Jajis 8:30 - Buka Blahi Ka Cheke Holo

³⁰ Mana au fitusalei thugna naugna mana au kmana khetogna.

Jajis 8:30 ပူးပေါင်းရင်းမြစ်များ

Jajis 9:5

Abimelek ne tei ka nogna namono kmagna na Ofra. Eghuteuna ke kligna gna kaisei thina jare, mana ne aknu falehe fitusalei thabusigna mana, thugna mae Jerub-Baal. Ka narane tuana, Jotam thugna leghu lahu Jerub-Baal kolho te theome lehe na naugna mana ne poru.

Jajis 9:2

“Ghotilo tei cheke baludi goro mae biꞌodi Sekem ra. Ghotilo tei fariuriu ghusna eghu ka mare, ‘Ba, ghotilo gaoghathomi na keliu ngala fitusalei thugna Jerub-Baal igre te funei fruni ghami ghotilo na, ba te keli na kaisei kolho jateula iara eghu te mala nomi funei ghotilo na?’ Eghuteuna ghotilo jaola ghathoni iara gne thofno dadarami ghotilo.” Aonu mare tei ne cheke eigna glepo igne baludi naiknodi Sekem. Eghuteuna naiknodi Sekem igre ne kelitadi te mala leghuni mana na, naugna te chekeni mare na mana kaisei mae thabusidi mare kolho.

Ululahu Kings 11:3

Mana ne tolaghi ka fitu gobi gaꞌase, gaꞌase igre thudi hatimare mae king, eghuteuna mana jaola au thilo gobi khetogna te loku ranghini mana. Eghuteuna gaꞌase igre hata fadelei gaoghathogna mana na mala figri tagruni Lord.

Diutronomi 17:17

Eghuteuna king igne theome mala hata kmana khetogna, naugna jame te hata kmana khetogna mana na, goro gaꞌase igre ginauna figri gaoghathogna mana na, eghuteuna mana ginauna na theome ghatho tahuni Lord. Eghuteuna mana theome mala dedei ka silva nei gol.

Profet Malakai 2:15

“Nu kate eni repa nhaꞌa cheke igne, God loku fodudi repa mala jateula kaisei thini nei kaisei gaoghatho eghu ngala repa. Naugna unha si God te eni ignea? God neke eni igne mala au sua vuragha ghotilo neku, eghuteuna goro sua igre mala goro thugna God. Eghume ghotilo mala reireghi fakelini nakarhagna thegna na, thosei huhughuni nhaꞌa cheke teke eni ghotilo ka narane teke loku fodu ghami God.

Fapea Kings 10:1

Fitusalei vikegna King Ehab re au ngau Samaria. Aonu mae Jehu ne rioriso letas ne fatei ka mae biꞌo nei ka mae mala baubatu ka namono igne, nei ka iheire te reireghidi tharaknagna King Ehab.

Jajis 12:14

eghuteuna mana au phiatutu thugna nalhaꞌu nei tolufulu gragna. Eghuteuna naugna te mae lida mare na, mare te gnafa na mare saghe ka dongki. Abdon batudi naiknodi Israel nabagna nhana finogha,

Jajis 12:9

Mana au tolufulu thugna nalhaꞌu nei tolufulu thugna gaꞌase. Mana snakredi thugna gaꞌasere mala tolaghi ka keha tharakna te theome vikegna mana. Eghuteuna hata gaꞌase ka keha tharakna te theome vikegna manare mala mei tolaghi ka thugna nalhaꞌure. Mana batudi naiknodi Israel nabagna fitu finogha,

Jajis 10:4

Mae igne au tolufulu thugna nalhaꞌu, eghuteuna naugna mae igre lida, mare kafe saghe ka dongki. Eghuteuna mare reireghi tolufulu namono ke lamnagna kantri Gilead, eghuteuna nanghadi tolufulu namono igre kilodiu ngala, “Nogna Namono Jaea” ghilei mei posa ka narane igne.

Eksodas 1:5

Eghuteuna ka narane tuare, Josep kaisei mae ka mae thabusigna igre kulu auhi ka kantri Ijep. Eghuteuna khaputudi naikno teke tei au jare igre fitu salei naikno.

Jenesis 46:26

Eghume khaputudi teke thofno vikegna mae Jekop teke tei balugna Ijep re neke namno salei naikno. Teke khetodi thugna nalhaꞌu mae Jekop re neke theome kahadi.

Jenesis 7:7

Mae Noa baludi khetogna, thugna nalhaꞌu nei khetodi mae thugnare eghu ne rikha ne tei saghe ka vaka na mala theome knoho ka meigna nabritha biꞌo na.

Jenesis 2:24

Eghume mae nalhaꞌu na mala jifla kokodi idogna kmagna re mala au fodu balugna khetogna na. Naugna igne repa mala theome jateula phei naikno eghu, nu repa mala jateula kaisei naikno eghu kolho.

Jajis 8:31

Mana jaola au kaisei fapea khetogna ka namono Sekem. Gaꞌase igne ne karha kaisei thugna ka mana, eghuteuna Gidion ne kiloni, Abimelek.

Jajis 9:18

Nu gognarona, ghotilo theome keli ranghini mana nei tharaknagna mana na. Ghotilo neke aknu falehe fitusalei thugna mana ra ke kligna kaisei thina, eghuteuna kaisei iara kolho teke rikha na. Filo si ghotilo! Abimelek igne thugna nogna gaꞌase gloku kmagu iara kolho, nu naugna mana kaisei kherami ghotilo, ghotilo vahini mana mala nomi funei ghotilo.

Jajis 9:1

Abimelek thugna Jerub-Baal igne ne tei namono Sekem aheva te au nebugna, nei kheragna teu idogna manare. Mana ne cheke eghu ka mare,