Jajis 9:43 - Buka Blahi Ka Cheke Holo

⁴³ Aonu Abimelek ne tufa nogna armi na ka thilo tothoghei, eghuteuna mare tei ne poru ka nagare ofodi mare. Kate filodi naiknore te jifla mei ka grengathagna namono na, mare jifla ka vido mala poru na mala tei magra ka mare.

Jajis 9:43 ပူးပေါင်းရင်းမြစ်များ

Jajis 9:42

Ka keha narane na, Abimelek ne nomhidi naiknodi Sekem neke funu tei ka nodi nagare re.

Jajis 9:44

Nogna tothoghei funei igne chari ne tei ka grengathagna namono na, eghuteuna keha phei tothoghei igre magra ka naikno ka nagare na, eghuteuna mare aknu falehe ne gnafa naiknodi Sekem.

Ululahu Samuel 11:11

Hamerane boibongi ka keha narane na, King Sol ne tufa nogna soldia re ka thilo tothoghei. Aonu mare kegra haghe hamerane boibongi chari ne tei ka nodi suga tapuale armigna Amon na ne aknu falehe ne gnafa soldia di Amon igre funu hamerane ne ghilei fari hotei aublatha. Jau phei ba thiloi kolho te rikha na.

Fapea Samuel 18:2

Aonu mana ne edi thilo tothoghei. Mana ne vahini mae Joab, mae Abisae thabusigna mana na, nei mae Itai maegna Gat mala baubatu ka thilo tothoghei igre. Aonu mana ne cheke eghu ka mare, “Iara ginauna tei magra ngala balumi ghotilo.”