Jemes 1:18 - Buka Blahi Ka Cheke Holo

¹⁸ Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Jemes 1:18 ပူးပေါင်းရင်းမြစ်များ

Ululahu Pita 1:23

Naugna chekegna God na neke togho ghami ghotilo fara mala ke karha majaghani ghotilo. Eghuteuna chekegna God igne theome tangomana te lehe na, nu karha fabrahu tifa tifa.

Jone 1:13

Naugna mare theome karha mei jateula sua te karha mei ka dadaradi idogna ghe kmagna ra eghu, nu thegna God ngala kmadi na.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Profet Jeremaea 2:3

Ka narane tura ghotilo naiknomi Israel gre neke nogu naikno blahi iara. Ghotilo neke jateula gano majaghani ka nagare ra neku neke fafara mei ka iara nakarhami na. Kate mei fariuriu goigoni ghami naiknore, iara neke kegra tughu ghami ghotilo neke goigonidi mare.” Igne nogu cheke iara Lord.

Efesus 1:12

Naugna igne, God neke vahi ghami ghehati mala fafnaknoni thegna ka iheire teke kulu fatutuani ni mae Kraes.

Ululahu Jone 3:9

Ihei te thugna God na mana theome tapla jafra fabrahu ka nakhibo, naugna God tusu ranghini mana nakarha majaghani. Eghume mana theome tangomana te tapla jafra fabrahu ka nakhibo na, naugna mana kaisei thugna God.

Hibru 12:23

Ghotilo mei mala salo fodu nei gleale'a eghu baludi bukrei naikno fatutuani gre. God ghatho tahudi jateula goro thugna teke karha ulu lahu. Nanghadire la riso soruhi ka buka kligna. Ghotilo mei ka God, mae ihei nate fatedi naikno te gnafare. Eghuteuna ghotilo mei ka naikno te keli tela lehehi nu iheire God teke faklinodi.

Jemes 1:21

Eghume, koko nafnata nakhibo nei puhi te diꞌa eghu te edi ghotilo are. Thosei fahaehaghe, nu nhaꞌa fapari ghami themi nei leghuni eghu nogna farirhiu God teke farirhiu ghotilo ia. Naugna farirhiu igne ngala tangomana te fakarhi ghami ghotilo na.

Ululahu Korin 4:15

Eigna neuba ne au nabotho thogha naikno ghotilo te mala farirhiu ghami puhigna Kraes na, kaisei mae ngala te jateula kmami teu ghotilo na. Tutuani, iara ngala te hata mei u Nonomho te Keli igne ka ghotilo mala jateula kmami eghu ghotilo ka mae Jisas Kraes.

Letas Teke Riso Tei Mae Pol Ka Khiloau Rom 4:17

Jateula te chekeni ka grioriso te blahi na, “Iara vahi nigho mala ku'edi vike te kmanare.” Eghume te laseni tahati na mae Ebraham gne thofno mae kuꞌeda tahati te fatutuani ni God. Tutuani fara, God na au nolaghi te mala tusu lao karha ka iheire tela lehehi nei au nolaghi te mala vavuha glepo te theome vavuha nga teu.

Profet Emos 6:1

Kokhoni ghami fara ghotilo naikno te au fakeli ka Thogele blahi Saion, nei naikno te au ka namono biꞌo Samaria. Te ghathoni ghotilo na, theo kaisei glepo nate goigoni ghami na eghu. Kokhoni ghami fara ghotilo mae funei te fnakno te au ka kantri Israel, eghuteuna naiknore mei hiro nodi thotogho ka ghotilo.

Levitikas 23:10

“Kate tei ghotilo te au ka glose nate tusu ari iara ka ghotilo na, ghotilo mala hata mei ka pris gano saro ulu teke hata ghotilo ka nomi nagare ra.

Fapea Korin 6:7

Ghehati tangomana te toutonuni u cheke te tutuani na, nei nogna nolaghi God na au ka ghehati. Ghehati tangomana te leghuni puhi te doglo ke ulugna God na, eigna tangomana te togho ghami ghehati te mala magrini mae naoka ka puhi te gnafa igre.

Efesus 1:13

Ghotilo jaola mala nogna naikno God kate nomhini thofno farirhiu te tutuani igne, u Nonomho te Keli eigna u thofno nakarha te malami ghotilo. Kate fatutuani ni ghotilo Kraes na, God neke tusu ranghi ghami mae Tharunga te Blahi teke nhaꞌa chekeni mana na, mala laseni ghotilo te nogna naikno mana re.

Fapea Timoti 2:15

Hati nhetamu na mala kaisei mae gloku keli, eghuteuna God ginauna keli tagna ka nou gloku iagho na. Iagho famane farirhiu thofno chekegna God na ka puhi te doglo mala theome mamaja nou ke ulugna mana.

Jemes 1:15

Eghuteuna gaoghatho te diꞌa na, kotu haghe ka nakhibo. Kate biꞌo haghegna nakhibo na jateula sisi eghu. Eghuteuna sisigna nakhibo na, u glehe ngala.

Jemes 3:14

Nu jame kaisei mae ne lalasehi eghu ka gaoghathogna thegna na, eghuteuna fodu ka puhi goghotu nei fangiringiri ka kheragna fofodure, ba ghathoni kolho thegna teuna, mana theome mae glalase, nu mana kaisei mae chaichaghi kolho.