Jajis 9:23 - Buka Blahi Ka Cheke Holo

²³ God ne kuruni kaisei naitu ne faꞌeiꞌei puhi biꞌo farihoteigna Abimelek nei naiknodi Sekem, eghuteuna naiknodi Sekem ne magra ka funei igne.

Jajis 9:23 ပူးပေါင်းရင်းမြစ်များ

Profet Isaia 33:1

Kokhoni ghami fara ghotilo iheire te fakokhoanadi keha naikno ra! Ghotilo eni koba puhi igne ka keha naiknore, naugna theo kaisei naikno te eni nafnata puhi igne ka ghotilo na. Kokhoni ghami fara ghotilo te eni nafnata puhi te diꞌa igne ka kherami fofodu are! Ghotilo eni koba puhi igne, naugna theo kaisei naikno te eni kaisei najafra ka ghotilo na. Nu kate goigonidi ghotilo keha naiknore, mare ginauna na jaola ke goigoni ghamila ghotilo. Eghuteuna kate eni fadiꞌa ghotilo ranghidi kherami fofodu re, mare ginauna nake jaola nake enila unha puhi te diꞌa na ranghi ghami ghotilo.

Profet Isaia 19:14

Lord magnahaghedi mare te cheke ka naiknore, nu nodi cheke mae igre theome doglo kolho. Naugna phaꞌudi mae igre theome doglo, eghuteuna mae igre jateula mae te koꞌu te salaꞌu te thuru ke klignadi gluꞌadi thedi ra eghu kolho.

Profet Isaia 19:2

Lord ne cheke eghu, “Iara ginauna snakredi naiknodi Ijep mala magra fari thedi. Naiknore ginauna magridi kheradi thedire. Eghuteuna phei mae ke lamnagna kaisei namono na ginauna magra fari thedi. Ginauna naikno gna kaisei namono na ginauna magra ka naikno gna keha namono na. Ginauna naikno gna kaisei provins ginauna magra ka naikno gna keha provins na.

Matiu 7:2

Unha puhi teke fateni ghotilo naikno tuana, God ginauna nake fate ghami la ghotilo ka puhi tuana. Unha vetula teke fateni ghotilo naikno na, God ginauna jaola nake fate ghami ghotilo kau vetula tuana.

Fapea Kronikols 10:15

Aonu mae Rehoboam ne tirogna fanomho ka nodi cheke mare re. Mana neke eni igne naugna Lord magnahaghei te thoke mei tutuani nogna cheke na. Cheke igne Profet Ahaeja maegna Saelo neke cheke ka Jeroboam tifa na.

Ululahu Kings 12:15

Aonu King Rehoboam ne theome fanomho ka nodi cheke naiknore. Naugna Lord magnahaghei te mei tutuani nogna cheke na, unha teke chekeni mae Profet Ahaeja maegna Saelo ka mae Jeroboam.

Jajis 9:20

Nu jame te theo ghotilo na, Abimelek ginauna jateula khaꞌaghi eghu nhako ghotilo mae iheire teke vahini mana te mala funei na, eghuteuna puhimi ghotilo naiknomi Sekem nei Bet-Milo teu igre ginauna na jateula khaꞌaghi eghu na jaola nhako Abimelek.”

Jajis 9:22

Funei Abimelek ne funei ka naiknodi Israel nabagna thilo finogha ka namono aheva te au mana na.

Nonomho Te Keli Teke Risoi Mae Mak 3:24

Filo si ghotilo, jame naiknogna kaisei namono magra fari thedi, namono tuana theome tangomana te au raugha.