Jajis 8:23 - Buka Blahi Ka Cheke Holo

²³ Nu mana ne cheke eghu ka mare, “Iara theome naba te funei fruni ghami ghotilo na, eghuteuna thugu iara na jaola theome naba te funei fruni ghami ghotilo na. Lord kolho naba te funei fruni ghita tahati na.”

Jajis 8:23 ပူးပေါင်းရင်းမြစ်များ

Profet Isaia 33:22

Lord na noda king tahati, eghuteuna mana fate ghita ka puhi te doglo. Mana farirhiu ghita nogna vetula re eghuteuna mana ginauna na fakarhi ghita.

Ululahu Samuel 12:12

“Nu kate filoni ghotilo King Nahas gna Amon te namo mei magra baluda tahati na, ghotilo neke theome magnahagheni Lord te mala noda king tahati na, aonu ghotilo neke cheke eghu ka iara, ‘Ghehati magnahaghei kaisei king mala funei fruni ghami.’

Ululahu Samuel 10:19

Iara nomi God ghotilo eigna iara neke fakarhi ghami ka puhi biꞌo nei ka narane te ninhigrana. Nu gognarona, ghotilo theome magnahaghei ghau iara, eghuteuna ghotilo magnahagheni fara kaisei king. Eghume, ghotilo mala fofota vikemi nei tharaknami teu gre mala mei ka iara, mala vahini iara nomi king ghotilo na.”

Fapea Korin 1:24

Ghehati theome magnahagheni te sagheleghudi nomi fatutuani ghotilo re, naugna ghehati lase ghami ghotilo tela kegra hetahi ka nomi fatutuani na ka God. Nu ghehati magnahagheni te loku balumi ghotilo mala tangomana ghotilo te gleale'a na.

Ululahu Pita 5:3

Thosei kegra me poapola kolho jateula kaisei mae funei eghu ke klignadi naikno te au ka khamemi ghotilo are. Nu te keli na ghotilo loku fodu batudi ka puhi te keli mala tangomana mare te leghu ghami ghotilo na.

Jajis 10:18

Mae mala baubatu ka naiknodi Gilead igre ne cheke eghu fari thedi, “Ihei nate batu ghita te mala tei magra ka armigna Amon? Mae ihei nate batu ghita tahati na, mana ginauna mala funei fruni ghita tahati naikno te gnafa agne Gilead.”

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Profet Isaia 63:19

Funu tifa te ghilei mei posa gognarogne ghehati jateula naikno te theome funei fruni ghami iagho ra eghu kolho. Uve, ghehati jateula te fiti naikno ra eghu kolho ka iagho.

Jajis 8:22

Ke leghugna teke magra baludi maedi Midian igne, maedi Israel igre ne cheke eghu ka Gidion, “Iagho mala funei fruni ghami ghehati, naugna iagho neke fakarhi ghami ghehati ka vikedi Midian ra. Eghuteuna ke leghumu iagho na, mae ka vikemu iagho ngala mala teke tughu nigho iagho na.”

Nodi Khoje Hatimare Mae Jiu 10:16

God ginauna mala king fabrahu tifa e tifa. Mana ginauna na brue fadeleidi naikno bongihehe te au ka nauthoglu igne mala luvu fabrahu mare tifa e tifa.

Nodi Khoje Hatimare Mae Jiu 149:2

Tahati vikegna mae Jekop, ba mae Israel ra, tahati glealeꞌa naugna Lord neke vuavuha ghita. Uve, tahati nogna naikno mana te au Saion ra, tahati glealeꞌa naugna mana ngala noda mae King tahati na.