Jajis 9:5 - Buka Blahi Ka Cheke Holo

⁵ Abimelek ne tei ka nogna namono kmagna na Ofra. Eghuteuna ke kligna gna kaisei thina jare, mana ne aknu falehe fitusalei thabusigna mana, thugna mae Jerub-Baal. Ka narane tuana, Jotam thugna leghu lahu Jerub-Baal kolho te theome lehe na naugna mana ne poru.

Jajis 9:5 ပူးပေါင်းရင်းမြစ်များ

Fapea Kronikols 21:4

Kate tughuni mana mae kmagna na te funei fruni rheta mana Juda na, mana ne aknu falehe namno mae thabusigna thegnare, eghuteuna mana jaola ne aknu falehe keha mae biꞌodi Juda.

Jajis 6:24

Eghuteuna Gidion ne horo kaisei olta mala tarai ka Lord ka vido igne, eghuteuna mana ne kiloni vido igne “Lord neke tusu mei pharikeli.” Eghuteuna olta igne au ngala namono Ofra ka nodi glose vikegna Abiesa.

Matiu 2:20

ne cheke eghu ka mana, “Josep, dofra haghe! Hata sua ghe idognare, mala ke pulo ka namono Israel, naugna naikno teke magnahaghei faleheni mae sua na la kafe lehehi.”

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Fapea Kings 10:17

Kate thoke phiamare Samaria na, mae Jehu ne kafe aknu falehe ne gnafa vikegna mae King Ehab re, theo kaisei te karha na. Igne unha teke chekeni Lord ka mae Elija tifa ia.

Jajis 9:2

“Ghotilo tei cheke baludi goro mae biꞌodi Sekem ra. Ghotilo tei fariuriu ghusna eghu ka mare, ‘Ba, ghotilo gaoghathomi na keliu ngala fitusalei thugna Jerub-Baal igre te funei fruni ghami ghotilo na, ba te keli na kaisei kolho jateula iara eghu te mala nomi funei ghotilo na?’ Eghuteuna ghotilo jaola ghathoni iara gne thofno dadarami ghotilo.” Aonu mare tei ne cheke eigna glepo igne baludi naiknodi Sekem. Eghuteuna naiknodi Sekem igre ne kelitadi te mala leghuni mana na, naugna te chekeni mare na mana kaisei mae thabusidi mare kolho.

Jajis 8:30

Mana au fitusalei thugna naugna mana au kmana khetogna.

Jajis 9:6

Naiknodi Sekem igre nei naiknodi Bet-Milo igre ne kafe mei salofodu ka gaju blahi Sekem, eghuteuna mare ne vahini Abimelek mala nodi funei mare.

Jajis 9:18

Nu gognarona, ghotilo theome keli ranghini mana nei tharaknagna mana na. Ghotilo neke aknu falehe fitusalei thugna mana ra ke kligna kaisei thina, eghuteuna kaisei iara kolho teke rikha na. Filo si ghotilo! Abimelek igne thugna nogna gaꞌase gloku kmagu iara kolho, nu naugna mana kaisei kherami ghotilo, ghotilo vahini mana mala nomi funei ghotilo.

Fapea Kings 10:7

Kate filoni mae mala baubatu igre nogna fapea letas mae Jehu igne, mare ne kafe aknu falehe fitusalei mae igre, eghuteuna mare ne kusu koko phaꞌudi re. Eghuteuna mare hohono ka kharaꞌo phaꞌudi mae igre hata ne tei ka mae Jehu Jesrel.

Jajis 6:11

Kaisei narane, kaisei engel funugna Lord mei ne gnokro ke parigna kaisei gaju biꞌo ka vido te kiloni mare Ofra. Mae Joas gne maegna ka vido igne eghuteuna mana vikegna mae Abiesa eghuteuna mana reireghini gaju igne. Eghuteuna Gidion thugna mae Joas igne, mana fagagae khunedi sisi flaoa mala ghamu, nu mana edi poru ke lamnagna vido mala eni waen na. Mana eni igne mala theome tangomana maedi Midian igre te mei blau gano igre.

Ululahu Kings 1:12

Jame te magnahaghei fakarhini iagho nakarhamu na, nei nakarhagna thumu Solomon gne teuna,

Ululahu Kings 1:21

Jame te theome cheke iagho ka mare gognarogne na, kate lehe iagho na, mare ginauna filo ka ghepa Solomon na jateula naikno te diꞌa ra eghu kolho, eghuteuna mare ginauna falehe ghami ghepa.”

Fapea Kings 11:3

Mae Joas ne poru fabrahu neu ka Sugablahi na nabagna namno finogha ka narane te kuin Atalaea te funei fruni ni Juda.