Jajis 9:20 - Buka Blahi Ka Cheke Holo

²⁰ Nu jame te theo ghotilo na, Abimelek ginauna jateula khaꞌaghi eghu nhako ghotilo mae iheire teke vahini mana te mala funei na, eghuteuna puhimi ghotilo naiknomi Sekem nei Bet-Milo teu igre ginauna na jateula khaꞌaghi eghu na jaola nhako Abimelek.”

Jajis 9:20 ပူးပေါင်းရင်းမြစ်များ

Jajis 9:15

“Eghuteuna phono na ne cheke eghu ka gaju igre, ‘Jame te thofno magnahaghei ghau iara tutuani ghotilo te mala noda funei tahati na, ghotilo mei poru ka naungogu iara na. Nu jame te chaghi ghotilo na, khaꞌaghi kolho nate jifla mei te mala nhako fahui gaju te gnafa igre ghilei tei posa ka famane gajudi Lebanon.’ ”

Nodi Khoje Hatimare Mae Jiu 140:10

Jame te keli na iagho koko soru kaisei khaꞌaghi ke klignadi mala nhako mare. Nei te keli na iagho jame koko sorudi ka glave te mamhara na mala theome tangomana mare teke jifla na.

Nodi Khoje Hatimare Mae Jiu 28:4

Paradi sagho eidi unha teke edi nei leghudi teku mare re. Ke foli fapulodi sagho ka mare unha te nabagna u najafra teke eni mae te diꞌa gre.

Jajis 9:23

God ne kuruni kaisei naitu ne faꞌeiꞌei puhi biꞌo farihoteigna Abimelek nei naiknodi Sekem, eghuteuna naiknodi Sekem ne magra ka funei igne.

Jajis 9:6

Naiknodi Sekem igre nei naiknodi Bet-Milo igre ne kafe mei salofodu ka gaju blahi Sekem, eghuteuna mare ne vahini Abimelek mala nodi funei mare.

Jajis 9:19

Jame te doglo unha teke edi ghotilo ranghini Jerub-Baal nei tharaknagna mana teku igre, ghotilo ginauna tangomana te glealeꞌa balugna Abimelek, eghuteuna mana ginauna glealeꞌa balumi ghotilo.

Jajis 9:21

Jotam ne rikha naugna mana ne mhaghuni mae thabusigna mana igne, eghuteuna mana tei ne au ka namono Bere.

Jajis 9:44

Nogna tothoghei funei igne chari ne tei ka grengathagna namono na, eghuteuna keha phei tothoghei igre magra ka naikno ka nagare na, eghuteuna mare aknu falehe ne gnafa naiknodi Sekem.