Jajis 7:19 - Buka Blahi Ka Cheke Holo

¹⁹ Fari hotei bongiro, kate faritughui soldia di Midian te reireghigna vido igne, Gidion balugna kaisei gobi nogna mae te mei kegra faligohoni vido te au armigna Midian igne, mare ne ifu nodi trampet re, nei poposa nodi dis re mala phae jutare.

Jajis 7:19 ပူးပေါင်းရင်းမြစ်များ

Thakle 16:15

Aonu mae Jisas ne cheke eghu, “Fanomho fakeli! Tutuani, iara ginauna nake pulo mei ka ghotilo ka narane te theome ghathoni ghotilo na jateula kaisei mae te blau te mei ka narane te theome ghathoni naiknore. Mae ihei te tarabana teu teke pulo mei iara na, mana ginauna gleale'a fara kate filo ghau iara na. Mana jateula kaisei mae te ofoni teu ke pulo meigna mae kheragna na. Mana ginauna pipichi, dofrau nei gleale'a eghu kate filoni mana na. Jame te tarabana teu iagho teke pulo mei iara na, iagho na theome mamaja nou kate filo ghau iara na. Tutuani, iagho theome mamaja nou jateula iheire te soesole teu ka glalaba na ia eghu.”

Ululahu Tesalonika 5:2

Ghotilo thofno laseni fara eigna theo kaisei naikno te laseni. Narane mala ke pulo meigna Lord tuana ginauna farhanidi naikno jateula kaisei mae blau te mei bongiro ia eghu.

Matiu 25:6

“Fari hotei bongiro, ka bongi tuana kaisei mae ne poapola eghu fabiꞌo, ‘Mae tholaghi na la meihi! Mei ghotilo mala thafoni mana!’

Nodi Khoje Hatimare Mae Jiu 2:9

Iagho ginauna na falehedi naikno te gnafa igre ka aean, eghuteuna iagho ginauna na puri nguangujadi jateula suspen thina eghu.’ ”

Jajis 7:16

Mana tufa thilo gobi mae igre ka thilo tothoghei, eghuteuna mana tufa ka kaisei trampet nei dis teke hohoro ka glose biꞌo eghu ka mare gnafa. Eghuteuna mare te gnafa na au juta te phae ke lamnadi dis igre.

Eksodas 14:24

Gagra pasa hamerane boibongi Lord na au neu ke lamna khoveo nei ke lamna khaꞌaghi neu ne filo soru ka mae soldia di Ijep gre, aonu maedi Ijep faꞌihodi ne rodi rikha.

Jajis 7:18

Ghotilo kegra faligohoni nodi vido mare na. Eghuteuna kate ifu iara balugna nogu tothoghei iara gne nomi trampet re, ghotilo ginauna jaola ifu nomi trampet re, eghuteuna tahati mala eha eghu fabiꞌo, ‘Magra ranghidi Lord ghe Gidion mala uluni magra igne!’ ”

Jajis 7:20

Aonu thilo tothoghei igre jaola ne ifu nodi trampet nei poposa nodi dis re. Mare te gnafa na loku juta fei khame maeri eghuteuna trampet fei khame nheta, eghuteuna mare ne eha eghu fabiꞌo, “Aknu falehedi! Aknu falehedi! Lord ghe Gidion mala uluni magra igne!”

Nodi Khoje Hatimare Mae Jiu 90:4

Ka iagho na kaisei thogha finogha na jateula te kaisei narane eghu kolho, jateula gnora tela salaꞌu arihi eghu, nei jateula kaisei aoa tela ghosei tela salaꞌu ari hila bongi ia eghu kolho.