Jajis 8:5 - Buka Blahi Ka Cheke Holo

⁵ Aonu kate tei te posa mare ka namono Sukot, Gidion ne tore gano ka naiknogna namono igne. Mana ne cheke eghu, “Ghotilo famei keha gano ka ghehati. Ghehati ngolhidi Seba ghe Salmuna, phei king di Midian, nu ghehati thono rofo nomi fara nei babaꞌo nomi fara eghu.”

Jajis 8:5 ပူးပေါင်းရင်းမြစ်များ

Jenesis 33:17

Nu mae Jekop neke tei Sakot. Jare mana ne hohoro kaisei suga tapuale malagna thegna, nei keha suga ikodi eghu maladi nogna buluka re, naugna igne mana ne kiloni namono igne Sakot. Nangha igne gaoghathogna na “grorofe” eghu.

Nodi Khoje Hatimare Mae Jiu 60:6

God na au neu ka Sugablahi na ne cheke eghu, “Iara la ulunihila u magra na, eghume iara ginauna tufa namono Sekem igne nei sare biꞌo Sakot gne eghu ka nogu naiknore.

Ululahu Samuel 25:18

Aonu Abigel ghosei ne atha phei gobi bret, phei baeg guli nanigot te fodu ka waen, glima sipu muita, kaisei gobi piha grep gata, nei phei gobi piha fig neu ne luja ka nogna dongki na.

Diutronomi 23:4

Naugna tifa kani teke jifla ghotilo Ijep ia, ghotilo neke mei salaꞌu ka nodi nohi naiknodi Amon, eghuteuna mare neke theome kelitadi te tufa gano nei khoꞌu teu ka ghotilo na. Eghuteuna kate mei ghotilo ka nodi nohi naiknodi Moab, mare neke kilo meini mae Balam thugna mae Beo, maegna ka namono Petoa jare Mesopotemia. Mare folini mae Balam mala tibri ghami ghotilo.

Jenesis 14:18

Mae Melkisedek gne mana mae king gna ka namono Salem. Mana neke kaisei mae pris nogna God, mae ihei te fnakno fara. Mana hata ne mei keha bret nei waen eghu ka mae Ebram.

Jajis 8:10

King Seba ghe Salmuna baludi nodi soldia re phiamare tei ne au namono Kakoa. Ulu lahu na soldia ka armigna Midian teke jifla mei ke maghati namono nagou igre kmana fara, nu naiknodi Israel igre ne aknu falehe kaisei gobi varadaki thogha soldia. Eghume phei king igre au nabotho glima thogha soldia kolho baludi.

Jajis 8:12

Eghuteuna soldia di Midian igre mhaghu nodi fara ne rikha fagoigoli tafri. Phei king igre jaola ne rikha nu Gidion nei mae te balugna re eghu ne ngolhidi ne ghilei tei lokidi phiamare.

Jajis 8:15

Gidion tei ka mae biꞌodi Sukot igre ne cheke eghu ka mare, “Ei, ghotilo ghathoniu puhi teke cheke fadiꞌa ghami ghehati ghotilo ia? Ghotilo neke cheke eghu, ‘Naugna unha gne eghu tufa gano ghehati ka ghotilo? Ghotilo theome lokidi ngau Seba ghe Salmuna!’ Filo si ghotilo, igre Seba ghe Salmuna re!”

Jajis 5:23

Engel nogna Lord na ne cheke eghu, ‘Puhi biꞌo na thokedi naiknodi Meiros. God ginauna paradi naiknodi Meiros, naugna mare ne theome magnahaghei te toghodi nogna soldia Lord ka magra.’