Jajis 8:24 - Buka Blahi Ka Cheke Holo

²⁴ Eghuteuna mana ne cheke eghu, “Nu iara magnahaghei te toreni kaisei glepo ka ghotilo. Tusu mei dedenge teke hata ghotilo ka noda naoka tahati ra.” Nodi kastom naiknodi Midian te au baludi vikegna Ismael igre jaola fahaghe dedenge gol.

Jajis 8:24 ပူးပေါင်းရင်းမြစ်များ

Jenesis 25:13

Igre teke nanghadi teke thugna nalhaꞌu mae Ismael re, funu ka mae teke kulu karha na posa ka mae teke karha leghu lahu na. Mae sitei nalhaꞌu teke kulu karha na neke mae Nebaeot, eghuteuna mae Keda, mae Adbel, mae Mibsam,

Jenesis 37:28

Ka vido te eni teu mare cheke igne, keha maedi Midian ne mei ne filoni mae Josep ka khora na. Hatimare ne mei korho fajiflani mae Josep ka khora na ne snakre lao ni mana ka hatimare mae vikegna mae Ismael mala foli mare mala nodi mae gloku. Mare ne folini mae Josep ka maedi Midian gre. Varadaki silva ne hatani mana ne tei Ijep.

Jenesis 37:25

Ke leghugna tela koko sorunihi mae Josep ka khora na, mare gnokro soru ne ghamu. Kate ghamu teu mare na, mare ne filodi vikegna mae Ismael re ne mei funudi Gilead mala tei Ijep. Nodi kamel re fodu ka wit nei meresin nei sedi mala ghiha ka thini eghu. Glepo igre mala tei sabiri ka kantri Ijep.

Ululahu Kings 20:11

Nu king gna Israel igne ne cheke eghu, “Ghotilo tei cheke eghu ka mana: ‘Soldia te ao ngala te funu tei nga ka magra na, mana theome tangomana te cheke fahaehaghe jateula soldia teke ulunihi magra na teuna.’ ”

Ululahu Samuel 25:11

Gano, khoꞌu nei sipu teu te ima iara ka gaghamu ignera, ghedi mae iheire teke kuchi nogu sipu iara ra kolho! Iara theome tangomana te tufa ka mae iheire te theome lasedi iara re!”

Eksodas 32:3

Aonu naikno te gnafa re salo nodi dedenge re atha ne mei ka Eron.

Eksodas 12:35

Mae Israel re ne leghuni unha teke chekeni mae Moses na ne tore keha gol, silva nei pohe eghu ka naiknodi Ijep re.

Jenesis 24:53

Aonu mana ne hata fajifla thua nafnata glalaoni silva, gol nei famane pohe teure ne tusu lao ka Rebeka. Eghuteuna mana jaola ne tufa namha te biꞌo fara sileni dire ka kheragna nei idogna teu Rebeka re.

Jenesis 24:22

Kate koꞌu te gnafa kamel re, mana ne hata ne tusu lao ka Rebeka kaisei ring teke hohoro ka gol mala lilisei ka nehu na, tahugna na glima gram, nei phei khome neke hohoro la ka gol, tahu dire phei gobi gram.

Jenesis 35:4

Aonu mare ne hata ne mei nodi mumujure nei dedenge eghu teke hata ka keha kantri re ne tusu lao ka mae Jekop. Mana jifla ka namono na ne tei ne titifuni glepo igre ka pesigna gaju biꞌo na rhegna namono Sekem.

Jajis 8:25

Aonu soldia di Israel te gnafa igre mare kelitadi fara ne cheke eghu, “Keliu kolho. Ghehati na tusu ari dedenge igre ka iagho.” Aonu mare pakra soru pari kaisei pohe ka glose na ne lisei soru dedenge igre.

Jenesis 25:12

Igne u susureigna teke vikegna mae Ismael teke thugna mae Ebraham na. Mae Ismael gne neke karha ka Hega. Hega gne neke kaisei gaꞌase gna Ijep, naꞌa neke nogna naikno gloku Sera.

Eksodas 32:4

Eron atha dedenge gol igre gahu ne fablalho ne horo kaisei mumuju buluka nalhaꞌugna. Mana fakegra haghe mumuju buluka nalhaꞌugna igne, eghuteuna naiknore ne cheke eghu, “Ghotilo naiknomi Israel! Igne noda god tahati na, mae ihei teke atha ghita teke jifla Ijep!”

Eksodas 32:8

Mare ghosei la kokohi puhi teke chekedi iara mala leghudi mare tekura. Mare la horohi kaisei mumuju buluka nalhaꞌugna teke horo ka gol, mare la pogho soru nei fafara lau tagna. Eghuteuna mare la cheke eghu, ‘Ghotilo naiknomi Israel! Igne noda god tahati na, mae ihei teke atha fajifla ghita Ijep!’ ”

Profet Esikiel 7:20

Mare neke kelitadi neke fahaehaghedi fara famane thina te horo nodi mumuju te theo nafugna igne. Glepo te eni mare igne, thono diꞌa fara ka iara. Eghume, iara ginauna eni glepo igne mala jateula glepo chara eghu kolho ka mare.