Jajis 7:25 - Buka Blahi Ka Cheke Holo

²⁵ Mare ne lokidi phei komandadi Midian, nanghadire, Gaghata Pipito ghe Khuma Mata. Gaghata Pipito igne, mare ne kusu phaꞌugna na rhegna kaisei thina biꞌo ke leghu na mare kiloni thina igne Gaghata Pipito. Eghuteuna Khuma Mata igne, mare kusu phaꞌugna na ka vido te mala ei waen ke leghu na mare kiloni vido igne Khuma Mata. Mare ne ngholini armigna Midian igne. Eghuteuna mare ne hata phaꞌudi phei komanda igre ne tei ka Gidion mae ihei te au ka keha phile Khoꞌu biꞌo Jordan.

Jajis 7:25 ပူးပေါင်းရင်းမြစ်များ

Profet Isaia 10:26

Lord mae ihei au nolaghi fateote'o igne ginauna puridi mare jateula teke eni mana ka naiknodi Midian rhegna thina biꞌo te kiloni mare Oreb tifa ra eghu. Mana ginauna paradi naiknodi Asiria jateula teke paradi iara naiknodi Ijep ra eghu.

Josua 7:26

Eghuteuna mare ne bukru thina ke kligna thinigna mae Ekan. Tothoghei thina igne au ngala gognaro na. Naugna igne, mare kiloni vido igne, “Glogu Ako,” gaoghathogna na, Puhi Biꞌo. Ke leghugna igne, Lord ne theome diꞌatagna ka naiknodi Israel.

Profet Isaia 9:4

Uve, ghehati gleale'a fara, naugna iagho neke hata fadeleihi diꞌanagnafa teke eni ranghi ghami nomi naoka ra, eghuteuna iagho lolhopahi khodo teke puri ghami ra. Iagho goigonidi mare jateula iagho teke goigonidi soldiadi Media tifa ra neu.

Profet Habaku 3:7

Lord, iara filodi naiknodi ka kantri Kusan igre mhaghu nodi fara, eghuteuna naiknodi Midian igre fififri fara.

Nodi Khoje Hatimare Mae Jiu 83:10

Iagho neke falehedi phei mae igre ka namono biꞌo Endo, eghuteuna thinidire neke boto jare.