Jajis 9:4 - Buka Blahi Ka Cheke Holo

⁴ Mare hata fitusalei silva seleni ka nogna Sugablahi god Baal-Beri igne ne tusu lao ka Abimelek. Aonu mana hata seleni igne ne foli ka keha mae te diꞌa mala mei loku fodu ka mana.

Jajis 9:4 ပူးပေါင်းရင်းမြစ်များ

Jajis 8:33

Ke leghugna te lehe Gidion na, naiknodi Israel igre ne figri tagruni God. Mare jateula gaꞌase te tei leghuni nalhaꞌu te theome khetogna naꞌa na neu ne leghuni god te chaichaghi na. Mare ne fakegra haghe mumujugna Baal ne tarai ka Baal-Beri nodi god mare.

Mae Khuru 17:5

Nu goro mae biꞌo Jiure mare ne goghotu fara naugna mare ne filodi kmana naikno ne leghuni mae Pol. Aonu, mare tei ne hata mei keha mae te diꞌa ka glalaba na ne fufunu kaisei magra biꞌo ka namono na. Mare chari ne tei ka nogna suga mae Jason na, mala hirodi mae Pol ghe mae Silas. Mare magnahaghei hatadi phiamare mala tei ke uludi naikno te gnafare.

Fapea Kronikols 13:7

Eghuteuna ke leghu, keha mae te diꞌa ne loku fodu ka mae Jeroboam ne fadiꞌani King Rehoboam thugna King Solomon. Ka narane tuare, King Rehoboam mana mae majaghani theome au tagna gaoghatho te keli, nei theome au nolaghi te kegra fothidi mare na.

Jajis 11:3

Aonu Jefta rikhadi mae thabusignare ne tei au ka namono Tob. Eghuteuna kate au teu mana ka namono igne, mae Jefta ne batudi keha mae te diꞌa mala leghuni mana. Eghuteuna mare tei magra nei blau.

Proveb 12:11

Mae ihei te loku heta ka nagare na, mana ginauna au ghegna kmana gano. Nu mae te theome gaoghatho fakeli na, mana ginauna na fiti loku heta ka thua nafnata gloku nate theome toghoni mana na.

Thoutonu Eigna Mae Job 30:8

Mae khuekuꞌe igre fameomekro nei theo kaisei nangha te keli. Naugna igne, naiknore puridi nei brue fajifladi ka namono.

Ululahu Samuel 22:2

Eghuteuna iheire te au puhi tadi, iheire te theome falelehe nodi kaoni, nei iheire te diꞌatadi eidi keha glepo teu igre jaola ne leghuni mana. Ka puhi igne, mae Devet ne batudi fati gobi mae.

Fapea Samuel 6:20

Mae Devet neke pulo mei ka nogna suga na ne toreni God mala fablahini tharaknagna na. Mikal jifla mei kosi ka suga na ne thafoni mana ne cheke eghu, “Iagho king gna Israel! Nu ginei ia iagho eni kaisei glepo te theome nabagna nou nafnakno biꞌo iagho na. Iagho famamaja nigho themu te koko nou pohe nafnakno na te ragi tafri ke uludi nodi gaꞌase gloku nou mae nafnakno are. Iagho jateula fiti maera eghu kolho!”

Profet Sefanaea 3:4

Hatimare mae profet igre fahaeghe fara, eghuteuna mare toutonu eidi unha te theome mei funudi ka Lord. Mae pris igre mare lausasaba di kolho glepo te blahi re, eghuteuna mare theome leghuni nogna vetula God te mala toghodi thedi na.

Jajis 9:27

Eghuteuna mare tei ka nagare grep na ne ukli sisi mala ei waen. Mare te gnafa na ne eni kaisei gaghamu biꞌo ke lamnagna nogna suga nodi god na. Ka gaghamu igne mare loku ka ghamu na nei koꞌu na neu, eghuteuna mare ne cheke faparini Funei Abimelek.