Jemes 1:14 - Buka Blahi Ka Cheke Holo

¹⁴ God theome fariuriuni mana, nu mana thegna kolho te ghathodi nei magnahaghedi teu puhi te diꞌare. Kate ghathodi mana puhi te diꞌare, mana theome tangomana teke tughu nagnafa na.

Jemes 1:14 ပူးပေါင်းရင်းမြစ်များ

Efesus 4:22

Tutuani, ghehati neke farirhiu ghami ghotilo mala lilisei puhi te diꞌa gna tifa teke leghuni ghotilo ka nakarhamira. Naugna puhigna tifa igne fodu ka chaichaghi nei puhi diꞌa, eghuteuna puhigna tifa na tangomana te fadidiꞌa ghami fabrahu.

Matiu 15:18

Nu unha te chekeni mana ka foflogna na, jifla mei unha teke ghathoni mana ka nagnafagna na. Glepo igre te fathonani mana ke ulugna God na.

Hibru 3:13

Nu fari totoghoi leghu narane. Eni igne gognaro kani au nomi narane ngau ghotilo, mala theo kaisei naikno te dofu nei meglini eghu naoglagna God na ka nogna chaichaghi mae Satan, mae ihei te batudi nagnafada ka nakhibo.

Profet Isaia 44:20

Nu neuba, mae igne theome laseni unha te eni na. Eghuteuna gaoghatho te jafra na batu fadiꞌani mana. Mana jateula mae te ghamu nakrofu ra eghu kolho. Mana theome tangomana te fakarhini thegna na, ba te cheke eghu na, “Mumuju te hata iara igne theome god tutuani, kaisei vido gaju kolho!”

Letas Teke Riso Tei Mae Pol Ka Khiloau Rom 7:13

Ba, u vetula te keli igne site falehe ghau iara na ia? Theo fara! Nu iara neke lehe ke ulugna God, naugna iara neke leghuni u nabrou te jafra na. Neubane keli vetula na, puhigna nakhibo na salo fodu baludi vetula igre te mala kotu biꞌo ke lamnagu iara u gaoghatho te mala eni puhi nakhibo na. Ka puhi igne tahati filo glanini nakhibo na glepo diꞌa. Naugna u chekegna vetula na falalase puhigna nakhibo na thofno diꞌa fara kolho.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Matiu 5:28

Nu te chekeni iara ka ghotilo na, mae ihei te filo lao ka gaꞌase na eghuteuna magnahagheni naꞌa kau gaoghathogna na teuna, mana la enihi puhi te diꞌa na ka naꞌa.

Letas Teke Riso Tei Mae Pol Ka Khiloau Rom 7:11

Eghuteuna puhi nakhibo na neke filoni kaisei nabrou ka nagnafagu iara na ne hata keha cheke ka vetula na ne saosagro ghau iara nei falehe ghau iara neu.

Thoutonu Eigna Mae Job 31:27

Iara theome poru te mala kilo fnaknodi phei glepo igre. Eghuteuna iara theome gnangho ka khamegu na mala pogho sorudi phei glepo igre.

Thoutonu Eigna Mae Job 31:9

“Jame khaeni iara khetogna keha mae na, eghuteuna agra tei ka naꞌa,

Matiu 15:20

Igre glepo te fathonani naikno na ke ulugna God. Eghume nafnata kastom mala kulu titihi fakeli khame ame ghamu nga teu igne, theome tangomana te mala fathonani naikno na.”

Jenesis 6:5

Lord ne filodi puhidi naikno gna nauthoglu gne ne thono diꞌa fara. Eghuteuna mare ghathodi fabrahu kolho glepo te diꞌa re.

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Profet Hosia 13:9

“Ghotilo Israel. Iara ginauna roꞌe ghami ghotilo, naugna ghotilo ne figri tagru ghau iara mae ihei teke togho ghami ghotilo ia!

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Fapea Samuel 11:4

Ka narane igne, nhigra khafa, aonu naꞌa ne apu mala klino ke ulugna Lord. Naꞌa eni igne leghuni nogna vetula mae Moses. Mae Devet kurudi nogna mae glokure ne tei hatani Batseba. Aonu mare hata ne mei ka mae Devet gaꞌase igne, mae Devet ne thuru balugna Batseba. Ke leghugna te thuru balugna mae Devet na, Batseba neke pulo ka nogna suga na.

Matiu 4:1

Tharunga te Blahi na batuni mae Jisas ne tei ka namono nagou na mala mei mae Satan mala fariuriuni mala jafra mana.

Jemes 1:13

Eghuteuna kate thoke mei fariuriu igre ka ghotilo na, thosei ghathoni God neke edi fariuriu igre teuna. Naugna God theome tangomana te fariuriuni kaisei naikno te mala eni puhi te diꞌa na, nei theo kaisei glepo te diꞌa tangomana te fariuriu God te mala eni God puhi te diꞌa na.

Jemes 1:15

Eghuteuna gaoghatho te diꞌa na, kotu haghe ka nakhibo. Kate biꞌo haghegna nakhibo na jateula sisi eghu. Eghuteuna sisigna nakhibo na, u glehe ngala.