Jemes 1:19 - Buka Blahi Ka Cheke Holo

¹⁹ Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Jemes 1:19 ပူးပေါင်းရင်းမြစ်များ

Proveb 17:27

Mae te theome raꞌe cheke na, mana autagna gaoghatho te keli na. Mae te au kmu kolho na, mana lalase.

Proveb 21:23

Ihei te ghaoghatho fakeli ka nogna cheke na barani thegna ka puhi biꞌo.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Proveb 10:19

Naikno te khuru cheke na, ginauna edi kmana cheke fadiꞌa. Nu naikno te theome khuru cheke na, autagna gaoghatho te keli.

Proveb 18:13

Mae te theome fanomho fakeli te cheke tughu na, mana ginauna fameomekro na mamaja nogna.

Proveb 13:3

Mae te ghaoghatho te cheke nga na, mana ginauna na karha. Nu mae te theome ghaoghatho te cheke nga na, mana ginauna lehe.

Proveb 16:32

Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Efesus 4:26

Ne diꞌa tamu nganu, thosei snakreni diꞌa tamu na mala eni kaisei najafra. Thosei diꞌatami fabrahu ghilei plulu naprai na.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Kolose 3:8

Nu gognaro na ghotilo mala nhaꞌa fadelei puhi te diꞌa igre: diꞌatami, magnahaghei eni puhi te diꞌa ranghini ihei, cheke faparini ihei, cheke diꞌa,

Efesus 4:31

Lilisei puhi te gnafa te poru ka nagnafamire te mala fari fadiadiꞌai; thosei cheke diꞌa ba diꞌatami; thosei fnaja fabiꞌo; thosei vuavuha cheke; thosei majora.

Proveb 18:21

Glapi na tangomana te falehe nigho ba fakarhi nigho. Nu jame te reireghi fakelini iagho glapimu na, iagho ginauna na theome lehe.

Kolose 3:15

Eghuteuna snakreni nogna pharikeli Kraes na mala saghe leghudi gaoghathomire. Naugna God neke kilo ghami ghotilo mala au fodu jateula kaisei thini eghu ngala, nei u pharikeli igne tangomana te au balumi ghotilo. Eghuteuna leuleghu fata na ghotilo mala cheke fakelini God.

Proveb 19:11

Mae te autagna gaoghatho te keli na, mana theome tangomana te ghosei te diꞌatagna na. Eghuteuna mana theome ghathoni najafra teke eni keha mae na ranghini mana na.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Proveb 25:28

Iagho theome tangomana te saghe leghu nigho themu kate diꞌatamu na, te eghu iagho na, iagho jateula kaisei namono te theome bara te ligoho ka thina ia eghu.

Proveb 14:17

Mae te ghosei te diꞌatagna na, mana tangomana te eni puhi te fameomekro na. Eghuteuna naiknore tirodini mae te ghaoghaho eigna puhi te diꞌa na.

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Ululahu Tesalonika 2:13

Eghuteuna ghehati jaola cheke fakelini God leghu narane, kate hatini ghotilo chekegna God te nomhini ka ghehati. Naugna ghotilo theome hatini jateula nogna cheke naikno kolho eghu, nu thofno chekegna God. Eghuteuna thofno chekegna God igne loku ke lamnami ghotilo iheire te fatutuani.

Nehemaea 9:17

Mare tirodi fanomho ka iagho, eghuteuna mare ghatho ihodi kofubobhoi teke edi iagho ka mare ra. Mare patugama fara, eghuteuna mare figri tagru nigho, gognarona mare vahini kaisei mae mala batudi ke figri mala naikno sneka Ijep. Nu iagho God tarabana mala hata koko nakhibodi naiknore. Leuleghu fata na iagho kokhonidi naiknore, eghuteuna iagho keli fara ka mare. Iagho theome tangomana te ghosei te diꞌatamu na, eghuteuna leuleghu fata na iagho namhadi nei ghatho tahudi eghu fara naiknore. Mare eni kaisei mumuju sua buluka nalhaꞌugna, ne cheke eghu, ‘Ghotilo maemi Israel ra! Igne noda god tahati na, mae ihei teke batu fajifla ghita Ijep!’ Eghuteuna mare edi thua nafnata glepo te diꞌa te mala goigoni nigho. Nu neuba ngau, iagho theome tei kokodi mare.

Mae Khuru 17:11

Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

Luku 19:48

Nu naiknore ne magnahaghei fanomho ka mana ne keli tadi ka gobigna lepo te chekedi mana re. Aonu mae pris ulu nei mae velepuhigna vetula nogna mae Moses, nei mae mala baubatu eghure ne theome filoni kaisei nabrou te mala faleheni mana na.

Nonomho Te Keli Teke Risoi Mae Mak 2:2

Aonu kmana naikno ne khapru mei ka suga na, theo kaisei vido te snagla. Naiknore fodu funu ka grengatha na posa kosi. Eghuteuna kate toutonu mae Jisas chekegna God na ka naiknore,

Proveb 19:19

Mae te ghosei te diꞌatagna na, mana ginauna au ka puhi biꞌo fabrahu. Jame te ghosei te fadoglini iagho puhi biꞌo igne na, iagho ginauna eni fabrahu igne.

Mae Khuru 10:33

Aonu iara ghosei ne kuru aridi keha mae ka iagho, eghume thofno keli fara te mei iagho agne na. Filo sagho, gognaro ghehati te gnafa na kafe kegra ofou agne ke ulugna God, magnahaghei fara te nomhini unha teke chekeni God ka iagho te mala cheke ranghi ghami ghehati na!”

Mae Khuru 2:42

Eghuteuna naikno igre ne keli tadi fara ne fanomho fabrahu ka nodi farirhiu hatimare mae khuru, nei mala toghodi mare ka nodi tothoghei thedi na, nei ghamu fodu, nei tarai fodu.

Luku 15:1

Kaisei fata, kmana mae te diꞌa mala salo takis, nei keha mae te diꞌa eghu ne khapru mei mala fanomho ka mae Jisas.

Nehemaea 9:3

Kate kegra teu ka vido igne, mare iuꞌiju ka buka nogna Vetula nodi Lord God na nabagna thilo aoa, aonu mare cheke thakledi nakhibodi re eghuteuna tarai ka nodi Lord God keha thilo aoa re.

Ululahu Jone 2:21

Iara theome riso ari ka ghotilo naugna ne theome laseni cheke te tutuani na. Theo. Iara riso ari ka ghotilo naugna ghotilo lasenihi cheke te tutuani na, eghuteuna ghotilo lasedihi chaichaghi ghe tutuani gre theome tei fodu.

Mae Khuru 13:48

Kate nomhini te cheke eghu mae Pol na, naikno te theome Jiure ne thofno gleale'a fara. Mare ne cheke fakelini Lord eigna nogna famane nonomho te keli igne. Eghuteuna iheire God teke vahidi te mala hatini u karha fei tifa igne ne fatutuani ni mae Jisas.

Nonomho Te Keli Teke Risoi Mae Mak 12:37

Mae Devet thegna neke kiloni mae Mesia gne nogna mae funei thegna. Nu mae Mesia na jaola vikegna mae Devet. Faꞌunha me kafe tutuani eghu si phei glepo igrea?” Naikno te nomhidi nogna cheke mae Jisas igre ne thono keli tadi fara.

Nehemaea 8:18

Eghuteuna leuleghu narane, funu ka narane gaghamu ululahu te posa ka narane leghu lahu na, mae Esra ne iuꞌiju ka nogna Vetula God. Naiknore ne eni nakhapru biꞌo igne nabagna fitu narane, eghuteuna ka fahana narane na, mare khapru ne tarai leghuni unha te chekeni ka Vetula na.

Naba 22:27

Kate filoni dongki gne nogna engel Lord na, naꞌa ne thuru soru pari. Nu mae Balam ne diꞌatagna fara ka dongki na ne puri ka nogna khodo thegna na.

Proveb 29:20

Jame te filoni iagho mae ihei te cheke faghoeghose kolho na, mae te fameomekro na au nogna groronu te mala atha gaoghatho te keli uluni nafnata mae igne.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Jemes 1:2

Kheraguro, kate au teu ghotilo ka nauthoglu gne, ghotilo na thafodi kmana nafnata puhi biꞌo. Nu kate mei nafnata puhi biꞌo igre ka ghotilo na, ghotilo gleale'a.

Jemes 1:16

Uve kheraguro, eghume thosei batu fadelei ghami.

Jemes 2:1

Kheraguro, thosei vahini kolho mae ihei te magnahagheni themu na, naugna ghotilo fatutuani ni noda Lord Jisas Kraes, mae ihei te fnakno fabrahu kligna.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Jemes 3:10

Tore! Cheke te keli nei tibri teu gre kafe jifla mei ngala ka kaisei foflo kolho. Kheraguro, igne thono jafra fara.

Jemes 4:11

Kheraguro, thosei cheke fadiꞌani ihei, naugna mae ihei te cheke fadiꞌani mae kheragna fofodu na, mana jaola cheke fadiꞌani nogna vetula God na. Eghuteuna mae ihei te fateni mae kheragna fofodu na nei nhaꞌa faparini mana teuna, mana nhaꞌa fapari nila nogna vetula God na. Te eghu ghotilo na, ghotilo theome leghuni nogna vetula God na, nu ghotilo nhaꞌa fahaghe ghami themi ke kligna gna u vetula na.

Jemes 5:12

Kheraguro, kaisei glepo biꞌo te mala laseni ghotilo na igne. Ne nhaꞌa cheke nganu, ghotilo thosei baubahu lao ka kaisei glepo kligna ba pari ba unha langau. Chekeni ngala, “Uve, tutuani fara” ba chekeni ngala, “Theo, theome tutuani.” Te theome eni ghotilo igne na, God ginauna na fate ghami ghotilo.

Jemes 5:19

Kheraguro, mae ihei tela tei kokonihi thofno chekegna God na, ghotilo ke toghoni mana mala ke pulo mei.

Thoutonu Eigna Mae Job 32:16

Thilo mae igre theo kaisei glepo nate chekeni na, eghume iara theome tangomana te fiti kegra ofo teu kolho na.