabrahu mala hata thua nafnata glepo. Nu mae te doglo na magnahaghei tufa kmana glepo ka keha naiknore.

Ululahu Korin 15:2

Eghuteuna God ginauna fakarhi ghami ghotilo ka Nonomho te Keli igne. Nu ghotilo mala loku famaku ka cheke teke toutonu ranghi ghami iara igne, na eghunu fiti fatutuani kolho ghotilo eghu.

Matiu 15:9

Pogho soru te edi mare ka iara igre theo nafudi, naugna mare farirhiudi naiknore mala leghudi kolho nodi vetula teke horo haghe thedire.’ ”

Profet Malakai 3:14

“Ghotilo neke cheke eghu, ‘Tahati tore koba ka God eghuteuna God na theome togho ghita tahati, eghume mala unha site leghuni tahati chekegna mana gnea? Ka tathagna Lord mae ihei te au nolaghi fateoteꞌo igne diꞌanagnafa eidi nakhibodare, nu mana theome togho ghita ngala eghu. Eghume diꞌanagnafa te edi tahati igre theo nafudi kolho.

Profet Isaia 1:13

Iara theome magnahaghedi fafara te famei fabrahu ghotilo ka iara igre. Kate gnanghodi iara nomi insens ghotilo igre, iara thono rogu luꞌadi fara. Eghume, naugna te edi fabrahu ghotilo puhi te diꞌa igre, iara jaola theome magnahaghei te filodi Gaghamu Khafa, nei Narane Sabat nei keha narane teu te khapru te faidu ghotilo are.

Ululahu Korin 15:15

Eghuteuna keha glepo na teuna ghehati jame jaola chaghi kolho eigna God, kate chekeni ghehati God neke fakarha fapuloni Kraes ka glehe teuna. Naugna ghehati thofno toutonu eigna mana teke fakarha fapuloni kau glehe na. Eghume jame te theome karha fapulo naiknore ka glehe na, faꞌunha eghu tangomana God teke fakarha fapuloni Kraes kau glehe?!

Proveb 16:10

Nogna cheke mae te mala baubatu na, au tagna nolaghi. Eghume mana mala cheke fadoglo kolho.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Nodi Khoje Hatimare Mae Jiu 32:9

Iagho thosei jateula hose ghe dongki eghu, eigna phei glepo igre theo kaisei glalase tadi. Eghume tahati mala lilisei phukri ka foflodire mala bligi te sagheleghudire. Te theome eghu tahati na, repa na theome leghuni unha te magnahaghei tahati na.”

Jemes 2:20

Ghotilo thono iho fara! Te fatutuani ni kolho ghotilo God nu theome eni ghotilo kaisei glepo te keli ranghini ihei teuna, u nafnata fatutuani tuana theome tutuani kolho.

Galesia 3:4

Kmana glepo la lasedihi ghotilo ka nakarhamire. Ba, fiti glepo kolho? Iara theome fatutuani ni tuana.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Ululahu Korin 3:18

Thosei chaghi ghami themi. Jame kaisei mae ke lamnami ghotilo te magnahaghei lalase fara ka nafnata glalase gna nauthoglu igne na, nabagna na mana mala jateula te meomekro eghu ka puhigna nauthoglu igne mala tangomana mana teke lalase fara na.

Thoutonu Eigna Mae Job 15:13

Eigna tuana iagho te diꞌatamu ka God na, eghuteuna iagho chekedi kmana cheke te diꞌa ranghini mana.

Thoutonu Eigna Mae Job 30:11

God faglaꞌe ghau iara nei para ghau iara, eghume mare eni kolho unha glepo te mala nenei ghau iara na.