Jajis 8:22 - Buka Blahi Ka Cheke Holo

²² Ke leghugna teke magra baludi maedi Midian igne, maedi Israel igre ne cheke eghu ka Gidion, “Iagho mala funei fruni ghami ghehati, naugna iagho neke fakarhi ghami ghehati ka vikedi Midian ra. Eghuteuna ke leghumu iagho na, mae ka vikemu iagho ngala mala teke tughu nigho iagho na.”

Jajis 8:22 ပူးပေါင်းရင်းမြစ်များ

Jone 6:15

Ka narane tuana mae Jisas ne filo glanidi u gaoghathodi naiknore te magnahaghei huhuruni mana mala mae King. Aonu mana megei nga ne jifla ne tei au thegna kau thogele na.

Ululahu Samuel 12:12

“Nu kate filoni ghotilo King Nahas gna Amon te namo mei magra baluda tahati na, ghotilo neke theome magnahagheni Lord te mala noda king tahati na, aonu ghotilo neke cheke eghu ka iara, ‘Ghehati magnahaghei kaisei king mala funei fruni ghami.’

Ululahu Samuel 8:5

Eghuteuna mare tei ne cheke eghu ka mana, “Iagho gognarona la kuekuꞌe farahi, eghuteuna phei mae thumu iagho igre theome leghudi kolho puhimu iagho te keli gre eghu. Naugna igne, ghehati magnahaghei nigho iagho te vahini kaisei nomi king, mala funei fruni ghami jateula keha kantri te au nodi king are eghu.”

Jenesis 37:28

Ka vido te eni teu mare cheke igne, keha maedi Midian ne mei ne filoni mae Josep ka khora na. Hatimare ne mei korho fajiflani mae Josep ka khora na ne snakre lao ni mana ka hatimare mae vikegna mae Ismael mala foli mare mala nodi mae gloku. Mare ne folini mae Josep ka maedi Midian gre. Varadaki silva ne hatani mana ne tei Ijep.

Jajis 8:21

Phei king igre cheke faheaheta eghu ka Gidion, “Te kaisei mae nalhaꞌu iagho na! Mei falehe ghami ghepa themu sagho!” Aonu mala tei ne aknu falehedi King Seba ghe King Salmuna. Eghuteuna mana hata koko famane glepo teke gefe ka graradi nodi ka kamel phiamare re.

Jajis 8:23

Nu mana ne cheke eghu ka mare, “Iara theome naba te funei fruni ghami ghotilo na, eghuteuna thugu iara na jaola theome naba te funei fruni ghami ghotilo na. Lord kolho naba te funei fruni ghita tahati na.”