Jajis 9:15 - Buka Blahi Ka Cheke Holo

¹⁵ “Eghuteuna phono na ne cheke eghu ka gaju igre, ‘Jame te thofno magnahaghei ghau iara tutuani ghotilo te mala noda funei tahati na, ghotilo mei poru ka naungogu iara na. Nu jame te chaghi ghotilo na, khaꞌaghi kolho nate jifla mei te mala nhako fahui gaju te gnafa igre ghilei tei posa ka famane gajudi Lebanon.’ ”

Jajis 9:15 ပူးပေါင်းရင်းမြစ်များ

Profet Isaia 30:2

Leuleghu fata na, ghotilo tei ka mae king gna Ijep mala toreni nogna farirhiu mana na, nu ghotilo theome kulu mei tore ghau iara. Uve, leuleghu fata na ghotilo toreni mana kolho te mala reireghi ghami ka mae naoka na.

Profet Hosia 14:7

Israel ginauna famane keli jateula gaju sida eghu. Eghuteuna naiknore ginauna tangomana te au ke pari naungo gna gaju igne. Israel ginauna na jateula nagare te au kmana gano tagna ra eghu, ba jateula nagare grep te ure ra eghu. Naikno te au ka vido te gnafa igre ginauna na lase fakelini mana, jateula mare te lase fakelini famane waen gna Lebanon ia eghu.

Profet Isaia 2:13

Lord ginauna koko sorudi pari iheire te fahaehaghedi thedi fara are mala jateula famane gaju sida te brahu te kato soru ka namono Lebanon ra eghu, eghuteuna jaola goigoni gaju ok te rheta ka namono Basan.

Jajis 9:20

Nu jame te theo ghotilo na, Abimelek ginauna jateula khaꞌaghi eghu nhako ghotilo mae iheire teke vahini mana te mala funei na, eghuteuna puhimi ghotilo naiknomi Sekem nei Bet-Milo teu igre ginauna na jateula khaꞌaghi eghu na jaola nhako Abimelek.”

Profet Daniel 4:12

Khaklagna gaju igne famane fara. Eghuteuna fuꞌagnare kmana fara, naba te ima naikno gna nauthoglu igne. Eghuteuna buluka nei sipu nei nanigot nei hose teu igre mei gnafa ke parigna gaju igne, eghuteuna nanghajire mei horo gnoku ka gregegnare, eghuteuna thua nafnata glepo te karha ba te tautagu igre mei ghamu ka fuꞌagna na.

Profet Esikiel 19:14

Khaꞌaghi na ne fufunu ka kaisei grege biꞌo, ne nhako keha grege re baludi fuꞌagna re. Theo kaisei grege te rheta te au na te naba te mala horo nogna khodo king.’ “Igne kaisei khoje diꞌanagnafa eghuteuna ghotilo mala koje jateula kaisei khoje mala diꞌanagnafa eghu.”

Profet Isaia 37:24

Iara nou Funei iagho, nu iagho kurudi nou mae mala hata nonomho mala cheke fadiꞌa ghau iara. Iagho neke cheke fahaehaghe eghu, ‘Ka nogu chariot iara gre, iara neke tei neke hata thogele biꞌo Lebanon. Iara neke kato soru famane gaju sida te brahu ra nei famane gaju paen ra eghu. Iara jaola neke tei posadi thogele te haghe fara ra, nei ka vido aheva te au kmana gaju fara tadi ra.

Nodi Khoje Hatimare Mae Jiu 104:16

Nogna gaju sida Lord na kotu Lebanon, eigna jare na kmana nakhete te mala faboubothudire.

Fapea Kings 14:9

Nu King Jehoas ne cheke eghu ka mana, “Kaisei fata, kaisei phono gna Lebanon ne fatei cheke ka kaisei gaju biꞌo gna Lebanon, ne cheke eghu, ‘Iagho snakreni thumu gaꞌase na mala tolaghi ka mae thugu nalhaꞌu iara gne.’ Nu kaisei bosu mhata gna Lebanon khale ka gnarho igne ne klopa.”

Naba 21:28

“Tifa na, mae soldiare neke jifla mei Hesbon jateula khaꞌaghi neku. Uve, mare neke goigonini namono Ara jare Moab. Eghuteuna mare jaola neke goigonidi goro mae funei gna vido blahi Bamot-Anon na.

Matiu 13:32

Sisi igne ikoi fara ka sisi te gnafare. Eghuteuna kate kotu na, gaju igne ginauna kaisei gaju biꞌo fara ke lamnagna nagare na. Eghuteuna ginauna kaisei gaju biꞌo, nabadi nanghajire te mei horo nodi gnoku ka gregegnare.”

Profet Esikiel 31:3

Nu ghotilo ghathoni kantri biꞌo Asiria. Uve, Asiria gne jateula kaisei gajugna Lebanon eghu eigna gregegna re thofno keli fara, eghuteuna naungo gna na thafru ligoho namhata thongana na. Gaju igne thono brahu fara tei posa ka maloa ro.

Profet Isaia 1:31

Nomi mae nheta ghotilo are ginauna glaꞌe soru jateula khakla gaju te moja ra eghu, eghuteuna nodi glokure ginauna na jateula khakla gaju te koko lao ka nasnire khaꞌaghi ra eghu. Mae nheta igre ginauna gnhubra ka khaꞌaghi baludi nodi gobigna lepore, eghuteuna theo kaisei naikno nate tangomana te faleheni khaꞌaghi igne na.”

Jajis 9:49

Aonu mare te gnafa na kato soru grege gaju te moja leghuni unha te chekeni Abimelek igne. Mare bubukrei faligohoni gringnigna Sugablahi na ne gnubra ka khaꞌaghi. Aonu naikno te gnafa te au ke lamnagna suga mala poru Sekem igne ne kafe lehe. Khaputudi goro gaꞌase nei mae iheire teke au ke lamnagna suga mala poru igne kaisei thogha.

Jajis 9:14

“Aonu mare ne cheke eghu ka phono, ‘Phono, iagho ginauna mala noda funei tahati!’

Jajis 9:16

Ke leghugna te gnafa thoutonu igne, mae Jotam tudu ne cheke eghu, “Tore! Kate vahini ghotilo Abimelek te mala nomi funei ghotilo na, ba, ghotilo gaoghathomi na ghotilo ne eni glepo te thofno doglo fara eghu? Kani karha teku mae kmagu Jerub-Baal ia, mana neke edi kmana glepo te keli ranghi ghami ghotilo. Ba? Kate edi ghotilo glepo igre, ghotilo ghatho tahuni mana nei jaola ka thugna mana ra neu?

Nodi Khoje Hatimare Mae Jiu 29:5

Chekegna Lord na ne klopa gaju thubi te maku na gna ka Thogele Lebanon.

Jajis 9:44

Nogna tothoghei funei igne chari ne tei ka grengathagna namono na, eghuteuna keha phei tothoghei igre magra ka naikno ka nagare na, eghuteuna mare aknu falehe ne gnafa naiknodi Sekem.

Lamentations 4:20

King igne neke vavahi Lord, mana jateula te louloku teu eghu nakarhada tahati gre. Tahati gaoghathoda na mana tangomana te reireghi ghita ka keha kantri are neku, nu naoka hata fajiflani mana ka tahati.