Jajis 8:18 - Buka Blahi Ka Cheke Holo

¹⁸ Gnafa teuna, Gidion ne ghusna eghu ka Seba ghe Salmuna, “Ba, mae teke aknu falehe ghopa ka thogele Teboa ra ba?” Aonu phiamare ne cheke eghu, “Tathadi nei foflodi teu mare re jateula iagho eghu kolho. Te filodi ghehati re mare te gnafa na thofno jateula thugna kaisei king eghu.”

Jajis 8:18 ပူးပေါင်းရင်းမြစ်များ

Jajis 4:6

Kaisei narane, naꞌa ne fatei cheke ka mae Barak, thugna mae Abinoam, jare Kedes ka nogna glose Naftali, mala mei filoni naꞌa. Eghuteuna kate mei thoke mana ka naꞌa na, Debora ne cheke eghu ka Barak, “Lord nodi God naiknodi Israel igne ne cheke eghu ka iagho, ‘Iagho tei kilodi nabotho thogha mae mala magra ka vikedi Naftali ghe Sebulun. Iagho batudi mare tei ka thogele Teboa.

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Nodi Khoje Hatimare Mae Jiu 89:12

Iagho ngala teke vuavuhadi namono te gnafa, funu ke raru te posa ke mhata. Thogele Tebo nei Thogele Hemon teu igre glealeꞌa fara jateula naikno eghu glealeꞌa nei koje kilo fnakno nigho eghu.

Nodi Khoje Hatimare Mae Jiu 12:2

Mare chaichaghidi koba keha naiknore. Mare thono lase cheke famaemahe fara nei muamugna eghu.

Jajis 8:5

Aonu kate tei te posa mare ka namono Sukot, Gidion ne tore gano ka naiknogna namono igne. Mana ne cheke eghu, “Ghotilo famei keha gano ka ghehati. Ghehati ngolhidi Seba ghe Salmuna, phei king di Midian, nu ghehati thono rofo nomi fara nei babaꞌo nomi fara eghu.”

Jajis 8:17

Eghuteuna ke leghugna igne mare neke pulo mei namono Peniel ne paꞌe soru thoa biꞌo igne. Eghuteuna mare jaola ne aknu falehe goro mae biꞌogna namono igne.

Jajis 8:19

Eghuteuna mana ne cheke eghu, “Mare te gnafa tura thofno thabusigu iara! Ghehati te gnafa na karha ka kaisei idomi ngala. Iara cheke tutuani fara ka nanghagna Lord mae ihei te karha, jame ghotilo theome aknu falehedi mare meuna, iara ginauna theome tangomana te aknu falehe ghami ghotilo na.”

Jajis 4:12

Kate nomhini Sisera nonomho te batudi Barak nogna soldiare ka thogele Teboa igne,

Fapea Kings 1:7

King ne ghusna eghu, “Mana na jateula mae ihei eghu?”

Profet Esikiel 23:15

Mae ka thotoghale na igre mare fahaghe nhugha lithui ka sorodire eghuteuna haru pohe biꞌo lithui ka phaꞌudi re, eghuteuna mare jateula nodi komanda mae armigna Babilonia te magra ka chariot eghu filodi re.