Jajis 9:53 - Buka Blahi Ka Cheke Holo

⁵³ Kaisei gaꞌase te au ke kligna suga igne hata kaisei thina biꞌo ne fada soru ka phaꞌugna Abimelek na ne phosa nhubra phaꞌu na.

Jajis 9:53 ပူးပေါင်းရင်းမြစ်များ

Fapea Samuel 11:21

Theome ghathoni si ghotilo teke lehe mae Abimelek, thugna mae Gidion tifa ia? Kaisei gaꞌase au neku kligna ka gringni thinagna namono biꞌo Tebes neke fada faleheni mana ka thina mala ei wit ia. Ba, naugna unha si ghotilo te tei namo fara ka gringni thinagna namono biꞌo na gnea?’ Glahu jame te cheke faheta eghu king ka iagho na. Iagho ginauna cheke eghu ka mana, ‘Nou soldia iagho mae Uraea ia jaola ne lehe.’ ”

Thoutonu Eigna Mae Job 31:3

Mana kuru mei puhi biꞌo mala thokedi naikno te diꞌa. Uve, mana ginauna mala goigonidi iheire te tapla jafra ka nakhibo.

Profet Jeremaea 50:45

Eghume, ghotilo fanomho fakeli ka unha te ghathoni Lord te mala eni ka namono biꞌo Babilon nei ka kantri Babilonia. Naoka na ginauna mei jateula lion te mei atha sua sipu te pala te tei ghamu ra eghu mei atha goro sua di Babilonia. Eghuteuna mare ginauna mei goigoni ni fara nodi namono mare na.

Profet Jeremaea 49:20

Ghotilo fanomho fakeli ka unha te ghathoni Lord nate eni ranghini Idom, nei ka namono biꞌo Teman. Naoka na ginauna mei jateula lion te mei lolhoku sipu ikoi na te pala te tei ghamu ia eghu. Eghuteuna mare ginauna korho fajifla goro suadi Idom, aonu mare ginauna goigonidi fara nodi namono re.

Jajis 9:20

Nu jame te theo ghotilo na, Abimelek ginauna jateula khaꞌaghi eghu nhako ghotilo mae iheire teke vahini mana te mala funei na, eghuteuna puhimi ghotilo naiknomi Sekem nei Bet-Milo teu igre ginauna na jateula khaꞌaghi eghu na jaola nhako Abimelek.”

Fapea Samuel 20:21

Theome tuana te magnahagheni iara na. Nu ghehati mei mala hata kaisei mae nanghagna na, mae Seba thugna mae Bikri. Mae igne maegna Efrem ka vido te kmana thogele. Mae igne magnahaghei te tapla faparini King Devet. Jame hata te mei ghotilo mae igne ka ghehati na, ghehati ginauna jifla ka nomi namono ghotilo igne.” Aonu naikno biꞌo igne ne cheke eghu, “Ghotilo ofou jare! Ghehati ginauna koko fakosi phaꞌu gna mae tuana ka ghotilo.”

Jajis 9:15

“Eghuteuna phono na ne cheke eghu ka gaju igre, ‘Jame te thofno magnahaghei ghau iara tutuani ghotilo te mala noda funei tahati na, ghotilo mei poru ka naungogu iara na. Nu jame te chaghi ghotilo na, khaꞌaghi kolho nate jifla mei te mala nhako fahui gaju te gnafa igre ghilei tei posa ka famane gajudi Lebanon.’ ”

Jajis 9:52

Aonu Abimelek balu nogna tothoghei na tei ne magra ka mare. Eghuteuna mae funei igne mana tei ne namo ka grengathagna suga mala toetoe igne, tarabana mala gnubra suga igne.

Jajis 4:9

Aonu Debora ne cheke eghu, “Uve, iara ginauna age balumi ghotilo. Nu neubane uluni iagho magra na, iagho ginauna theome hata fnakno ka magra tuana. Naugna Lord ginauna lisa laoni Sisera ka khamegna kaisei naikno biꞌo.” Aonu phiamare tei ne posa namono Kedes.