Jajis 9:44 - Buka Blahi Ka Cheke Holo

⁴⁴ Nogna tothoghei funei igne chari ne tei ka grengathagna namono na, eghuteuna keha phei tothoghei igre magra ka naikno ka nagare na, eghuteuna mare aknu falehe ne gnafa naiknodi Sekem.

Jajis 9:44 ပူးပေါင်းရင်းမြစ်များ

Galesia 5:15

Nu jame diꞌatami fabrahu nei magra teu ghotilo fari themi na, fiofilo ghami, na eghunu roꞌe fahui ghami themi ghotilo ginauna eghu.

Jajis 9:20

Nu jame te theo ghotilo na, Abimelek ginauna jateula khaꞌaghi eghu nhako ghotilo mae iheire teke vahini mana te mala funei na, eghuteuna puhimi ghotilo naiknomi Sekem nei Bet-Milo teu igre ginauna na jateula khaꞌaghi eghu na jaola nhako Abimelek.”

Jajis 9:15

“Eghuteuna phono na ne cheke eghu ka gaju igre, ‘Jame te thofno magnahaghei ghau iara tutuani ghotilo te mala noda funei tahati na, ghotilo mei poru ka naungogu iara na. Nu jame te chaghi ghotilo na, khaꞌaghi kolho nate jifla mei te mala nhako fahui gaju te gnafa igre ghilei tei posa ka famane gajudi Lebanon.’ ”

Jajis 9:43

Aonu Abimelek ne tufa nogna armi na ka thilo tothoghei, eghuteuna mare tei ne poru ka nagare ofodi mare. Kate filodi naiknore te jifla mei ka grengathagna namono na, mare jifla ka vido mala poru na mala tei magra ka mare.

Jajis 9:45

Abimelek nei mae iheire te balugna mana igre ne magra ka naikno te au lamna ka namono igne kaisei narane thongana, ghilei kafe aknu falehe hui ne hata namono igne. Mare paꞌe soru namono igne ne koko sol ke kligna gna mala laseni naiknore te puhi biꞌo ginauna thokedi iheire te gnafa te au tagna na.